ರೋಮ್ 11:22 - ಕೊಡವ ಬೈಬಲ್

²² ಆನಗುಂಡ್, ದೇವಡ ದಯೇನ ಪಿಂಞ ಕಂಡಿತತ್‍ನ ನೋಟಿ; ಬುದ್ದಯಿಂಗಡ ಮೇಲೆ ಕಂಡಿತತ್‍ನ ಪಿಂಞ ನಿಂಗಡ ಮೇಲೆ ದಯೇನ ಕಾಂಬ್‍ಚಿಟ್ಟತ್; ನಿಂಗ ಆ ದಯೇಲ್ ನಿಂದಂಡಿರಂಡು, ಅದ್‍ಲ್ ನಿಂಗ ನಿಕ್ಕತೆ ಪೋಚೇಂಗಿ ನಿಂಗಳ ಸಹ ಕೆತ್ತಿರುವ.

ರೋಮ್ 11:22 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:15

ನಲ್ಲ ಮಣ್ಣ್‌ಕ್ ಬಿತ್ತ್‌ನ ಜನ ಕುಶೀಲ್ ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್‍ನ ಅಯಿಂಗಡ ನಲ್ಲ ಪಿಂಞ ಸತ್ಯವಾನ ಹೃದಯತ್‍ಲ್ ಬೆಚ್ಚಿತ್ ತಾಳ್ಮೆಯಿಂಜ ಫಲ ಕೊಡ್‍ಪ.

ಯೋಹಾನ 15:2

ನಾಡಲ್ಲಿ ಇಂಜಂಡ್ ಫಲ ಕೊಡ್‍ಕತ ಕೊಂಬ್‌ನೆಲ್ಲ ಅಂವೊ ಮುರಿಚಿತ್ ಇಡ್‌ವ; ಫಲ ತಪ್ಪ ಕೊಂಬ್‍ನ ಇಂಞು ದುಂಬ ಫಲ ತಪ್ಪನೆಕೆ ಕಪಾತ್ ಮಾಡ್‌ವ.

ಯೋಹಾನ 8:31

ಯೇಸು ಅಂವೊನ ನಂಬ್‍ನ ಯೆಹೂದ್ಯಂಗಳ ನೋಟಿತ್: ನಿಂಗ ನಾನ್ ಎಣ್ಣುವ ಬೋದನೆನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್ಂದತೇಂಗಿ ನಿಂಗ ನೇರಾಯಿತು ನಾಡ ಶಿಷ್ಯಂಗಳಾಯಿತ್‌ಪ್ಪಿರ.

ಅಪೊಸ್ತಲ 11:23

ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ರೋಮ್ 11:21

ನಾಡ್‍ರ ಒಲಿವ ಮರತ್‍ರ ಕೊಂಬ್‍ನ ದೇವ ತಪ್ಪ್‌ಚಿಡ್‌ವಕ್ ಬುಟ್ಟಿತ್ತ್‌ಲ್ಲೆ. ಅಕ್ಕ, ನಿಂಗಳ ಸಹ ಅಂವೊ ಬುಡ್‍ಲೇಂದ್ ಎಚ್ಚರತ್‍ಲ್ ಇರಂಡು.

ರೋಮ್ 2:7

ಎಲ್ಲಾನ ತಾಳ್ಮೆಲ್ ಸಹಿಸಿಯಂಡ್, ನಲ್ಲ ಕೆಲಸ ಮಾಡಿಯಂಡ್ ಮಹಿಮೆನ, ಗನತ್‍ನ ಪಿಂಞ ಪಾಳಾಯಿ ಪೋಕತದ್‍ನ ತ್‍ೕಡಿಯಂಡುಳ್ಳಯಿಂಗಕ್ ದೇವ ನಿತ್ಯ ಜೀವ ತಪ್ಪ.

1 ಕೊರಿಂಥ 15:2

ಈ ಬೋದನೆರನೆಕೆ ಮಾಡ್‍ಚೇಂಗಿ ದೇವ ನಿಂಗಳ ನಿಂಗಡ ಪಾಪತ್ಂಜ ಕಾಪಾಡ್‌ವ; ಇಲ್ಲತಪೋಚೇಂಗಿ ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಪ್ರಯೋಜನ ಇಲ್ಲತ ಆಯಿಪೋಪ.

ಗಲಾತ್ಯ 6:9

ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಪಕ್ಕಾಗ; ನಂಗ ನಲ್ಲದ್ ಮಾಡ್‌ವದ್‍ಲ್ ತಳ್ಂದ್ ಪೋಕತೆ ಇಂಜತೇಂಗಿ, ತಕ್ಕ ಸಮಯತ್‍ಲ್ ನಂಗಕ್ ಫಲ ಕ್‍ಟ್ಟುವ.

1 ಥೆಸಲೊನೀಕ 3:5

ಆನಗುಂಡ್, ನಿಂಗಡ ವಿಷಯತ್ ನಾಕ್ ಪಾರಕಾತಂಡ್ ಇಪ್ಪಕ್ ಕಯ್ಯತೆ, ಯೇಸುರ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಎನ್ನನೆ ಉಂಡ್‍ೕಂದ್ ಗೊತ್ತಾಪಕಾಯಿತ್ ಅಂವೊನ ನಿಂಗಡ ಪಕ್ಕ ಅಯಿಚಿಯೆ. ನಂಗಳ ಸೋದನೆ ಮಾಡ್‌ವ ಸೈತಾನ ನಿಂಗಳ ಸೋದನೆ ಮಾಡಿತ್, ನಂಗ ಇಲ್ಲಿಕತ್ತನೆ ನಿಂಗಡಲ್ಲಿ ಮಾಡ್‍ನ ದೇವಡ ಸೇವೇಕ್ ಒರ್ ಪ್ರಯೋಜನವು ಇಲ್ಲತ ಪೋಯಿರುವಾಂದ್ ನಾಕ್ ಪೋಡಿ ಆಚಿ.

1 ಥೆಸಲೊನೀಕ 3:8

ದೇವಡ ಪಕ್ಕ ಉಳ್ಳ ನಂಬಿಕೇಲ್ ನಿಂಗ ಸ್ತಿರವಾಯಿತ್ ಉಳ್ಳಿರಾಂದ್ ಕ್‍ೕಟಿತ್, ನಂಗಕ್ ಬದ್‌ಕ್‍ವಕುಳ್ಳ ಪುದಿಯ ಶಕ್ತಿ ಕ್‍ಟ್ಟ್‌ಚಿ.

ಇಬ್ರಿಯ 10:23

ನಂಗಡ ನಂಬಿಕೇನ ಅರಿಕೆ ಮಾಡ್‌ವದ್‍ಲ್ ದೈರ್ಯತ್‍ಲ್ ಸ್ತಿರವಾಯಿತ್ ನಿಕ್ಕಂಡು, ಎನ್ನಂಗೆಣ್ಣ್‌ಚೇಂಗಿ ವಾಗ್ದಾನ ಮಾಡ್‍ನಂವೊ ಸತ್ಯವಂತಂವೊನಾಯತುಂಡ್.

ಇಬ್ರಿಯ 3:14

ನಂಗಕ್ ಸುರುಲ್ ಇಂಜ ದೈರ್ಯತ್‍ನ ಆಕೀರ್‍ಕತ್ತನೆ ಪುಡ್‍ಚಂಡ್ ಇಂಜತೇಂಗಿ, ಕ್ರಿಸ್ತಂಡಲ್ಲಿ ನಂಗಳು ಪಾಲ್‍ದಾರಂಗಳಾಯಿತ್ ಉಂಡಲ್ಲಾ!

ಇಬ್ರಿಯ 3:6

ಆಚೇಂಗಿ ಕ್ರಿಸ್ತ, ದೇವಡ ಮನೇಕಿಂಜ ಬಲ್ಯಂವೊನಾಯಿತ್ ಒರ್ ಮೋಂವೊಂಡನೆಕೆ ಸತ್ಯವಂತಂವೊನಾಯಿತುಂಡ್; ನಂಗಡ ನಿರೀಕ್ಷೇರಗುಂಡ್ ಕ್‍ಟ್ಟುವ ದೈರ್ಯ ಪಿಂಞ ಹೆಮ್ಮೆನ ಕಡೇಕತ್ತನೆ ಗಟ್ಟಿಯಾಯಿತ್ ಪುಡ್‍ಚಂಡ್ ಇಂಜತೇಂಗಿ ನಂಗಳೇ ಅಂವೊಂಡ ಮನೇಯಾಯಿತ್‌ಪ್ಪ.

1 ಯೋಹಾನ 2:19

ಈ ಜನ ನಂಗಡ ಕೂಡೆ ಐಕ್ಯ ಉಳ್ಳಯಿಂಗಳಾಯಿತ್ ಇಂಜಿತಿಲ್ಲೆ, ಅದ್ಂಗೇ ಅಯಿಂಗ ನಂಗಳ ಬುಟ್ಟಿತ್ ಪೋಚಿ. ಅಯಿಂಗ ನಂಗಡ ಜನಾಂಗಾಯಿತ್ ಇಂಜಿತೇಂಗಿ ಅಯಿಂಗ ನಂಗಡ ಕೂಡೆ ಇಪ್ಪಕಿಂಜತ್. ಆಚೇಂಗಿ ಅಯಿಂಗ ನಂಗಳ ಬುಟ್ಟಿತ್ ಪೋನಗುಂಡ್, ಒಬ್ಬ ಕೂಡೆ ನಂಗಡ ಜನ ಇಲ್ಲೇಂದ್ ಗೊತ್ತಾಚಿ.

ಪ್ರಕಟನೆ 2:5

ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.