ರೋಮ್ 11:36 - ಕೊಡವ ಬೈಬಲ್

³⁶ ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

ರೋಮ್ 11:36 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 16:4

ಯೆಹೋವ ಎಲ್ಲಾನ ತಾಂಗಾಯಿತ್‌ ಸೃಷ್ಟಿ ಮಾಡ್‌ಚಿ. ದುಷ್ಟನ ಸಹ ಕ್‍ೕಡ್‌ರ ದಿವಸಕಾಯಿತ್‌ ಉಂಟ್‌ಮಾಡ್‌ಚಿ.

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:38

ಒಡೆಯನಾನ ದೇವಡ ಪೆದತ್‍ಲ್ ಬಂದಂಡುಳ್ಳ ರಾಜ ಆಶೀರ್ವಾದ ಪಡ್ಂದಂವೊ, ಪರಲೋಕತ್‍ಲ್ ಸಮಾದಾನ ಇಕ್ಕಡ್, ಪರಲೋಕತ್‍ಲ್ ದೇವಕ್ ಮಹಿಮೆ ಕ್‍ಟ್ಟಡ್‍ೕಂದ್ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಅಪೊಸ್ತಲ 17:28

ದೇವಡ ಮೂಲಕವೇ ನಂಗ ಬದ್‍ಕಿಯಂಡ್, ಪೋಯಂಡ್ ಬಂದಂಡ್ ಉಂಡ್. ನಂಗ ದೇವಡ ಮಕ್ಕಾಂದ್ ನಿಂಗಡ ಒರ್ ಕವಿಯೇ ಒಳ್‍ದಿತುಂಡ್.

ರೋಮ್ 16:27

ತಾನ್ ಒಬ್ಬನೇ ಜ್ಞಾನಿಯಾಯಿತುಳ್ಳ ದೇವಕ್, ಯೇಸು ಕ್ರಿಸ್ತಂಡ ಮೂಲಕ ಎಕ್ಕಾಲು ಮಹಿಮೆ ಆಡ್. ಆಮೆನ್.

1 ಕೊರಿಂಥ 11:12

ಆದ್ಯ ಪೊಣ್ಣಾಳ್ ಆಣಾಳ್‍ಯಿಂಜ ಬಂದನೆಕೆ, ಇಕ್ಕ ಆಣಾಳ್‍ವ ಪೊಣ್ಣಾಳ್‍ಯಿಂಜ ಬಂದಂಡುಂಡ್. ಇದೆಲ್ಲಾ ದೇವಡಯಿಂಜ ಬಂದಂಡುಂಡ್.

1 ಕೊರಿಂಥ 8:6

ಆಚೇಂಗಿ, ಎಲ್ಲಾನ ಸೃಷ್ಟಿ ಮಾಡ್‍ನ ಅಪ್ಪನಾನ ದೇವ ಒಬ್ಬನೇ; ನಂಗ ಅಂವೊಂಗಾಯಿತ್ ಬದ್‍ಕಿಯಂಡುಂಡ್. ಯೇಸು ಕ್ರಿಸ್ತ ಎಣ್ಣುವ ಒರೇ ಒರ್ ಒಡೆಯ ನಂಗಕ್ ಉಂಡ್; ಅಂವೊನಗುಂಡ್ ದೇವ ಎಲ್ಲಾನ ಸೃಷ್ಟಿ ಮಾಡ್‍ಚಿ. ಅಂವೊನಗುಂಡ್ ನಂಗ ಬದ್‍ಕಿಯಂಡುಂಡ್.

ಗಲಾತ್ಯ 1:5

ಇದ್ಂಗಾಯಿತ್ ದೇವಕ್ ನಿತ್ಯ ಕಾಲಕ್ ಮಹಿಮೆ ಆಡ್, ಆಮೆನ್.

ಎಫೆಸ 3:21

ಸಬೇಲ್ ಕ್ರಿಸ್ತ ಯೇಸುರ ಮೂಲಕ ಎಕ್ಕಲೂ ಪರಂಬರೆ ಪರಂಬರೆಯಾಯಿತ್ ಮಹಿಮೆ ಆಡ್. ಆಮೆನ್.

ಫಿಲಿಪ್ಪಿ 4:20

ನಂಗಡ ಪರಲೋಕತ್‍ಲ್ ಉಳ್ಳ ಅಪ್ಪನಾನ ದೇವಕ್ ಎಕ್ಕಲೂ ಮಹಿಮೆ ಕ್‍ಟ್ಟಡ್, ಆಮೆನ್.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಇಬ್ರಿಯ 13:21

ಯೇಸುರ ಮೂಲಕ ತಾಂಡ ಮಿಂಞತ್ ಕುಶಿಯುಳ್ಳದ್‍ನ, ನಿಂಗಡ ಮದ್ಯತ್‍ಲ್ ಮಾಡಿತ್, ನಿಂಗ ಅಂವೊಂಡ ಚಿತ್ತತ್‍ರನೆಕೆ ಮಾಡ್‌ವಕ್, ನಿಂಗಳ ಎಲ್ಲಾ ತರತ್‍ರ ನಲ್ಲ ಕ್ರಿಯೇರಗುಂಡ್ ಪೂರ್ತಿ ಮಾಡಿತ್ ಬಲಪಡ್‍ತಡ್; ಅಂವೊಂಗ್ ಎಕ್ಕಾಲು ಮಹಿಮೆ ಬರಡ್. ಆಮೆನ್.

ಇಬ್ರಿಯ 2:10

ಎಲ್ಲಾನ ತಾಂಗಾಯಿತ್ ತಾಂಡಗುಂಡ್ ಸೃಷ್ಟಿ ಮಾಡ್‍ನಂವೊ, ದುಂಬ ಜನಳ ಮಹಿಮೆಲ್ ಕೊಂಡ್ ಬಪ್ಪನೆಕೆ ಮಾಡ್‍ಚಿ. ಅನ್ನನೆ ಅಯಿಂಗಳ ಕೊಂಡ್ ಬಪ್ಪಕ, ಅಯಿಂಗಡ ರಕ್ಷಣೆರ ನಾಯಕನಾಯಿತುಳ್ಳ ಅಂವೊಂಗ್‌ ಕಷ್ಟ ಕೊಡ್‌ತಿತ್ ಅಂವೊನ ಪೂರ್ತಿಮಾಡ್‍ವದ್ ದೇವಕ್ ಸರೀಂದ್ ಆಚಿ.

1 ಪೇತ್ರ 4:11

ಒಬ್ಬ ಬೋದನೆ ಮಾಡ್‌ವದಾಚೇಂಗಿ, ಅಂವೊ ಚಾಯಿತೆ ದೇವಡ ವಾಕ್ಯತ್‍ರ ಪ್ರಕಾರ ಬೋದನೆ ಮಾಡಂಡು. ಒಬ್ಬ ಸೇವೆ ಮಾಡ್‌ವದಾಚೇಂಗಿ ದೇವ ಅಂವೊಂಗ್ ಕೊಡ್‍ತಿತುಳ್ಳ ಶಕ್ತಿರನೆಕೆ ಮಾಡಂಡು, ಅಕ್ಕ ನಿಂಗ ಎಂತ ಮಾಡ್‍ಚೇಂಗಿಯು, ಯೇಸು ಕ್ರಿಸ್ತಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟುವನೆಕೆ ಮಾಡ್‌ವಕಾಪ. ಅಂವೊಂಗ್ ಎಕ್ಕಾಲು ಮಹಿಮೆ, ಶಕ್ತಿ ಬರಡ್. ಆಮೆನ್.

1 ಪೇತ್ರ 5:11

ಅಂವೊಂಗ್ ಎಕ್ಕಾಲು ಶಕ್ತಿ ಆಡ್. ಆಮೆನ್.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

ಯೂದ ಒಳ್‍ದ್‍ನ ಕಾಗದ 1:25

ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.

ಪ್ರಕಟನೆ 19:1

ಇನ್ನನೆ ಆನ ಪಿಂಞ, ಪರಲೋಕತ್‍ಲ್ ಬಲ್ಯ ಜನತ್‍ರ ಗುಂಪ್ ಮಾಡ್‌ವ ಜೋರಾನ ಸದ್ದ್ ನಾಕ್ ಕ್‍ೕಟತ್. ಅಯಿಂಗ: ಹಲ್ಲೆಲೂಯ, ರಕ್ಷಣೆಯು, ಮಹಿಮೆಯು, ಶಕ್ತಿಯು, ನಂಗಡ ದೇವನಾಯಿತುಳ್ಳ ಒಡೆಯಂಗ್ ಮಾತ್ರ ಕೂಡ್‍ನದ್;

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 7:10

ಅಯಿಂಗ: ರಕ್ಷಣೆ, ಸಿಂಹಾಸನತ್‍ರ ಮೇಲೆ ಅಳ್‌ತಂಡ್ ಉಳ್ಳ, ನಂಗಡ ದೇವಕು ಕೊರಿಕುಟ್ಟಿಯಾನಂವೊಂಗು ಕೂಡ್‍ನದ್‍ೕಂದ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‍ತತ್.

ಪ್ರಕಟನೆ 7:12

ಆಮೆನ್, ನಂಗಡ ದೇವಕ್ ತುದಿಯು, ಮಹಿಮೆಯು, ಜ್ಞಾನವು, ವಂದನೆಯು, ಗನವು, ಅದಿಕಾರವು, ಶಕ್ತಿಯು ಎಕ್ಕಾಲು ಇಕ್ಕಡ್, ಆಮೆನ್‍ಂದ್ ಎಣ್ಣ್‌ಚಿ.