ರೋಮ್ 12:11 - ಕೊಡವ ಬೈಬಲ್

¹¹ ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

ರೋಮ್ 12:11 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 10:26

ಪಲ್ಲ್‌ಕ್‌ ಪುಳಿನೀರು, ಕಣ್ಣ್‌ಕ್ ಪೊಗೆಯು ಎನ್ನೆನೆ ಇಪ್ಪೊ ಅನ್ನನೆ ಸೋಮಾರಿಯು ಅಂವೊಂಗ್‌ ಪಣಿ ಕೊಡ್‌ತಂವೊಂಗ್‌ ಇಪ್ಪ.

ಜ್ಞಾನತ್‌ರ ಪಡಿಮ 13:4

ಸೋಮಾರಿ ಕುಶಿಪಡುವ ಏದು ಅಂವೊಂಗ್‌ ಕ್‌ಟ್ಟುಲೆ. ಎಚ್ಚರತ್‌ಲ್‌ ಬದ್‌ಕ್ಕುವಯಿಂಗ ಅಬಿವೃದ್ದಿ ಪೊಂದುವ.

ಜ್ಞಾನತ್‌ರ ಪಡಿಮ 18:9

ತಾಂಡ ಕೆಲಸತ್‌ ಮಂಕ್‌ ಆಯಿತ್‌ ಇಪ್ಪಂವೊನು ನಾಶ ಮಾಡುವಂವೊನು ಅಣ್ಣತಮ್ಮಣಂಗಳೇ.

ಜ್ಞಾನತ್‌ರ ಪಡಿಮ 22:29

ತಾಂಡ ಕೆಲಸತ್‌ನ ಸಾಮಾರ್ತನಾಯಿತ್‌ ಮಾಡ್‌ವಂವೊನ ನೋಟ್, ಅನ್ನನೆ ಉಳ್ಳ ಮನುಷ್ಯ ಸಾಮಾನ್ಯ ಮನುಷ್ಯಂಗಕ್‌ ಅಲ್ಲ ಆಚೇಂಗಿ ರಾಜಂಗಕ್‌ ಸೇವೆ ಮಾಡುವ.

ಜ್ಞಾನತ್‌ರ ಪಡಿಮ 31:15

ಇಂಞು ಇರ್‌ಟಾಯಿತಿಪ್ಪಕಲೇ ಎದ್ದಿತ್‌ ತಾಂಡ ಕುಟುಂಬಕ್‌ ಉಂಬಕ್‌ ಕೂಳ್‌ ತಯಾರ್‌ ಮಾಡಿತ್, ಪಣಿಕಾರ್ತಿಯಕ್‌ ಅಂದೇತ ದಿವಸತ್‌ರ ಪಣಿನ ಎಣ್ಣುವ.

ಮತ್ತಾಯ 24:12

ಇದ್‍ಲ್ಲತೆ ಪಾಪ ದುಂಬಿತ್, ದುಂಬ ಜನಡ ಪ್ರೀತಿ ತಣ್ಂಜ್ ಪೋಪ.

ಮತ್ತಾಯ 25:26

ಅಕ್ಕ ಅಂವೊಂಡ ಎಜಮಾನ: ಒಂದಂಗೂ ಪ್ರಯೋಜನ ಇಲ್ಲತ ಮೋಸಕಾರನು ಸೋಮಾರಿಯು ಆನ ಆಳ್ ನೀನ್! ನಾನ್ ಬಿತ್ತ್ ಇಡತ ಜಾಗತ್‍ಲ್ ಕೊಯ್ಯುವೀಂದು, ಬಿತ್ತ್ ಚದ್‍ರತ ಜಾಗತ್‍ಲ್ ಕೂಟ್‍ವೀಂದು ನೀಕ್ ಗೊತ್ತ್ಂಜತ್.

ಅಪೊಸ್ತಲ 18:25

ಅಂವೊಂಗ್ ಒಡೆಯಂಡ ಬೋದನೆ ಕ್‍ಟ್ಟಿತ್ಂಜತ್, ಆಚೇಂಗಿಯು ಯೋಹಾನಂಡ ಮೂಲಕ ಮಾಡ್‌ವ ದೀಕ್ಷಾಸ್ನಾನತ್‍ನ ಮಾತ್ರ ಗೊತ್ತುಳ್ಳಂವೊನಾಯಿತ್ ಇಂಜತ್. ಅಂವೊ ಯೇಸುರ ಮಾರ್ಗತ್‍ನ ಅಚ್ಚಕ್ ಚಾಯಿಲ್ ಪಿಂಞ ದುಂಬ ಕುಶೀಲ್ ಬೋದನೆ ಮಾಡಿಯಂಡ್ ಬಾತ್.

ಅಪೊಸ್ತಲ 20:19

ನಾನ್ ದುಂಬ ತಾಳ್ಮೆಲ್, ದುಂಬ ಕನಿಕರತ್‌ಲ್ ಒಡೆಯಂಗಾಯಿತ್ ಸೇವೆ ಮಾಡಿಯೆ. ಇದ್‍ಲ್ಲತೆ ಯೆಹೂದ್ಯಂಗಡ ಮೂಲಕ ನಾಕ್ ಬಂದ ಎಲ್ಲಾ ಮೋಸವಾನ ಯೋಚನೆರ ಬಲ್ಯ ಸೋದನೆ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡ್.

1 ಕೊರಿಂಥ 7:22

ದೇವ ನಿಂಗಳ ಕಾಕ್‍ವಕ ನಿಂಗ ಒರ್ ಅಡಿಯಾಳಾಯಿತ್ ಇಂಜತೇಂಗಿಯು, ಒಡೆಯಂಡಲ್ಲಿ ನಿಂಗ ಇಕ್ಕ ಸ್ವಾತಂತ್ರವಾಯಿತುಳ್ಳಿರ. ಅನ್ನನೆ ದೇವ ನಿಂಗಳ ಕಾಕ್‍ವಕ ನಿಂಗ ಸ್ವಾತಂತ್ರ ಮನುಷ್ಯನಾಯಿತ್ ಇಂಜತೇಂಗಿಯು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಅಂವೊ ಎಣ್ಣ್‌ವಾನ ಮಾಡ್‌ವಗುಂಡ್ ನಿಂಗ ಇಕ್ಕ ಅಂವೊಂಗ್ ಅಡಿಯಾಳಾಯಿತುಳ್ಳಿರ.

ಎಫೆಸ 4:28

ಕಳ್ಳತನ ಮಾಡ್‌ವಯಿಂಗ ಇಂಞು ಮಿಂಞಕ್ ಕಕ್ಕತೆ, ತಾಂಡ ಕೈಯಿನಗುಂಡ್ ನಲ್ಲ ಕೆಲಸ ಮಾಡಿತ್, ಬೋಂಡಿಯಾನಯಿಂಗಕ್ ಕೊಡ್‍ಕಂಡು.

ಕೊಲೊಸ್ಸೆ 4:1

ಎಜಮಾನಂಗಳೇ, ನಿಂಗಕ್ ಸಹ ಪರಲೋಕತ್‍ಲ್ ಎಜಮಾನ ಉಂಡ್‍ೕಂದ್ ಗೇನ ಮಾಡಿತ್, ನಿಂಗಡ ಆಳುವಳ ಚಾಯಿತೆ ನೋಟಿಯಂಡ್, ನೀತಿಲ್ ಪಿಂಞ ಏದ್ ನಲ್ಲದೋ ಅದ್‍ನ ಅಯಿಂಗಕ್ ಮಾಡಿ.

1 ತಿಮೊಥೆಯ 5:13

ಅದೂ ಅಲ್ಲತೆ ಅಯಿಂಗ ಸೋಮಾರಿಯಾಯಿತ್, ಮನೆಮನೆಕ್ ಸುತ್ತಿಯಂಡಿಪ್ಪ. ಸೋಮಾರಿಯಾಯಿತ್ ಮಾತ್ರ ಅಲ್ಲತೆ, ಬೋರೆಯಿಂಗಡ ಕೆಲಸತ್‍ಲ್ ಬಂತ್, ಎಣ್ಣುವಕ್ಕಾಗಾಂತ ವಿಷಯತ್‍ನ ಪರ್‌ದಂಡ್, ಹರಟೆ ಪೊಯ್ಯುವ.

ಇಬ್ರಿಯ 12:28

ಆನಗುಂಡ್, ಅನ್‌ಂಗವಕ್ ಕಯ್ಯತ ರಾಜ್ಯತ್‍ನ ಪಡೆಯುವಯಿಂಗಳಾಯಿತುಳ್ಳ ನಂಗ, ಪೋಡಿಲ್, ಬಕ್ತಿಲ್ ದೇವಕ್ ಕುಶಿಪಡ್‌ವನೆಕೆ ಆರಾದನೆ ಮಾಡ್‌ವಕ್ ದೇವಡ ಕೃಪೇನ ಪುಡ್‍ಚಂಡ್ ಇಕ್ಕನ.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.

1 ಪೇತ್ರ 1:22

ಆನಗುಂಡ್, ನಿಂಗ ಕಪಟ ಇಲ್ಲತ ಯೇಸುನ ನಂಬ್‍ನಯಿಂಗಡ ಪ್ರೀತಿಲ್ ಇಪ್ಪಕಾಯಿತ್ ಪಿಂಞ ಒಬ್ಬೊಬ್ಬಂಗಡ ಮೇಲೆ ನೇರಾಯಿತ್ ಹೃದಯತ್ಂಜ ಪ್ರೀತಿ ಮಾಡ್‌ವಕಾಯಿತ್, ಇಕ್ಕ ನಿಂಗ ಸತ್ಯಕ್ ಬಗ್ಗಿತ್ ನಡ್‍ಪನೆಕೆ ಇಕ್ಕ ನಿಂಗಳ ಶುದ್ದ ಮಾಡಿರ. ಶುದ್ದ ಹೃದಯತ್ಂಜ, ನಿಂಗ ನೇರಾಯಿತ್ ಒಬ್ಬೊಬ್ಬನ ಪ್ರೀತಿ ಮಾಡಿ.

1 ಪೇತ್ರ 4:8

ಎಲ್ಲಾಕಿಂಜ ಜಾಸ್ತಿಯಾಯಿತ್, ಒಬ್ಬೊಬ್ಬಂಗಡ ಮೇಲೆ ಆಳವಾನ ಪ್ರೀತಿಲ್ ಇರಿ. ಎನ್ನಂಗೆಣ್ಣ್‌ಚೇಂಗಿ, ಪ್ರೀತಿ ದುಂಬ ಪಾಪತ್‍ನ ಮುಚ್ಚಿರ್‌ವ.

ಪ್ರಕಟನೆ 2:4

ಆಚೇಂಗಿಯು, ನೀಡ ಮೇಲೆ ಚೆನ್ನ ವಿಷಯತ್‍ಲ್ ನಾಕ್ ಕುತ್ತ ಪರಿಯುವನೆಕೆ ಉಂಡ್. ಎನ್ನಂಗೆಣ್ಣ್‌ಚೇಂಗಿ, ನಾಡ ಮೇಲೆ ಬೆಚ್ಚಿತ್ಂಜ ಆದ್ಯ ಪ್ರೀತಿನ ನೀನ್ ಬುಟ್ಟಿಯ.