ರೋಮ್ 10:9 - ಕೊಡವ ಬೈಬಲ್

⁹ ನೀನ್ ಒಡೆಯನಾನ ಯೇಸುನ, ನೀಡ ಬಾಯಿಲ್ ಅರಿಕೆ ಮಾಡಿತ್, ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ಚೀಂದ್ ನೀಡ ಹೃದಯತ್‍ಲ್ ನಂಬ್‍ಚೇಂಗಿ, ನೀಕ್ ರಕ್ಷಣೆ ಕ್‍ಟ್ಟುವ.

ರೋಮ್ 10:9 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:8

ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವಿ: ದಾರ್ ಮನುಷ್ಯಂಗಡ ಮಿಂಞತ್ ಅಂವೊ ನಾಡಂವೋಂದ್ ಎಣ್ಣ್‌ವ, ಮನುಷ್ಯಕುಮಾರ, ಅಂವೊನ ದೇವದೂತಂಗಡ ಮಿಂಞತ್ ನಾಡಂವೋಂದ್ ಎಣ್ಣುವ.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಅಪೊಸ್ತಲ 16:31

ಅದ್ಂಗ್ ಅಯಿಂಗ: ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಿ, ಅಕ್ಕ ನೀಕು ನೀಡ ಮನೆಕಾರಂಗಕು ರಕ್ಷಣೆ ಕ್‍ಟ್ಟ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 8:36

ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ರೋಮ್ 10:10

ದಾರಾಯಿತ್ ಇಂಜತೇಂಗಿಯು, ನೀತಿ ಕ್‍ಟ್ಟುವಕಾಯಿತ್ ಹೃದಯತ್‍ಲ್ ನಂಬಂಡು; ರಕ್ಷಣೆ ಕ್‍ಟ್ಟ್‌ವಕ್ ಬಾಯಿಂಜ ಅರಿಕೆ ಮಾಡಂಡು.

ರೋಮ್ 14:11

ಅನ್ನನೆ: ಎಲ್ಲಾ ಜನಳು ನಾಡ ಮಿಂಞ ಮೊಣಕಾಲ್ ಇಡ್‌ವ, ಎಲ್ಲಾರು ಅಯಿಂಗಡ ನಾವ್ಂಜ ನನ್ನ ದೇವಾಂದ್ ಅರಿಕೆ ಮಾಡ್‌ವಾಂದ್ ಎಕ್ಕಾಲು ಜೀವವಾಯಿತುಳ್ಳ ಒಡೆಯನಾನ ನಾನೇ ಎಣ್ಣಿತುಳ್ಳ್‌ಂದ್ ಒಳ್‍ದಿ ಬೆಚ್ಚಿತುಂಡ್.

ರೋಮ್ 14:9

ಚತ್ತಯಿಂಗಕು, ಬದ್‍ಕಿಯಂಡುಳ್ಳಯಿಂಗಕು ಒಡೆಯನಾಯಿತ್‌ಪ್ಪಕಾಯಿತ್ ಕ್ರಿಸ್ತ ಚತ್ತ್ ಎದ್ದಿತ್ ಬದ್‍ಕಿಯಂಡ್ ಉಂಡ್.

ರೋಮ್ 4:24

ನಂಗಡ ಒಡೆಯನಾನ ಯೇಸುನ ಚಾವ್‍ಯಿಂಜ ಎಪ್ಪ್‌ಚಿಟ್ಟಂವೊನ ನಂಬುವ ನಂಗಕ್ ಅನ್ನನೆ ಲೆಕ್ಕ ಆಪ.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

1 ಕೊರಿಂಥ 12:3

ಆನಗುಂಡ್, ಪವಿತ್ರಾತ್ಮತ್‍ರ ಮೂಲಕ, ತಕ್ಕ್ ಪರಿಯುವ ಏದ್ ಮನುಷ್ಯನು, ಯೇಸುನ, ಅಂವೊ ಶಾಪ ಪಡ್ಂದವೋಂದ್ ಎಣ್ಣ್‌ವದೇ ಇಲ್ಲೆ, ಪವಿತ್ರಾತ್ಮಂಡ ಸಹಾಯ ಇಲ್ಲತೆ, ಯೇಸುನ ಒಡೆಯಾಂದ್ ಎಣ್ಣ್‌ವಕ್ ದಾರ್‌ಕು ಕಯ್ಯುಲೇಂದ್ ನಾನ್ ನಿಂಗಕ್ ಎಣ್ಣ್‌ವಿ.

ಫಿಲಿಪ್ಪಿ 2:11

ಪ್ರತಿ ಒಬ್ಬನು ಯೇಸು ಕ್ರಿಸ್ತನೇ ಒಡೆಯಾಂದ್ ಎಣ್ಣಿತ್ ನಂಗಡ ಅಪ್ಪನಾನ ದೇವನ ಮಹಿಮೆ ಪಡ್‍ತ್‍ವ.

1 ಪೇತ್ರ 1:21

ಅಂವೊಂಡ ಮೂಲಕ ನಿಂಗ ದೇವಡ ಮೇಲೆ ನಂಬಿಕೆ ಬೆಪ್ಪನೆಕೆ ಮಾಡಿಯತ್. ದೇವ ಅಂವೊನ ಚತ್ತಯಿಂಗಡ ಮದ್ಯತ್ಂಜ ಪುನಃ ಜೀವವಾಯಿತ್ ಎಪ್ಪ್‌ಚಿಟ್ಟಿತ್, ಅಂವೊಂಗ್ ಬಲ್ಯ ಮಹಿಮೆನ ಕೊಡ್‍ತತ್. ಆನಗುಂಡ್, ನಿಂಗ ದೇವಡ ಮೇಲೆ ನಂಬಿಕೆಯು ನಿರೀಕ್ಷೇಯು ಬೆಚ್ಚಿತುಳ್ಳಿರ.

1 ಯೋಹಾನ 4:15

ಯೇಸು ದೇವಡ ಮೋಂವೋಂದ್ ದಾರ್ ಒಬ್ಬ ಅರಿಕೆ ಮಾಡ್‌ವ, ಅಂವೊಂಡೊಳ್‌ಲ್ ದೇವ ವಾಸ ಮಾಡ್‌ವ, ಅಂವೊನು ದೇವಡ ಕೂಡೆ ವಾಸ ಮಾಡ್‌ವ.

2 ಯೋಹಾನ 1:7

ಯೇಸು ಕ್ರಿಸ್ತ ಮನುಷ್ಯ ರೂಪತ್‌ಲ್ ಈ ಬೂಲೋಕಕ್ ಬಾತ್‍ೕಂದ್ ಉಳ್ಳದ್‍ನ ಒತ್ತತೆ, ವಂಚನೆ ಮಾಡ್‌ವಯಿಂಗ ಈ ಲೋಕತ್‍ಲ್ ದುಂಬ ಬಂದಿತುಂಡ್. ಅನ್ನನೆ ಮಾಡ್‌ವಂವೊ ವಂಚನೆ ಮಾಡ್‌ವಂವೊನು, ಕಳ್ಳ ಕ್ರಿಸ್ತನಾಯಿತು ಉಂಡ್.