ರೋಮ್ 10:3 - ಕೊಡವ ಬೈಬಲ್

³ ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 10:3 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:29

ಆ ಉಪಾದ್ಯ, ಅಂವೊ ನೀತಿವಂತಂವೋಂದ್ ಕಾಟ್‌ವಕಾಯಿತ್ ಯೇಸುರ ಪಕ್ಕ, ನಾಡ ನೆರೆಮನೆಕಾರ ದಾರ್‍ೕಂದ್ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:15

ಆಚೇಂಗಿ ಯೇಸು ಅಯಿಂಗಕ್, ನಿಂಗ ಎಕ್ಕಾಲು ಬೋರೆಯಿಂಗಡ ಮಿಂಞತ್ ನಲ್ಲಯಿಂಗಳಾಯಿತ್ ಕಾಂಬ್‍ಚಿಟ್ಟಂಡುಂಡ್, ಆಚೇಂಗಿ ದೇವಕ್ ನಿಂಗಡ ಹೃದಯತ್‍ನ ಗೊತ್ತುಂಡ್. ಮನುಷ್ಯಂಗ ಎಂತಾಂಗ್ ದುಂಬ ಬೆಲೆ ಉಂಡ್‍ೕಂದ್ ಗೇನ ಮಾಡ್‌ವ, ಅದ್ ದೇವಡ ಮಿಂಞತ್‍ಲ್ ಅಸಹ್ಯವಾಯಿತ್‌ಪ್ಪಾಂದ್ ಯೇಸು ಎಣ್ಣ್‌ಚಿ.

ರೋಮ್ 1:17

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

ರೋಮ್ 10:2

ದೇವಡ ಮೇಲೆ ಅಯಿಂಗಕ್ ಬಾರಿ ಬಕ್ತಿ ಉಂಡ್‍ೕಂದ್ ನಾನ್ ಅಯಿಂಗಡ ವಿಷಯತ್ ಸಾಕ್ಷಿ ಎಣ್ಣ್‌ವಿ; ಆಚೇಂಗಿ ಅದ್ ಬುದ್ದಿವಂತ ಬಕ್ತಿ ಅಲ್ಲ.

ರೋಮ್ 10:20

ಯೆಶಾಯ ಪ್ರವಾದಿ: ನನ್ನ ತ್‍ೕಡತಯಿಂಗ ನನ್ನ ಕಂಡ್‌ಪುಡ್‌ಚತ್, ನಾಡ ವಿಷಯತ್‍ನ ಕ್‍ೕಕತಯಿಂಗಕ್ ನಾನ್ ದಾರ್‍ೕಂದ್ ಗೊತ್ತಾಚೀಂದ್ ದೈರ್ಯವಾಯಿತ್ ಎಣ್ಣ್‌ಚಿ.

ರೋಮ್ 11:7

ಆನಗುಂಡ್ ಎಂತ? ಇಸ್ರಾಯೇಲ್ ಜನ ತ್‍ೕಡ್‍ವದ್ ಅಯಿಂಗಕ್ ಕ್‌ಟ್ಟಿಯಂಡ್ ಇಲ್ಲೆ. ದೇವ ಆಯ್ಕೆ ಮಾಡ್‍ನಯಿಂಗಕ್ ಮಾತ್ರ ಅದ್ ಕ್‌ಟ್ಟಿಯಂಡುಂಡ್; ಬಾಕಿಯುಳ್ಳಯಿಂಗ ಇಲ್ಲಿಕತ್ತನೆ ಅಯಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡಿತುಂಡ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:26

ಆಚೇಂಗಿ, ಇಕ್ಕ, ಅನ್ನನೆ ಮಾಡಿತ್, ಅಂವೊಂಡ ನೀತಿನ ಕಾಂಬ್‍ಚಿಟ್ಟಂಡುಂಡ್. ಇನ್ನನೆ ಮಾಡ್‍ನಗುಂಡ್, ದೇವ ಒಬ್ಬನೇ ನೀತಿವಂತಂವೋಂದು, ಯೇಸುನ ನಂಬುವಯಿಂಗಳ ದೇವಡ ಮಿಂಞತ್ ನೀತಿವಂತಯಿಂಗಳಾಯಿತ್ ಮಾಡಿಯಂಡ್ ಉಂಡ್‍ೕಂದು ಗೊತ್ತಾಚಿ.

ರೋಮ್ 5:19

ಒರ್ ಮನುಷ್ಯಂಡ ಅಪರಾದತ್ಂಜ ದುಂಬ ಜನ ಪಾಪಿಯಳಾನನೆಕೆ, ಒಬ್ಬ ಬಗ್ಗ್‌ನಗುಂಡ್ ದುಂಬ ಜನ ನೀತಿವಂತಯಿಂಗಳಾಯಿತ್ ಆಪ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.