ರೋಮ್ 10:20 - ಕೊಡವ ಬೈಬಲ್

²⁰ ಯೆಶಾಯ ಪ್ರವಾದಿ: ನನ್ನ ತ್‍ೕಡತಯಿಂಗ ನನ್ನ ಕಂಡ್‌ಪುಡ್‌ಚತ್, ನಾಡ ವಿಷಯತ್‍ನ ಕ್‍ೕಕತಯಿಂಗಕ್ ನಾನ್ ದಾರ್‍ೕಂದ್ ಗೊತ್ತಾಚೀಂದ್ ದೈರ್ಯವಾಯಿತ್ ಎಣ್ಣ್‌ಚಿ.

ರೋಮ್ 10:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 28:1

ದಾರು ಓಡಿಚಿಡತೆ ಪೋಚೇಂಗಿಯು ದುಷ್ಟ ಓಡಿ ಪೋಪ. ಆಚೇಂಗಿ ನೀತಿವಂತಯಿಂಗ ಸಿಂಹತ್‌ರನೆಕೆ ದೈರ್ಯತ್‌ಲ್‌ ಇಪ್ಪ.

ಮತ್ತಾಯ 20:16

ಅನ್ನನೆ, ದಾರ್ ಮಿಂಞತ್‍ಲ್ ಉಂಡೋ ಅಯಿಂಗ ಬಯ್ಯತ್ ಆಯಿಪೋಪ. ಬಯ್ಯತ್ ಉಳ್ಳಯಿಂಗ ಮಿಂಞಕ್ ಇಪ್ಪಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 14:23

ಅದ್ಂಗ್ ಎಜಮಾನ: ನೀನ್ ಊರ್‌ರ ಬೇಲಿರ ಪೊರಮೆಯು, ಬೋರೆ ಬೋರೆ ಬಟ್ಟೇಕು, ಬೇಲ್‍ಕು ಪೋಯಿತ್ ಕಂಡಿತವಾಯಿತ್ ಬಪ್ಪಕ್ ಎಣ್ಣ್, ಅಕ್ಕ ನಾಡ ಮನೆ ದುಂಬಿರುವಾಂದ್ ಎಣ್ಣ್‌ಚಿ.

ರೋಮ್ 10:3

ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

ರೋಮ್ 9:31

ಆಚೇಂಗಿ, ನ್ಯಾಯಪ್ರಮಾಣತ್‍ರ ಮೂಲಕ ನೀತಿನ ತ್‍ೕಡ್‍ನ ಇಸ್ರಾಯೇಲ್ ಜನಕ್ ನೀತಿ ಕ್‍ಟ್ಟಿತ್ತ್‌ಲ್ಲೆ.

1 ಯೋಹಾನ 4:19

ನಂಗ ಪ್ರೀತಿ ಮಾಡ್‌ವಕ್ ಮಿಂಞ ದೇವ ನಂಗಳ ಪ್ರೀತಿ ಮಾಡ್‍ನಗುಂಡ್ ನಂಗ ಅಂವೊನ ಪ್ರೀತಿ ಮಾಡ್‌ವ.