ರೋಮ್ 11:11 - ಕೊಡವ ಬೈಬಲ್

¹¹ ಅಕ್ಕ ನಾನ್ ಇನ್ನನೆ ಕ್‍ೕಪಿ: ಅಯಿಂಗ ಬುದ್ದ್ ಪೋಪಕಾಯಿತಾ ಮೀರ್‌ಚಿ? ಅನ್ನನೆ ಅಲ್ಲ, ಅಯಿಂಗ ಮೀರ್‌ನಗುಂಡ್ ಯೆಹೂದ್ಯ ಅಲ್ಲತಯಿಂಗಕ್ ರಕ್ಷಣೆ ಕ್‍ಟ್ಟ್‌ಚಿ, ಅನ್ನನೆ ಅಯಿಂಗಕ್ ಒಟ್ಟೆಕಿಚ್ಚ್ ಬರಂಡೂಂದ್ ಇನ್ನನೆ ಮಾಡ್‍ಚಿ.

ರೋಮ್ 11:11 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:16

ಅಂವೊ ಅಯಿಂಗಳ ಕೊಂದ್‍ರ್‍ವಂಜಿ ಬೋರೆ ವಾರಕಾರಂಗಕ್ ತೋಟತ್‍ನ ಕೊಡ್‍ಪಾಂದ್ ಯೇಸು ಎಣ್ಣ್‌ಚಿ. ಜನ ಈ ತಕ್ಕ್‌ನ ಕ್‍ೕಪದು: ಆಚೇಂಗಿ, ಅನ್ನನೆ ಆಕತೆ ಇರಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:42

ಪೌಲ ಪಿಂಞ ಬಾರ್ನಬ ಸಬಾಮಂದಿರತ್‌ನ ಬುಟ್ಟಿತ್ ಪೋಯಂಡಿಪ್ಪಕ, ಬಪ್ಪ ಸಬ್ಬತ್ ದಿವಸತ್‍ಲ್ ಪುನಃ ಈ ವಿಷಯತ್‍ನ ಅಯಿಂಗಕ್ ಎಣ್ಣಿತರಂಡೂಂದ್ ಕ್‍ೕಟಂಡತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ರೋಮ್ 10:19

ಇಸ್ರಾಯೇಲ್ ಜನ ಇದ್‍ನ ಅರ್ಥ ಮಾಡಿತ್‌ಲ್ಲೆಯಾಂದ್ ಪುನಃ ಕ್‍ೕಪಿ. ಅಯಿಂಗಕ್ ಅರ್ಥ ಆಚಿ. ಆದ್ಯವಾಯಿತ್ ಮೋಶೆ: ನಾಡ ಜನ ಅಲ್ಲತಯಿಂಗಡ ಮೂಲಕ ನಿಂಗಕ್ ಒಟ್ಟೆಕಿಚ್ಚ್ ಬಪ್ಪನೆಕೆ ನಾನ್ ಮಾಡ್‌ವಿ; ಬುದ್ದಿ ಇಲ್ಲತ ಜನತ್‍ರಗುಂಡ್ ನಾನ್ ನಿಂಗಕ್ ಚೆಡಿ ಬಪ್ಪನೆಕೆ ಮಾಡ್‌ವೀಂದ್ ಎಣ್ಣ್‌ಚಿ.

ರೋಮ್ 11:1

ಆನಗುಂಡ್, ದೇವ ತಾಂಡ ಜನತ್‍ನ ತಿರಸ್ಕಾರ ಮಾಡ್‍ಚಾಂದ್ ಕ್‍ೕಪಿ. ಅನ್ನನೆ ಮಾಡುಲೆ. ನಾನ್ ಸಹ ಅಬ್ರಹಾಮಂಡ ಸಂತಾನತ್‍ಲ್ ಬೆನ್ಯಾಮೀನಂಡ ಕುಲತ್‍ಲ್ ಪುಟ್ಟ್‌ನ ಇಸ್ರಾಯೇಲ.

ರೋಮ್ 11:12

ಅಯಿಂಗ ಮೀರ್‍ನಗುಂಡ್ ಲೋಕಕ್ ಐಶ್ವರ್ಯವು, ಅಯಿಂಗಡ ನಷ್ಟ ಯೆಹೂದ್ಯ ಅಲ್ಲತಯಿಂಗಕ್ ಆಶೀರ್ವಾದವು ಆಯಿತ್ಂಜತೇಂಗಿ, ಅಯಿಂಗ ಎಲ್ಲಾರು ಸ್ವೀಕಾರ ಮಾಡ್‍ಚೇಂಗಿ ಎಚ್ಚಕ್ ಬಲ್ಯದಾಯಿತಿಪ್ಪ.

ರೋಮ್ 11:14

ಅನ್ನನೆ ಆಚೇಂಗಿಯು, ನಾಡ ಜನವಾಯಿತುಳ್ಳ ಯೆಹೂದ್ಯಂಗಕ್ ಒಟ್ಟೆಕಿಚ್ಚ್ ಬಪ್ಪನೆಕೆ ಮಾಡಿತ್, ಚೆನ್ನ ಜನಕ್ ರಕ್ಷಣೆ ಕ್‍ಟ್ಟ್‌ವನೆಕೆ ಆಡ್.

ರೋಮ್ 11:31

ಅಯಿಂಗ ಇಕ್ಕ ಬಗ್ಗ್‌ಚಿಡತೆ ಪೋಚೇಂಗಿಯು, ನಿಂಗಕ್ ಕ್‍ಟ್ಟ್‌ನ ಕನಿಕಾರತ್‌ಂಜ ಅಯಿಂಗಕ್ ಮಿಂಞಕ್ ಕನಿಕರ ಕ್‍ಟ್ಟುವ.