ರೋಮ್ 11:10 - ಕೊಡವ ಬೈಬಲ್

¹⁰ ಅಯಿಂಗಡ ಕಣ್ಣ್, ಕಾಂಗತನೆಕೆ ಕುರ್‌ಡಾಯಿತ್ ಪೋಡ್, ಅಯಿಂಗಡ ಬೆನ್ನ್ ಎಕ್ಕಾಲು ಡೊಂಕಾಯಿತ್ ಪೋಡ್‍ೕಂದ್ ಎಣ್ಣ್‌ಚಿ.

ರೋಮ್ 11:10 ပူးပေါင်းရင်းမြစ်များ

ರೋಮ್ 1:21

ಅಯಿಂಗ ಎಲ್ಲಾರ್‌ಕು ದೇವ ದಾರ್‍ೕಂದ್ ಗೊತ್ತುಂಡೇಂಗಿಯು, ಅಯಿಂಗ ಅಂವೊಂಗ್ ಕೊಡ್‍ಪಕುಳ್ಳ ಮಹಿಮೆನ ಕೊಡ್‌ತಂಡು ಇಲ್ಲೆ, ಅಂವೊಂಗ್ ವಂದನೆ ಎಣ್ಣಿಯಂಡು ಇಲ್ಲೆ. ಆಂಡ ಬದ್‍ಲ್ ಅಯಿಂಗಡ ಗೇನಯೆಲ್ಲ ವ್ಯರ್ತವಾಯಿತುಂಡ್. ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್.

ರೋಮ್ 11:8

ದೇವಡ ವಾಕ್ಯತ್‍ಲ್: ದೇವ ಅಯಿಂಗಕ್ ಕಣ್ಣ್ ತೊರ್‌ಪಕ್ ಕಯ್ಯತ ವರ್‌ಕ್‌ನ ತಂದಿತ್, ಕಾಂಬಕ್ ಕಯ್ಯತ ಕಣ್ಣ್‌ನ ಪಿಂಞ ಕ್‍ೕಪಕ್ ಕಯ್ಯತ ಕೆಮಿನ ಅಯಿಂಗಕ್ ಕೊಡ್‌ತತ್‍ೕಂದ್ ಒಳ್‍ದಿತುಳ್ಳನೆಕೆ ಆಚಿ.

ಎಫೆಸ 4:18

ಅಯಿಂಗಡ ಮನಸ್ಸ್ ಇರ್‌ಟಾಯಿತ್ ಉಂಡ್, ಅಯಿಂಗಡ ಹೃದಯತ್‍ನ ಅಯಿಂಗ ಕಠಿಣ ಮಾಡಿತುಳ್ಳಗುಂಡ್ ಅಯಿಂಗಡ ಮನಸ್ಸ್‌ಕ್ ಒಂದು ಅರ್ಥ ಆಕತನೆಕೆ, ದೇವಡ ಜೀವಕ್ ಅನ್ಯರಾಯಿತ್ ಉಂಡ್.

2 ಪೇತ್ರ 2:17

ಈಂಗ ನೀರ್ ಇಲ್ಲತ ಕಣತೆರನೆಕೆ, ಪಿಂಞ ಬಿರ್‌ಗಾಳಿಲ್ ಅಲ್ಲಿ ಇಲ್ಲಿ ಓಡುವ ಮೋಡತ್‍ರನೆಕೆ ಉಂಡ್; ಬಲ್ಯ ಇರ್‌ಟ್‌ನ ಮಾತ್ರ ಈಂಗಕ್ ನ್ಯಾಯತೀರ್ಪಾಯಿತ್ ಬೆಚ್ಚಿತುಂಡ್.

2 ಪೇತ್ರ 2:4

ಪಾಪ ಮಾಡ್‍ನ ಪರಲೋಕತ್‍ಲ್ ಇಂಜ ದೂತಂಗಳ ಸಹ ದೇವ ಬುಟ್ಟಿತ್‌ಲ್ಲೆ, ಅಯಿಂಗಳ ನರಕಕ್ ಅಯಿಚಿತ್, ಇರ್‌ಟಾನ ಕುಂಡ್‍ಲ್ ತಳ್ಳಿತ್ ನ್ಯಾಯತೀರ್ಪ್ ಕೊಡ್‍ಪಕಾಯಿತ್ ಬೆಚ್ಚಿತುಂಡ್.

ಯೂದ ಒಳ್‍ದ್‍ನ ಕಾಗದ 1:13

ಞಾಣ ಆಪನೆಕೆ ಕೆಟ್ಟ ಕಾರ್ಯ ಮಾಡ್‌ವ ಅಯಿಂಗ, ಕಡಲ್‍ರ ಅಲೆ, ಆಲೆ ಈಲೆ ಪೋಯಿತ್ ನೊರೆನ ತಳ್ಳ್‌ವನೆಕೆ ಪಿಂಞ ಎಲ್ಲಿ ಪೋಕಂಡೂಂದ್ ಗೊತ್ತಿಲ್ಲತೆ ಬಟ್ಟೆ ತಪ್ಪಿ ಪೋಯಂಡುಳ್ಳ ನಕ್ಷತ್ರನೆಕೆ ಉಂಡ್. ಈಂಗಕಾಯಿತ್ ಸದಾ ಇರ್‌ಟೇ ನಿತ್ಯವಾಯಿತ್ ಬೆಚ್ಚಿತುಂಡ್.

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.