ರೋಮ್ 10:17 - ಕೊಡವ ಬೈಬಲ್

¹⁷ ಆನಗುಂಡ್ ನಂಬಿಕೆ, ದೇವಡ ವಾಕ್ಯತ್‍ನ ಕ್‍ೕಪಗುಂಡ್ ಬಪ್ಪ, ಅಯಿಂಗ ಕ್‍ೕಪದ್, ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಗುಂಡ್ ಬಪ್ಪ.

ರೋಮ್ 10:17 ပူးပေါင်းရင်းမြစ်များ

ಮಾರ್ಕ 4:24

ಇಂಞು ಅಯಿಂಗಳ ಅಂವೊ ನೋಟಿತ್ ಎಣ್ಣ್‌ಚಿ; ನಿಂಗ ಜಾಗ್ರತೆಲ್ ಕ್‍ೕಳಿ, ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ, ಇಂಞು ದುಂಬ ಮ‌ಡುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:28

ಅದ್ಂಗ್ ಅಂವೊ: ಅಕ್ಕು ನೇರೇ, ಆಚೇಂಗಿಯು, ದೇವಡ ವಾಕ್ಯತ್‍ನ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೇರಾಯಿತ್ ಆಶೀರ್ವಾದ ಪಡ್ಂದಯಿಂಗಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:11

ಈ ಕಥೇರ ರೂಪತ್‍ರ ಅರ್ಥ ಎಂತ ಎಣ್ಣ್‌ಚೇಂಗಿ: ಕುರು ದೇವಡ ವಾಕ್ಯ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:21

ಅದ್ಂಗ್ ಅಂವೊ: ದಾರೆಲ್ಲಾ ದೇವಡ ವಾಕ್ಯತ್‍ನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್‍ಪ ಅಯಿಂಗಳೇ ನಾಡ ಅವ್ವ ಪಿಂಞ ಅಣ್ಣತಮ್ಮಣಂಗಾಂದ್ ಎಣ್ಣ್‌ಚಿ.

ಯೋಹಾನ 1:37

ಅಂವೊ ಅನ್ನನೆ ಎಣ್ಣ್‌ವಾನ ಕ್‍ೕಟಿತ್: ಆ ದಂಡ್ ಶಿಷ್ಯಂಗಳು ಯೇಸುರ ಬಯ್ಯಕ್ ಪೋಚಿ.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 10:14

ಅಕ್ಕ, ಅಂವೊನ ನಂಬತಯಿಂಗ ಎನ್ನನೆ ಅಂವೊನ ಕಾಕುವ? ಅಂವೊಂಡ ವಿಷಯತ್‍ನ ಇಲ್ಲಿಕತ್ತನೆ ಕ್‍ೕಕತಯಿಂಗ ಎನ್ನನೆ ನಂಬುವ? ದೇವಡ ನಲ್ಲ ಸುದ್ದಿನ ಎಣ್ಣ್‌ವಯಿಂಗ ಇಲ್ಲತಪೋಚೇಂಗಿ, ಎನ್ನನೆ ಅಯಿಂಗಡ ಕೆಮಿಕ್ ಅಂವೊಂಡ ವಿಷಯ ಪೋಪ?

2 ಕೊರಿಂಥ 2:17

ದುಂಬ ಜನತ್‍ರನೆಕೆ, ನಂಗಕ್ ಲಾಬ ಕ್‍ಟ್ಟ್‌ವಕಾಯಿತ್ ದೇವಡ ವಾಕ್ಯತ್‍ನ ಕಲಪ್‍ಲ್ ಬೋದನೆ ಮಾಡತೆ, ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್, ನಂಬಿಕಸ್ತಂಗಳಾಯಿತ್, ದೇವ ಅಯಿಚಯಿಂಗಳಾಯಿತ್, ದೇವಡ ಮಿಂಞತ್‍ಲ್ ತಕ್ಕ್ ಪರ್ಂದಂಡುಂಡ್.

ಗಲಾತ್ಯ 3:2

ನಾನ್ ನಿಂಗಳ ಒಂದ್ ಕ್‍ೕಪಿ; ನಿಂಗ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್ಂದಗುಂಡ್ ನಿಂಗಕ್ ಪವಿತ್ರಾತ್ಮ ಕ್‍ಟ್ಟ್‌ಚಾ ಅಥವ ನಿಂಗ ಯೇಸು ಕ್ರಿಸ್ತಂಡ ವಿಷಯ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಕ್‍ಟ್ಟ್‌ಚಾ?

ಗಲಾತ್ಯ 3:5

ಅದಲ್ಲತೆ, ನಿಂಗಕ್ ಪವಿತ್ರಾತ್ಮತ್‍ನ ತಂದಿತ್, ನಿಂಗಡ ಮದ್ಯತ್‍ಲ್ ಅದ್ಬುತ ಕಾರ್ಯತ್‍ನ ಮಾಡ್‍ಚಿ. ನಿಂಗ ನ್ಯಾಯಪ್ರಮಾಣಕ್ ಬಗ್ಗಿತ್ ನಡ್‍ಪಗುಂಡ್ ಅನ್ನನೆ ಮಾಡ್‍ಚಾ? ಅನ್ನನೆ ಅಲ್ಲ. ನಿಂಗ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಕ್‍ೕಟಿತ್ ಅದ್‍ನ ನಂಬ್‍ನಗುಂಡ್ ಮಾತ್ರ ಅನ್ನನೆ ಮಾಡ್‍ಚಿ.

ಕೊಲೊಸ್ಸೆ 3:16

ಕ್ರಿಸ್ತಂಡ ವಾಕ್ಯ, ನಿಂಗಡ ಹೃದಯತ್‍ಲ್ ಪೂರ್ತಿಯಾಯಿತ್ ಇರಡ್. ನಿಂಗ ಎಲ್ಲಾ ಜ್ಞಾನತ್‍ಲ್ ಒಬ್ಬಂಗ್ ಒಬ್ಬ ಬೋದನೆ ಮಾಡಿತ್ ಬುದ್ದಿ ಎಣ್ಣಿಯಂಡ್ ಇರಿ. ಕೀರ್ತನೆ ಪಾಡಿಯಂಡ್, ದೇವಡ ಪಾಟ್ ಪಾಡಿಯಂಡ್, ಆತ್ಮೀಯ ಪಾಟ್ ಪಾಡಿಯಂಡ್ ನಿಂಗಡ ಹೃದಯತ್‍ಲ್ ದೇವನ ತುದಿಚಂಡ್ ಇರಿ.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

ಇಬ್ರಿಯ 4:2

ಎನ್ನಂಗೆಣ್ಣ್‌ಚೇಂಗಿ, ದೇವಡ ನಲ್ಲ ಸುದ್ದಿ ಅಯಿಂಗಕ್ ಅರಿಚಿಟ್ಟನೆಕೆ, ನಂಗಕು ಅರಿಚಿಟ್ಟಿತುಂಡ್; ಅದ್‍ನ ಕ್‍ೕಟಯಿಂಗ ನಂಬಿಕೆ ಇಲ್ಲತೆ ಕ್‍ೕಟಾಂಗ್, ಅಯಿಂಗ ಕ್‍ೕಟ ವಾಕ್ಯ ಅಯಿಂಗಕ್ ಪ್ರಯೋಜನಪಟ್ಟಿತ್‌ಲ್ಲೆ.

1 ಪೇತ್ರ 1:23

ಪಾಳಾಯಿ ಪೋಪ ಕುರುರ ಮೂಲಕ ಅಲ್ಲ, ಎಕ್ಕಾಲು ಬದ್‍ಕಿಯಂಡಿಪ್ಪ, ಜೀವವಾಯಿತ್ ಉಳ್ಳ ಪಾಳಾಯಿ ಪೋಕತ ಕುರುವಾನ ದೇವಡ ವಾಕ್ಯತ್‍ರ ಮೂಲಕ ನಿಂಗ ಪುನಃ ಪುಟ್ಟಿತುಳ್ಳಿರ.

ಪ್ರಕಟನೆ 1:9

ನಿಂಗಡ ಅಣ್ಣನು, ಯೇಸುಕಾಯಿತ್ ಬಪ್ಪ ಹಿಂಸೆಕು, ಅಂವೊಂಡ ರಾಜ್ಯಕು, ಅಂವೊಂಡ ಪೊರುಮೆಕು ನಿಂಗಡ ಕೂಡೆ ಪಾಲ್‍ದಾರನಾಯಿತುಳ್ಳ ಯೋಹಾನನಾನ ನಾನ್ ದೇವಡ ವಾಕ್ಯಕಾಯಿತು, ಯೇಸುರ ವಿಷಯತ್ ಸಾಕ್ಷಿಕಾಯಿತು ಪತ್ಮೊಸ್ ಎಣ್ಣುವ ದ್ವೀಪತ್‍ಲ್ ಇಂಜ.