ರೋಮ್ 10:4 - ಕೊಡವ ಬೈಬಲ್

⁴ ನಂಬುವ ಏದ್ ಮನುಷ್ಯಂಗು, ನೀತಿ ಉಳ್ಳಯಿಂಗಳಾಪಕ್, ಕ್ರಿಸ್ತ ನ್ಯಾಯಪ್ರಮಾಣತ್‍ರ ಅಂತ್ಯವಾಯಿತುಂಡ್.

ರೋಮ್ 10:4 ပူးပေါင်းရင်းမြစ်များ

ಮತ್ತಾಯ 3:15

ಅದ್ಂಗ್ ಯೇಸು: ಇಕ್ಕ ಇದ್‍ನ ಇನ್ನನೆ ಮಾಡ್‌ವಕ್ ಬುಡ್. ಇನ್ನನೆ ಮಾಡ್‌ವಕ ನಂಗ ದೇವಡ ಎಲ್ಲಾ ನೀತಿ ಕಾರ್ಯತ್‍ನ ಪೂರ್ತಿ ಮಾಡ್‌ವಾಂದ್ ಎಣ್ಣ್‌ನಾಂಗ್ ಯೋಹಾನ ಒತ್ತಂಡತ್.

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

1 ಕೊರಿಂಥ 1:30

ಅನ್ನನೆ, ದೇವ ನಿಂಗಳ ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಕೂಟಿತುಂಡ್. ಆನಗುಂಡ್ ದೇವ, ಕ್ರಿಸ್ತನ ನಂಗಕ್ ಜ್ಞಾನವಾಯಿತ್ ಮಾಡಿತುಂಡ್. ಅಂವೊಂಡ ಮೂಲಕ ನಂಗಳ, ದೇವಡ ಮಿಂಞತ್‍ಲ್ ನೀತಿವಂತಯಿಂಗಳಾಯಿತು, ಪವಿತ್ರ ಜನಳಾಯಿತು ಪಿಂಞ ನಂಗಕ್ ವಿಮೋಚನ ಕ್‍ಟ್ಟುವನೆಕೆ ಮಾಡಿತುಂಡ್.

ಗಲಾತ್ಯ 3:24

ಇನ್ನನೆ ನ್ಯಾಯಪ್ರಮಾಣ, ನಂಗ ನಂಬಿಕೇರಗುಂಡ್ ನೀತಿವಂತಂಗಳಾಯಿತ್ ಆಪಕ್ ನಂಗಳ ಕ್ರಿಸ್ತಂಡ ಪಕ್ಕ ಕಾಕಿಯಂಡ್ ಪೋಪ ಉಪಾದ್ಯನಾಯಿತ್ಂಜತ್.

ಗಲಾತ್ಯ 4:5

ನ್ಯಾಯಪ್ರಮಾಣಕ್ ಆಡಿಯಾಳಯಿತ್ಂಜ ನಂಗಳ ಬುಡುಗಡೆ ಮಾಡ್‌ವಕಾಯಿತ್ ದೇವ ಅಂವೊನ ಅಯಿಚತ್. ಆನಗುಂಡ್ ಅಂವೊಂಗ್, ನಂಗಳ ಅಂವೊಂಡ ಹಕ್ಕ್‌ದಾರಂಗಳಾನ ಮಕ್ಕಳಾಯಿತ್ ಮಾಡ್‌ವಕ್ ಕಯಿಂಜತ್.

ಕೊಲೊಸ್ಸೆ 2:10

ನಿಂಗ ಕ್ರಿಸ್ತಂಡ ಕೂಡೆ ಒಂದಾನಗುಂಡ್, ನಿಂಗಕ್ ಪೂರ್ಣವಾನ ಬದ್‍ಕ್‍ನ ಅಂವೊ ತಂದಿತುಂಡ್. ಅಂವೊ ಎಲ್ಲಾ ಆತ್ಮೀಕ ಅದಿಕಾರಕು, ಎಲ್ಲಾ ಶಕ್ತಿಕು ಮಂಡೆಯಾಯಿತುಂಡ್.

ಕೊಲೊಸ್ಸೆ 2:17

ಇದೆಲ್ಲಾ, ಇಂಞು ಮಿಂಞಕ್ ಬಪ್ಪಕುಳ್ಳ ವಿಷಯಕ್ ನೆಳರ್‌ನೆಕೆ ಉಂಡ್. ಸತ್ಯ ಎಂತ ಎಣ್ಣ್‌ಚೇಂಗಿ, ಕ್ರಿಸ್ತನೇ.

ಇಬ್ರಿಯ 10:14

ಎನ್ನಂಗೆಣ್ಣ್‌ಚೇಂಗಿ, ಪವಿತ್ರವಾನಯಿಂಗಳಾಯಿತ್ ಮಾಡ್‍ನಯಿಂಗಳ ಒರೇ ಬಲಿರ ಮೂಲಕ ಇಂವೊ ಎಕ್ಕಾಲು ಪೂರ್ತಿ ಮಾಡಿತುಂಡ್.