ರೋಮ್ 12:16 - ಕೊಡವ ಬೈಬಲ್

¹⁶ ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 12:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 17:5

ಗರೀಬನ ಪರಿಹಾಸ ಮಾಡ್‌ವಂವೊ ಅಂವೊನ ಸೃಷ್ಟಿ ಮಾಡ್‌ನಂವೊನ ಅವಮಾನ ಮಾಡ್‌ವ. ಬೋರೆ ಒಬ್ಬ ಅಪಾಯತ್‌ಲ್‌ ಇಪ್ಪದ್‌ನ ಕಂಡಿತ್‌ ಕುಶಿಪಡ್‌ವಂವೊಂಗ್‌ ಶಿಕ್ಷೆ ಕಂಡಿತ.

ಜ್ಞಾನತ್‌ರ ಪಡಿಮ 19:17

ಗರಿಬಂಗ್‌ ದಯೆ ಕಾಟ್‌ವಂವೊ ಯೆಹೋವಂಗ್‌ ಸಾಲ ಕೊಡ್‌ಪ. ಅಂವೊ ಮಾಡ್‌ನ ಕಾರ್ಯಕ್‌ ಯೆಹೋವ ಬಹುಮಾನತ್‌ನ ತಿರಿತ್‌ ತಪ್ಪ.

ಜ್ಞಾನತ್‌ರ ಪಡಿಮ 19:22

ತನ್ನ ಎಕ್ಕಾಲು ಪ್ರೀತಿಚಿಡಂಡೂಂದೇ ಮನುಷ್ಯ ಆಸೆ ಪಡುವ. ಪೊಟ್ಟ್‌ ಪರಿಯುವಕಿಂಜಿ ಗರೀಬನಾಯಿತ್‌ ಇಪ್ಪದೇ ಮೇಲ್.

ಜ್ಞಾನತ್‌ರ ಪಡಿಮ 19:7

ಗರಿಬನ ಅಂವೊಂಡ ಮನೆಕಾರ ಎಲ್ಲಾರು ವಿರೋದ ಮಾಡುವಲ್ಲ. ಅನ್ನನಾಚೇಂಗಿ ಇಂಞು ಎಚ್ಚಕ್‌ ಅಂವೊಂಡ ಸ್ನೇಹಿತಂಗ ದೂರ ಆಪ. ಅಯಿಂಗಡ ಸಹಾಯಕಾಯಿತ್‌ ಅಂವೊ ಬೋಡ್‌ಚೇಂಗಿಯು, ಅಯಿಂಗ ಅಂವೊಂಗ್‌ ಕ್‌ಟ್ಟುಲೆ.

ಜ್ಞಾನತ್‌ರ ಪಡಿಮ 26:12

ತನ್ನ ತಾನೆ ಜ್ಞಾನೀಂದ್‌ ಗೇನ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯಕಿಂಜಿ ಮೂಡಂಡ ಮೇಲೆ ನಿರೀಕ್ಷೆ ಬೆಕ್ಕಲು.

ಜ್ಞಾನತ್‌ರ ಪಡಿಮ 26:5

ದಡ್ಡಂಗ್‌ ಅಂವೊಂಡ ದಡ್ಡತನಕ್‌ ಸೆರಿಯಾಯಿತ್‌ ಉತ್ತರ ಕೊಡ್. ಉತ್ತರ ಕೊಡ್‌ಕತೆ ಪೋಚೇಂಗಿ ತನ್ನ ತಾನೇ ಜ್ಞಾನವುಳ್ಳಂವೊಂದ್‌ ಗೇನ ಮಾಡುವ.

ಜ್ಞಾನತ್‌ರ ಪಡಿಮ 3:7

ನೀನೇ ಜ್ಞಾನಿ ಎಣ್ಣಿಯಂಡ್‌ ಗೇನ ಮಾಡತೆ, ಯೆಹೋವಂಗ್‌ ಬೊತ್ತಿಯಂಡ್‌ ಪಾಳ್‌ ಬಟ್ಟೆಯಿಂಜ ದೂರ ಇರ್.

ಮತ್ತಾಯ 11:5

ಕುರ್‌ಡಂಗ ಕಂಡಂಡುಂಡ್, ಕುಂಟಂಗ ನಡ್ಂದಂಡುಂಡ್, ಕುಷ್ಟರೋಗಿಯಂಗ ವಾಸಿ ಆಯಂಡುಂಡ್, ಕಿವ್‍ಡಂಗ್ ಕ್‍ೕಟಂಡು, ಚತ್ತಯಿಂಗ ಎದ್ದಡುಂಡ್, ಗರೀಬಂಗಕ್ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್.

ಮತ್ತಾಯ 26:11

ಗರೀಬಂಗ ಎಕ್ಕಾಲು ನಿಂಗಡ ಕೂಡೆ ಇಪ್ಪ. ಆಚೇಂಗಿ ನಾನ್ ನಿಂಗಡ ಕೂಡೆ ಎಕ್ಕಾಲು ಇಪ್ಪುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:13

ನೀನ್ ನೀಡ ಮನೆಕ್ ಉಂಬಕ್ ಕಾಕ್‌ವಕಾಪಕ ಗರೀಬಳ, ಕುಂಟಂಗಳ, ಕುರ್‌ಡಂಗಳ, ಊನಕಾರಂಗಳ ಕಾಕ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:20

ಅಕ್ಕ ಯೇಸು, ಅಂವೊಂಡ ಶಿಷ್ಯಂಗಳ ನೋಟಿತ್: ಗರೀಬಂಗಳಾಯಿತುಳ್ಳ ನಿಂಗ ಆಶೀರ್ವಾದ ಪಡ್ಂದಯಿಂಗ, ದೇವಡ ರಾಜ್ಯ ನಿಂಗಡ‌ದ್!

ಅಪೊಸ್ತಲ 4:32

ಯೇಸುನ ನಂಬ್‍ನಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಒರೇ ಹೃದಯತ್‍ಲ್ ಬದ್‍ಕಿಯಂಡಿಂಜತ್. ಒಬ್ಬ ಸಹ ತಾಂಡ ವಸ್ತುನ ಅಂವೊಂಗ್ ಮಾತ್ರಾಂದ್ ಎಣ್ಣಿಯಂಡಿಂಜಿಲೆ; ಅಲ್ಲಿ ಉಳ್ಳ ಎಲ್ಲಾನ ಎಲ್ಲಾರ್‌ಕು ಕೂಡನದಾಯಿತ್ಂಜತ್.

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

ರೋಮ್ 15:5

ನಂಗಕ್ ಪೊರುಮೆ ಪಿಂಞ ಪುರ್‌ಡ್ ಕೊಡ್‍ಪ ದೇವ, ಕ್ರಿಸ್ತ ಯೇಸುಕ್ ತಗ್ಗಿತ್ ನಡ್ಂದಂಡ್ ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್ ಇಪ್ಪಕ್ ನಿಂಗಕ್ ಸಹಾಯ ಮಾಡಡ್.

ರೋಮ್ 6:2

ಅನ್ನನೆ ಇಲ್ಲೆ! ಪಾಪಕ್ ಚತ್ತ್ ಪೋಯಿತುಳ್ಳ ನಂಗ, ಇಂಞು ಅದ್‍ಲ್ ಎನ್ನನೆ ಬದ್‍ಕ್‌ವಕಾಪ?

1 ಕೊರಿಂಥ 1:10

ನಾಡ ಅಣ್ಣತಮ್ಮಣಂಗಳೇ, ನಿಂಗ ಎಲ್ಲಾಡ ಕೂಡೆ ಸಮಾದಾನತ್‍ಲ್ ಇರೀಂದ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಪೆದತ್‍ಲ್ ನಾನ್ ನಿಂಗಳ ಬೋಡ್‍ವಿ. ಸಬೇಲ್ ನಿಂಗಡಡೆಲ್ ಏದ್ ವಿಂಗಡವೂ ಇಲ್ಲತೆ ನಿಂಗಡ ಗೇನತ್‍ಲ್ ಪಿಂಞ ಉದ್ದೇಶತ್‍ಲ್ ಒರೇ ಮನಸ್ಸ್‌ಲ್ ಇರಂಡು.

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

1 ಕೊರಿಂಥ 4:10

ನಂಗ ಕ್ರಿಸ್ತಂಗಾಯಿತ್ ಮುಠಾಳಂಗ, ಆಚೇಂಗಿ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಿಂಗ ಬುದ್ದಿವಂತಯಿಂಗ; ನಿಂಗ ಬಲಶಾಲಿಯಳಾಯಿತ್ ಉಳ್ಳಿರ ಆಚೇಂಗಿ ನಂಗ ಶಕ್ತಿ ಇಲ್ಲತಯಿಂಗಡನೆಕೆ ಉಂಡ್. ನಿಂಗಕ್ ಬಲ್ಯತರತ್‌ಲ್ ಜನ ಮರ್ಯಾದಿ ತಪ್ಪ, ಆಚೇಂಗಿ ನಂಗಳ ಅಲ್ಲಗೆಳೆಯುವ.

1 ಕೊರಿಂಥ 6:5

ನಿಂಗಳ ಞಾಣ ಪಡ್‍ತ್‍ವಕಾಯಿತ್ ನಾನ್ ಇದ್‍ನ ಎಣ್ಣ್‌ವಿ. ಇಂತ ವಿಷಯತ್‍ನ ಸರಿಯಾಯಿತ್ ತೀರ್ಪ್ ಮಾಡ್‌ವಕ್ ನಿಂಗಡ ಸಬೇಲ್ ಒರ್ ಬುದ್ದಿವಂತಂವೊ ಸಹ ಇಲ್ಲೆಯಾ?

1 ಕೊರಿಂಥ 8:2

ಒಬ್ಬ ಅಂವೊಂಗ್ ಎಂತಾಚು ಗೊತ್ತುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊಂಗ್ ಎಚ್ಚಕ್ ಗೊತ್ತಿರಂಡುವೊ ಅಚ್ಚಕ್ ಅಂವೊಂಗ್ ಇಂಞು ಗೊತ್ತ್‌ಲ್ಲೆ.

2 ಕೊರಿಂಥ 13:11

ಆಕೀರ್‌ಲ್, ನಾಡ ಅಣ್ಣತಮ್ಮಣಂಗಳೇ, ನಿಂಗ ಕುಶೀಲ್ ಇರಿ, ಪೂರ್ತಿಯಾಯಿತ್ ಇರಿ, ಒಬ್ಬಂಗ್ ಒಬ್ಬ ಪುರ್‌ಡ್ ಕೊಡಿ, ಒರೇ ಮನಸ್ಸ್ ಉಳ್ಳಯಿಂಗಳಾಯಿತಿರಿ, ಸಮಾದಾನತ್‍ಲ್ ಇರಿ, ಅಕ್ಕ ಪ್ರೀತಿರ ಪಿಂಞ ಸಮಾದಾನತ್‍ರ ದೇವ ನಿಂಗಡ ಕೂಡೆ ಇಪ್ಪ.

ಫಿಲಿಪ್ಪಿ 1:27

ಎಲ್ಲಾಕಿಂಜ ಮುಕ್ಯವಾಯಿತ್, ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ಯೋಗ್ಯವಾಯಿತ್ ಎಲ್ಲಾ ರೀತಿಲು ನಲ್ಲದಾಯಿತ್ ಪರಲೋಕತ್‍ರ ಪ್ರಜೆರನೆಕೆ ಬದ್‌ಕಿತ್ ಕಾಟಂಡು. ಅಕ್ಕ, ನಾನ್ ಬಂದಿತ್ ನಿಂಗಳ ಕಂಡತೇಂಗಿಯು ಅಥವ ಬರಿ ಕ್‍ೕಟತೇಂಗಿಯು, ಒರೇ ಆತ್ಮ ಪಿಂಞ ಒರೇ ನೋಕತ್‌ಲ್ ನಲ್ಲ ಸುದ್ದಿರ ನಂಬಿಕೆಕಾಯಿತ್ ಒಮ್ಮಕೆ ಪೋರಾಡಿಯಂಡುಳ್ಳೀರಾಂದ್ ನಾಕ್ ಗೊತ್ತಾಪ.

ಫಿಲಿಪ್ಪಿ 3:16

ಆಚೇಂಗಿಯು ನಂಗ ಎಚ್ಚಕ್ ಬೊಳ್‌ಂದಿತುಂಡೋ ಅಚ್ಚಕ್ ಚಾಯಿತೆ ಗೇನ ಮಾಡಿತ್ ನಡ್‌ಕಂಡು.

ಫಿಲಿಪ್ಪಿ 4:2

ಯುವೊದ್ಯಳ ಪಿಂಞ ಸಂತುಕೆಯಳ, ಒಡೆಯಂಡ ಐಕ್ಯತ್‍ಲ್ ಒಂದಾಯಿತ್ ಇರೀಂದ್ ಕಂಡಿತವಾಯಿತ್ ಎಣ್ಣ್‌ವಿ.

ಇಬ್ರಿಯ 13:5

ನಿಂಗ ಪಣ ಆಸೆ ಇಲ್ಲತಯಿಂಗಳಾಯಿತ್ ಬದ್‌ಕಿತ್, ನಿಂಗಕ್ ಉಳ್ಳದ್ ಮದೀಂದ್ ಗೇನ ಮಾಡಂಡು; ನಾನ್ ನಿನ್ನ ಬುಟ್ಟಿತ್ ಪೋಪದು ಇಲ್ಲೆ, ನಿನ್ನ ಕೈ ಬುಡ್‍ವದು ಇಲ್ಲೇಂದ್ ದೇವ ಎಣ್ಣಿಯಂಡುಂಡಲ್ಲ!

1 ಪೇತ್ರ 3:8

ಕಡೇಕ್ ನಾನ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ: ನಿಂಗ ಎಲ್ಲಾರು ಒಬ್ಬ ಒಬ್ಬಂಡ ಕೂಡೆ ಐಕ್ಯತ್‍ಲ್ ಬದ್‍ಕಂಡು; ದಯೆ ಉಳ್ಳಯಿಂಗಳಾಯಿತ್, ಯೇಸುನ ನಂಬ್‍ನಯಿಂಗಡ ಪ್ರೀತಿ ಉಳ್ಳಯಿಂಗಳಾಯಿತ್, ಕನಿಕರ ಉಳ್ಳಯಿಂಗಳಾಯಿತ್, ಪೊರುಮೆ ಉಳ್ಳಯಿಂಗಳಾಯಿತ್ ಇಕ್ಕಂಡು.

1 ಪೇತ್ರ 5:3

ನಿಂಗಡ ಕೈಕ್ ಒಪ್ಪ್‌ಚಿಟ್ಟಿತುಳ್ಳಯಿಂಗಳ ಬಾರವಾಯಿತ್ ಆಳುವನೆಕೆ ಅಲ್ಲ, ದೇವಡ ಮಕ್ಕಕ್ ಉದಾರಣೆಯಾಯಿತ್ ಇರಿ.

3 ಯೋಹಾನ 1:9

ನಾನ್ ಸಬೇಕ್ ಕಾಗದತ್‍ನ ಒಳ್‍ದಿಯೆ. ಆಚೇಂಗಿ ಸಬೇಲ್ ಮುಕ್ಯಸ್ತನಾಯಿತ್‌ಪ್ಪಕ್ ಕುಶಿಯಾಯಿತುಳ್ಳ ದಿಯೊತ್ರೇಫ ನಂಗ ಎಣ್ಣ್‌ನಾನ ಕ್‍ೕಪಕ್ ಮನಸ್ಸಿಲತಂವೊನಾಯಿತುಂಡ್.