ರೋಮ್ 11:20 - ಕೊಡವ ಬೈಬಲ್

²⁰ ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

ರೋಮ್ 11:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:14

ದೇವಡ ಮಿಂಞತ್‌ ಎಕ್ಕಾಲು ಪೋಡಿಚಿಡುವಂವೊ ಆಶೀರ್ವಾದ ಪಡ್‌ಂದಂವೊ. ಆಚೇಂಗಿ ತಾಂಡ ಹೃದಯತ್‌ನ ಕಠಿಣಪಡ್‌ತ್‌ವಂವೊ ಕ್‍ೕಡ್‌ಕ್‌ ಚಿಕ್ಕಿ ಬೂವ.

ಜ್ಞಾನತ್‌ರ ಪಡಿಮ 28:26

ತಾಂಡ ಹೃದಯತ್‌ನ ನಂಬುವಂವೊ ಮೂಡ. ಆಚೇಂಗಿ ಜ್ಞಾನತ್‌ರ ಬಟ್ಟೆಲ್‌ ನಡ್‌ಪಂಪವೊ ಸೌಕ್ಯತ್‌ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:14

ಫರಿಸಾಯ ಅಲ್ಲ, ಕಂದಾಯ ಎಡ್‍ಪಂವೊನೇ ದೇವಡಯಿಂಜ ಪಾಪ ಕ್ಷೆಮೆ ಕ್‍ಟ್ಟಿತ್ ನೀತಿವಂತಂವೊನಾಯಿತ್ ಅಂವೊಂಡ ಮನೆಕ್ ಪೋಪಾಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ ನಿಂಗ ನಿಂಗಳ ಬೋರೆಯಿಂಗಕಿಂಜ ಬಲ್ಯದಾಯಿತ್ ಇರಂಡೂಂದ್ ನೋಟ್‍ಚೇಂಗಿ ನಿಂಗ ಅಡಿಕ್ ಬಪ್ಪಿರ, ಆಚೇಂಗಿ ನಿಂಗ ಬಗ್ಗಿತ್ ನಡ್ಂದತೇಂಗಿ ನಿಂಗಳ ದೇವ ಮಿಂಞಕ್ ಕೊಂಡ್ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ರೋಮ್ 11:18

ನಿಂಗ ಆ ಕೊಂಬ್‍ಕ್ ವಿರೋದವಾಯಿತ್ ಬಡಾಯಿ ಮಾಡತಿ; ಅನ್ನನೆ ಹೊಗಳಿಚಿಡುವದಾಚೇಂಗಿ, ನಿಂಗ ಬೇರ್‌ನ ಪೊರ್‍ತಂಡಿಲ್ಲೆ, ಬೇರ್ ನಿಂಗಳ ಪೊರ್‌ತ್‌ತಂಡುಂಡ್‍ೕಂದ್ ಗೇನ ಮಾಡಿಯೊಳಿ.

ರೋಮ್ 11:21

ನಾಡ್‍ರ ಒಲಿವ ಮರತ್‍ರ ಕೊಂಬ್‍ನ ದೇವ ತಪ್ಪ್‌ಚಿಡ್‌ವಕ್ ಬುಟ್ಟಿತ್ತ್‌ಲ್ಲೆ. ಅಕ್ಕ, ನಿಂಗಳ ಸಹ ಅಂವೊ ಬುಡ್‍ಲೇಂದ್ ಎಚ್ಚರತ್‍ಲ್ ಇರಂಡು.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

ರೋಮ್ 3:3

ಅಯಿಂಗಡಲ್ಲಿ ಚೆನ್ನ ಜನ ನಂಬತೆ ಪೋಚೇಂಗಿಯು ಎಂತ? ಅಯಿಂಗಡ ಅಪನಂಬಿಕೆ ದೇವಡ ನಂಬಿಕಸ್ತನಾಯಿತ್‌ಪ್ಪ ಗುಣತ್‍ನ ಪಾಳ್ ಮಾಡ್‌ವಕ್ ಕಯ್ಯುವ?

1 ಕೊರಿಂಥ 10:12

ಆನಗುಂಡ್ ಒಬ್ಬ, ನಾನ್ ದೇವ ಎಣ್ಣ್‌ವನೆಕೆ ಮಾಡಿಯಂಡುಂಡ್, ದೇವಡ ಮೇಲೆ ಉಳ್ಳ ನಂಬಿಕೇಲ್ ನಾನ್ ದೃಡವಾಯಿತ್ ನಿಂದಂಡುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊ ಅಡಿಕ್ ಬೂವತನೆಕೆ ಎಚ್ಚರತ್‍ಲ್ ಇರಡ್.

1 ಕೊರಿಂಥ 15:1

ಅಕ್ಕ, ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಮಿಂಞಲೇ ಪ್ರಚಾರ ಮಾಡ್‍ನ ದೇವಡ ನಲ್ಲ ಸುದ್ದಿನ ಪುನಃ ನಿಂಗಡ ನೆನಪ್‌ಕ್ ಕೊಂಡ್ ಬಪ್ಪಿ. ಅಕ್ಕ ನಿಂಗಕ್ ಕ್‍ಟ್ಟ್‌ನ ಈ ಬೋದನೆಲ್ ಬೊಳ್ಂದಂಡ್, ನಂಬಿಕೇಲ್ ದೃಡವಾಯಿತುಳ್ಳಿರ.

1 ಕೊರಿಂಥ 16:13

ನಿಂಗ ಎಕ್ಕಾಲು ಎಚ್ಚರತ್‍ಲ್ ಇರಿ. ದೇವಡ ಮೇಲೆ ಉಳ್ಳ ನಂಬಿಕೇಲ್ ನಿಂಗ ದೃಡವಾಯಿತ್ ಇರಿ, ನಿಂಗ ದೈರ್ಯತ್‍ಲ್ ಪಿಂಞ ಬಲವುಳ್ಳಯಿಂಗಳಾಯಿತ್ ಇರಿ.

2 ಕೊರಿಂಥ 1:24

ನಿಂಗಡ ನಂಬಿಕೇಕ್ ನಂಗ ಅದಿಕಾರ ಉಳ್ಳಯಿಂಗಳಾಯಿತ್ ಇಕ್ಕತೆ, ನಿಂಗಡ ಕುಶೀಕ್ ಸಹಾಯ ಮಾಡ್‌ವಯಿಂಗಳಾಯಿತುಂಡ್; ನಂಬಿಕೇರಗುಂಡ್ ನಿಂಗ ನಿಂದಂಡುಳ್ಳಿರಲ್ಲ.

2 ಕೊರಿಂಥ 10:5

ಅದ್ಂಡ ಮೂಲಕ, ನಂಗ ವಾದತ್‍ನ ಪಿಂಞ ದೇವಡ ವಿಷಯತ್‍ನ ಗೊತ್ತ್‌ಮಾಡ್‍ವಕ್ ವಿರೋದವಾಯಿತ್ ನಿಪ್ಪ ಎಲ್ಲಾ ಬಡಾಯಿನ ಪಾಳ್ ಮಾಡಿತ್, ಎಲ್ಲಾ ಯೇಚನೆನ ಕ್ರಿಸ್ತಂಗ್ ತಗ್ಗಿತ್ ನಡ್‍ಪನೆಕೆ ಪುಡ್‍ಚಿ ಬೆಚ್ಚಿತುಂಡ್.

ಫಿಲಿಪ್ಪಿ 2:12

ಅದ್ಂಗಾಯಿತ್ ನಾಡ ಪ್ರೀತಿರ ಜನಳೇ, ನಾಡ ಮಿಂಞತ್‍ಲ್ ನಿಂಗ ನಾಡ ತಕ್ಕ್‌ನ ಕ್‍ೕಟಂಡ್ ಇಂಜನೆಕೆ, ನಾನ್ ಇಲ್ಲತಿಪ್ಪಕ ಸಹ, ನಿಂಗ ಇಂಞು ದುಂಬ ಇಕ್ಕ ಕ್‍ೕಕಂಡು, ಆನಗುಂಡ್, ದೇವಡ ಮೇಲೆ ಬಕ್ತಿ ಪಿಂಞ ಪೋಡಿಲ್ ನಿಂಗಡ ರಕ್ಷಣೆ ಪೂರ್ತಿ ಆಪಕಾಯಿತ್ ನಿಂಗಡ ಬದ್‍ಕ್‍ಲ್ ಕಾಂಬನೆಕೆ ಚಾಯಿ ಕೆಲಸ ಮಾಡಂಡು.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

2 ಥೆಸಲೊನೀಕ 2:4

ಆ ಮನುಷ್ಯ ದೇವಕ್ ವಿರೋದವಾಯಿತ್ ನಿಂದಂಡ್, ಜನ ದೇವಾಂದ್ ಕಾಕುವ ಎಲ್ಲಾಂಗ್ ಬಲ್ಯದಾಯಿತ್, ಆರಾದನೆ ಮಾಡ್‌ವ ಎಲ್ಲಾಂಗ್ ಬಲ್ಯದಾಯಿತ್ ಅಂವೊ ಅಂವೊನನೇ ಕೊಚ್ಚ್‌ವ. ದೇವನ ಆರಾದನೆ ಮಾಡ್‌ವ ಜಾಗತ್‍ಲ್ ದೇವಡನೆಕೆ ಅಂವೊ ಅಳ್‌ತಂಡ್, ನಾನೇ ದೇವಾಂದ್ ಎಲ್ಲಾ ಜನಕು ಎಣ್ಣಿಯಂಡಿಪ್ಪ.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.

ಇಬ್ರಿಯ 3:12

ನಾಡ ಅಣ್ಣತಮ್ಮಣಂಗಳೇ, ಎಕ್ಕಾಲು ಬದ್‍ಕಿಯಂಡುಳ್ಳ ದೇವನ ಬುಟ್ಟಿತ್ ಪೋಪಕುಳ್ಳ ಏದ್ ಪಾಪವು, ಅಪನಂಬಿಕೇರ ಹೃದಯವು ನಿಂಗಡ ಒಳ್‍ಲ್ ಬಕ್ಕತನೆಕೆ ಎಚ್ಚರತ್‍ಲ್ ಇರಿ.

ಇಬ್ರಿಯ 3:19

ಆನಗುಂಡ್, ಅಪನಂಬಿಕೇರಗುಂಡೇ ನಂಗಡ ಮುತ್ತಜ್ಜಂಗ ಆರಾಮ್‍ರ ಜಾಗತ್‍ನ ಎತ್ತ್‌ವಕ್ ಕಯ್ಯತೆ ಆಚೀಂದ್ ನಂಗಕ್ ಗೊತ್ತಾಯಂಡುಂಡ್.

ಇಬ್ರಿಯ 4:11

ಆನಗುಂಡ್, ನಂಗಡಲ್ಲಿ ಒಬ್ಬನು ಅಯಿಂಗಡನೆಕೆ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋಕತನೆಕೆ, ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು. ಆನಗುಂಡ್, ಅಯಿಂಗ ತಗ್ಗಿತ್ ನಡ್‌ಕತೆಗುಂಡ್ ಬುದ್ದ್‌ ಪೋನನೆಕೆ, ನಂಗಡಲ್ಲಿ ಒಬ್ಬನು ಬುದ್ದ್‌ ಪೋಕತನೆಕೆ ದೇವಡ ಆರಾಮ್‍ರ ಜಾಗಕ್ ಎತ್ತ್‌ವಕ್ ಪ್ರಯತ್ನ ಪಡಂಡು.

ಇಬ್ರಿಯ 4:6

ಆನಗುಂಡ್ ಇಂಞು ಚೆನ್ನ ಜನ ಆರಾಮ್‍ರ ಜಾಗಕ್ ಪ್ರವೇಶ ಮಾಡ್‍ವದ್ ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯವಾಯಿತುಂಡ್. ದೇವಡ ನಲ್ಲ ಸುದ್ದಿನ ಮಿಂಞಲೇ ಕ್‍ೕಟಯಿಂಗ ಅದ್‍ನ ನಂಬಿತ್‌ಲ್ಲೆ, ಅದ್ಂಗಾಯಿತ್ ಪ್ರವೇಶ ಮಾಡಿತ್‌ಲ್ಲೆ.

ಯಾಕೋಬ 2:19

ನಿಂಗ ಒರೇ ದೇವ ಉಂಡ್‍ೕಂದ್ ನಂಬುವಿರ. ಅದ್ ನಲ್ಲದ್. ಆಚೇಂಗಿ, ಕೂಳಿಯಳು ಸಹ ಅನ್ನನೆ ನಂಬುವ, ಅಯಿಂಗ ಬೊತ್ತಿತ್ ನಡ್‌ಗುವ.

ಯಾಕೋಬ 4:6

ಅಂವೊ ನಂಗಕ್ ಇಂಞು ದುಂಬ ಕರುಣೆ ಕಾಟಿಯಂಡುಂಡಲ್ಲ. ಅದ್ಂಗಾಯಿತೇ, ಆಂಗಾರ ಉಳ್ಳಯಿಂಗಕ್ ದೇವ ಎದ್‍ರ್ ನಿಪ್ಪ, ಅಡಕ ಉಳ್ಳಯಿಂಗಕ್ ದೇವ ಕೃಪೆ ತಪ್ಪಾಂದ್ ದೇವಡ ವಾಕ್ಯ ಎಣ್ಣಿತುಂಡ್.

1 ಪೇತ್ರ 1:17

ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

1 ಪೇತ್ರ 5:9

ನಂಬಿಕೇಲ್ ದೈರ್ಯವಾಯಿತ್ ಇಂಜಂಡ್, ಅಂವೊಂಗ್ ಎದ್‍ರಾಯಿತ್ ನಿಲ್ಲಿ. ಈ ಲೋಕತ್‍ಲ್ ಉಳ್ಳ ನಿಂಗಡ ಎಲ್ಲಾ ಅಣ್ಣತಮ್ಮಣಂಗ ಇದೇ ತರ ಕಷ್ಟತ್‍ಲ್ ಬದ್‍ಕಿಯಂಡ್ ಉಳ್ಳದ್ ನಿಂಗಕ್ ಗೊತ್ತುಂಡಲ್ಲ!

ಪ್ರಕಟನೆ 18:7

ಅವ ಅವಕ್ ಮಹಿಮೆ ಕೊಡ್‌ತಿತ್, ಎಚ್ಚಕ್ ಐಶ್ವರ್ಯವಂತವಳಾಯಿತ್ ಬದ್‍ಕ್‍ಚೋ, ಅಚ್ಚಕ್ ಬಾದೇನ, ದುಃಖತ್‍ನ ಅವಕ್ ಕೊಡಿ. ಅವ ಅವಡ ಹೃದಯತ್‍ಲ್ ನಾನ್ ರಾಣಿಯಾಯಿತ್ ಅಳ್‌ತಿತ್ ಉಳ್ಳ, ನಾನ್ ವಡಿಯ ಚತ್ತ ಪೊಣ್ಣಾಳ್ ಅಲ್ಲ, ನಾಕ್ ದುಃಖ ಬಪ್ಪದೇ ಇಲ್ಲೇಂದ್ ಅವ ಗೇನ ಮಾಡ್‍ಚಿ.

ಪ್ರಕಟನೆ 3:17

ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.