ರೋಮ್ 11:2 - ಕೊಡವ ಬೈಬಲ್

² ದೇವ, ಮಿಂಞಲೇ ಗೊತ್ತ್ ಮಾಡ್‍ನ ತಾಂಡ ಜನತ್‍ನ ತಿರಸ್ಕಾರ ಮಾಡುಲೆ. ಎಲೀಯ ಪ್ರವಾದಿರ ವಿಷಯತ್‍ನ ದೇವಡ ವಾಕ್ಯ ಎಣ್ಣುವ ಜಾಗತ್‍ಲ್, ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತ್‌ಲ್ಲೆಯ? ಎಲೀಯ ದೇವಡ ಪಕ್ಕ:

ರೋಮ್ 11:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 44:15

ಯೋಸೇಫ ಅಯಿಂಗಕ್: ನಿಂಗ ಎಂತ ಕೆಲಸ ಮಾಡಿರ? ನಾಡಂತ ಮನುಷ್ಯಂಗ್‌ ಭವಿಷ್ಯ ಅರಿಂಜಿತ್‌ ಈ ಕಾರ್ಯತ್‌ನ ದಾರ್‌ ಮಾಡಿಯೇಂದ್‌ ನಾಕ್‍ ಗೊತ್ತಾಪಾಂದ್‌ ನಿಂಗಕ್‌ ಗೊತ್ತಿಲ್ಲೆಯಾ?

ಮಾರ್ಕ 12:26

ಇಂಞು ಅಂವೊ, ಚತ್ತ್ ಪೋನಯಿಂಗ ಏವ ವಿಷಯತ್‍ನ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ, ಯಾಕೋಬಂಡ ದೇವಾಂದ್ ಚುಡ್‌ವ ಪೊದರ್ ಎಣ್ಣುವ ಜಾಗತ್‍ಲ್ ಮೋಶೇರ ಗ್ರಂಥತ್‌ಲ್ ಅಂವೊಂಗ್ ಎಣ್ಣಿತುಳ್ಳದ್ ನಿಂಗ ಓದಿತ್ತ್‌ಲ್ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:1

ಯೇಸು ಪವಿತ್ರಾತ್ಮತ್‍ಲ್ ದುಂಬ್‍ನಂವೊನಾಯಿತ್ ಯೊರ್ದನಿಂಜ ಬಯ್ಯಕ್ ಬಪ್ಪಕ ದೇವಡ ಆತ್ಮ ಮಣಬೂಮಿಕ್ ಅಂವೊನ ಅಯಿಚತ್.

ಯೋಹಾನ 4:11

ಅದ್ಂಗ್ ಆ ಪೊಣ್ಣಾಳ್: ಒಡೆಯನೇ, ನೀರ್ ಬಲಿಪಕ್ ನೀಡ ಪಕ್ಕ ಒಂದು ಇಲ್ಲೆ, ಕಣತೆರೆಯು ದುಂಬ ಆಳವಾಯಿತ್ ಉಂಡಲ್ಲ, ಪಿಂಞ ಎಲ್ಲಿಂಜ, ನೀಕ್ ಜೀವತ್‍ರ ನೀರ್ ಕ್‍ಟ್ಟುವ?

ಅಪೊಸ್ತಲ 13:48

ಅಲ್ಲಿಂಜ ಯೆಹೂದ್ಯಂಗಲ್ಲತೆ ಬೋರೆ ಬೋರೆ ಜನ ಈ ಬೋದನೆನ ಕ್‍ೕಟಿತ್ ಕುಶಿಪಟ್ಟಿತ್, ಒಡೆಯಂಡ ವಾಕ್ಯತ್‍ನ ಕೊಂಡಾಡ್‍ಚಿ. ನಿತ್ಯ ಜೀವಕಾಯಿತ್ ದೇವ ಗೊತ್ತ್ ಮಾಡ್‍ನ ಎಲ್ಲಾರು ಯೇಸುನ ನಂಬ್‍ಚಿ.

ಅಪೊಸ್ತಲ 15:18

ಈ ಬೂಲೋಕ ಸೃಷ್ಟಿ ಆಪಕ್ ಮಿಂಞಲೇ, ಎಲ್ಲಾ ಎನ್ನನೆ ಆಪಾಂದ್ ಗೊತ್ತುಳ್ಳ ದೇವ ಇನ್ನನೆ ಎಣ್ಣ್‌ಚೀಂದ್ ಒಳ್‍ದಿ ಬೆಚ್ಚಿತುಂಡ್.

ಅಪೊಸ್ತಲ 3:17

ನಾಡ ಅಣ್ಣತಮ್ಮಣಂಗಳೇ, ನಿಂಗಳು ನಿಂಗಡ ಅದಿಕಾರಿಯಳು ಗೊತ್ತಿಲ್ಲತೆ ಇನ್ನನೆ ಮಾಡಿರಾಂದ್ ನಾಕ್ ಗೊತ್ತುಂಡ್.

ಅಪೊಸ್ತಲ 7:40

ಅಯಿಂಗ ಅರೋನನ ನೋಟಿತ್: ನಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಂದ ಮೋಶೇಕ್ ಎಂತ ಆಚೀಂದ್ ಗೊತ್ತ್‌ಲ್ಲೆ. ಆನಗುಂಡ್ ನಂಗ ಮಿಂಞ ಪೋಪಕ್ ಬಟ್ಟೆ ಕಾಟಿತಪ್ಪಕ್ ದೇವಳ ಮಾಡಿತ್ ತಾಂದ್ ಕ್‍ೕಟತ್.

ರೋಮ್ 6:16

ಚಾವ್‍ಕ್ ಕಾರಣವಾಯಿತುಳ್ಳ ಪಾಪವಾಚೇಂಗಿಯು, ನೀತಿ ಕ್‍ಟ್ಟುವಕ್ ಕಾರಣವಾಯುತುಳ್ಳ ಬಗ್ಗಿತ್ ನಡ್‍ಪದಾಚೇಂಗಿಯು, ಎಂತದ್ಂಗ್ ಅಡಿಯಾಳಾಯಿತ್ ಬಗ್ಗಿತ್ ನಡ್‍ಪಕ್ ನಿಂಗಳ ಒಪ್ಪ್‌ಚಿಡುವಿರೋ, ಅದ್ಂಗೇ ಬಗ್ಗುವ ಅಡಿಯಾಳಾಯಿತಿಪ್ಪಿರಾಂದ್ ಗೊತ್ತ್‌ಲ್ಲೆಯ?

ರೋಮ್ 9:23

ತಾಂಡ ಮಹಿಮೆಕಾಯಿತ್ ತಯಾರ್ ಮಾಡ್‍ನ ಕನಿಕರತ್‍ರ ಪಾತ್ರವಾಯಿತುಳ್ಳ ನಂಗಡ ಮೇಲೆ ತಾಂಡ ಮಹಿಮೇರ ಐಶ್ವರ್ಯತ್‍ನ ಕಾಂಬ್‍ಚಿಡುವಕ್ ಕುಶಿಯುಳ್ಳಂವೊನಾಯಿತು,

ರೋಮ್ 9:6

ದೇವಡ ವಾಕ್ಯ ನೆರೆವೇ‍ರತೆ ಪೋಚೀಂದ್ ಎಣ್ಣುವಕ್ಕಾಗ, ಇಸ್ರಾಯೇಲ್ ವಂಶತ್‌ಲ್ ಪುಟ್ಟ್‌ನಯಿಂಗ ಎಲ್ಲಾರು, ನೇರಾನ ಇಸ್ರಾಯೇಲ್ ಜನ ಅಲ್ಲ.

1 ಕೊರಿಂಥ 6:2

ಆಕೀರ್ ದಿವಸತ್‍ಲ್ ದೇವಡ ಮಕ್ಕ ಈ ಲೋಕತ್‍ನ ನ್ಯಾಯತೀರ್ಪ್ ಮಾಡ್‌ವಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ? ನಿಂಗಡಗುಂಡ್ ಈ ಲೋಕಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕ್ ಇಪ್ಪಕ, ಈ ಚೆರಿಯ ಚೆರಿಯ ವಿಷಯತ್‍ನ ನಿಂಗ ನಿಂಗಳೇ ಸರಿ ಮಾಡ್‌ವಕ್ ಕಯ್ಯುಲೆಯಾ?

1 ಕೊರಿಂಥ 8:3

ಆಚೇಂಗಿ ದೇವನ ಪ್ರೀತಿ ಮಾಡ್‍ವಂವೊನ, ದೇವಕ್ ಗೊತ್ತಿಪ್ಪ.

ಫಿಲಿಪ್ಪಿ 1:22

ಬದ್‍ಕಿಯಂಡುಳ್ಳೇಂಗಿ ಕ್ರಿಸ್ತಂಗಾಯಿತ್ ಇಂಞು ದುಂಬ ಕೆಲಸ ಮಾಡಲು, ಆಂಗ್ ಈ ದಂಡ್‍ಲ್ ಏದ್ ಮಾಡಂಡೂಂದ್ ನಾಕ್ ಗೊತ್ತಾಯಂಡಿಲ್ಲೆ.

ಇಬ್ರಿಯ 1:1

ಪಂಡ್ ಕಾಲತ್‍ಲ್ ದೇವ ನಂಗಡ ಮುತ್ತಜ್ಜಂಗಡ ಕೂಡೆ ಪ್ರವಾದಿಯಂಗಡ ಮೂಲಕ ಬೋರೆ ಬೋರೆ ಸಮಯತ್‍ಲ್ ಬೋರೆ ಬೋರೆ ರೀತಿಲ್ ತಕ್ಕ್ ಪರ್ಂದಂಡಿಂಜತ್.

1 ಪೇತ್ರ 1:2

ಅಪ್ಪನಾನ ದೇವ ಎಲ್ಲಾಕಿಂಜ ಮಿಂಞ ಎಂತ ತೀರ್ಮಾನ ಮಾಡಿತ್ಂಜತೋ, ಅನ್ನನೆ ನಿಂಗಳ ಅಂವೊ ಗೊತ್ತ್ ಮಾಡಿತ್, ನಿಂಗ ಯೇಸು ಕ್ರಿಸ್ತಂಗ್ ಬಗ್ಗಿತ್ ನಡ್‍ಪನೆಕೆ, ಅಂವೊಂಡ ಚೋರೆರ ಮೂಲಕ ನಿಂಗ, ನಿಂಗಡ ಪಾಪತ್ಂಜ ಶುದ್ದ ಆಪನೆಕೆ, ಅಂವೊಂಡ ಆತ್ಮತ್‍ರ ಮೂಲಕ ನಿಂಗಳ ಬೋರೆ ಮಾಡಿತ್ ಶುದ್ದಮಾಡ್‍ಚಿ. ದುಂಬ್‍ನ ಕೃಪೆಯು ಸಮಾದಾನವು ನಿಂಗಕ್ ಇಂಞು ಕ್‍ಟ್ಟಡ್.