ರೋಮ್ 1:6 - ಕೊಡವ ಬೈಬಲ್

⁶ ರೋಮ್ ಪಟ್ಟಣತ್‍ಲ್ ಉಳ್ಳ ನಾಡ ಪ್ರೀತಿರ ಜನಳೇ, ಎಲ್ಲಾ ಜನತ್‍ರ ಮದ್ಯತ್ಂಜ ನಿಂಗಳ ಸಹ ಯೇಸು ಕ್ರಿಸ್ತಂಡಯಿಂಗಳಾಯಿತ್ ಕಾಕಿತುಂಡ್.

ರೋಮ್ 1:6 ပူးပေါင်းရင်းမြစ်များ

ರೋಮ್ 9:24

ದೇವಡ ಬಲ್ಯ ಚೆಡಿಕ್ ಯೋಗ್ಯವಾನ ಪಾತ್ರತ್‍ರಮೇಲೆ, ದುಂಬ ತಾಳ್ಮೆಲ್ ಸಹಿಸಿಯಂಡ್ ಇಂಜತೇಂಗಿ ನೀಕ್ ಎಂತ?

1 ಕೊರಿಂಥ 1:9

ನಂಗಡ ಒಡೆಯನಾಯಿತುಳ್ಳ ದೇವಡ ಮೋಂವೊನಾನ ಯೇಸು ಕ್ರಿಸ್ತಂಡ ಕೂಡೆ ಐಕ್ಯತ್‍ಲ್ ಇಪ್ಪಕ್ ನಿಂಗಳ ಕಾಕ್‍ನ ದೇವ ಸತ್ಯವುಳ್ಳಂವೊನಾಯಿತುಂಡ್.

ಗಲಾತ್ಯ 1:6

ನಿಂಗಳ ಯೇಸು ಕ್ರಿಸ್ತಂಡ ಕೃಪೇರಗುಂಡ್ ಕಾಕ್‍ನಂವೊನ ಬುಟ್ಟಿತ್, ಇಚ್ಚಕ್ ಬೆರಿಯ ಬೋರೆ ಒರ್ ನಲ್ಲ ಸುದ್ದಿರ ಬಟ್ಟೇಲ್ ಪೋಪದ್‌ನ ನೋಟುವಕ, ನಾಕ್ ದುಂಬ ಆಶ್ಚರ್ಯ ಆಯಂಡುಂಡ್.

ಎಫೆಸ 1:11

ದೇವಡ ಏರ್ಪಾಡ್‌ರ ಪ್ರಕಾರ ಅಂವೊಂಡ ತೀರ್ಮಾನತ್‍ರನೆಕೆ ಎಲ್ಲಾ ಆಯಂಡುಂಡ್. ಅನ್ನನೆ, ಅಂವೊಂಡ ಚಿತ್ತತ್‍ರನೆಕೆ, ನಂಗ ಅಂವೊಂಡ ಕೂಡೆ ಒಂದಾಯಿತ್ ಇಪ್ಪಕು, ಅಂವೊಂಡ ಕೂಡೆ ಪಾಲ್‍ದಾರಂಗಳಾಯಿತ್ ಇಪ್ಪಕು ಎಲ್ಲಾಕಿಂಜ ಮಿಂಞಲೇ, ದೇವ ನಂಗಳ ಗೊತ್ತ್ ಮಾಡ್‍ಚಿ.

ಕೊಲೊಸ್ಸೆ 1:21

ಒರ್ ಕಾಲತ್‍ಲ್ ನಿಂಗ ದೇವಡಯಿಂಜ ಬೋರೆಯಾಯಿತ್ ಪೋಯಿತ್ ಇಂಜಿರ, ನಿಂಗಡ ಗೇನತ್‍ಲ್ ಕೆಟ್ಟದ್‍ನ ಮಾಡಿಯಂಡಿಂಜಗುಂಡ್ ಅಂವೊಂಗ್ ವಿರೋದಿಯಳಾಯಿತ್ ಇಂಜಿರ,

ಕೊಲೊಸ್ಸೆ 1:6

ನಿಂಗಡ ಪಕ್ಕ ಬಂದ ಆ ದೇವಡ ನಲ್ಲ ಸುದ್ದಿ, ಇಡೀ ಲೋಕಕ್ ಪೋಯಂಡುಂಡ್. ಅದ್ ನಿಂಗಡ ಪಕ್ಕ ಬಂದಿತ್, ನಿಂಗ ಅದ್‍ನ ಕ್‍ೕಟಿತ್ ದೇವಡ ಕೃಪೇನ ನೇರಾಯಿತ್ ಅರ್ಥಮಾಡ್‍ನ ದಿವಸತ್ಂಜ ನಿಂಗಡ ಬದ್‍ಕ್‍ಲ್ ಎನ್ನನೆ ಫಲ ತಂದ್‍ೕಂಡುಂಡೊ, ಅನ್ನನೆ ಅದ್ ಪೋಪ ಜಾಗತ್‍ಲೆಲ್ಲಾ ಸಹ, ಜನಡ ಬದ್‍ಕ್‍ಲ್ ಮಾಡಿಯಂಡುಂಡ್.

1 ಥೆಸಲೊನೀಕ 2:12

ದೇವ ಅಂವೊಂಡ ರಾಜ್ಯಕು, ಮಹಿಮೆಕು, ನಿಂಗ ಪಾಲ್‍ದಾರಂಗಳಾಯಿತ್ ಇಪ್ಪಕ್ ನಿಂಗಳ ಕಾಕ್‍ನಗುಂಡ್, ನಂಗ ನಿಂಗಕ್ ಬುದ್ದಿ ಎಣ್ಣಿಯಂಡ್, ಸಮಾದಾನ ಮಾಡಿಯಂಡ್, ದೇವಡ ಮಕ್ಕ ಎನ್ನನೆ ಇರಂಡುವೋ ಅನ್ನನೆ ಬದ್‍ಕಂಡೂಂದ್ ನಿಂಗಳ ಬೋಡಿಯಂಡಿಂಜತ್.

2 ಥೆಸಲೊನೀಕ 2:14

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮಹಿಮೇಕ್ ಪಾಲ್‍ದಾರಂಗಳಾಯಿತ್ ಇಪ್ಪಕ್, ನಂಗ ನಿಂಗಕ್ ಮಾಡ್‍ನ ನಲ್ಲ ಸುದ್ದಿರ ಬೋದನೆರ ಮೂಲಕ ಅಂವೊಂಡ ಪಕ್ಕ ನಿಂಗಳ ಕಾಕ್‍ಚಿ.

2 ತಿಮೊಥೆಯ 1:9

ಎನ್ನಂಗೆಣ್ಣ್‌ಚೇಂಗಿ ದೇವ ನಂಗಳ ರಕ್ಷಣೆ ಮಾಡಿತ್, ಪವಿತ್ರವಾನ ಬದ್‍ಕ್ ಬಾಳ್‌ವಕ್ ನಂಗಳ ಕಾಕಿತುಂಡ್. ನಂಗಕ್ ಇದ್ ಕ್‍ಟ್ಟ್‌ವಕ್ ಒರ್ ಯೊಗ್ಯತೆಯು ಇಲ್ಲೆ. ಆಚೇಂಗಿ, ಕಾಲ ಸುರ್ ಆಪಕ್ ಮಿಂಞಲೇ, ಈ ಕೃಪೆ ಯೇಸು ಕ್ರಿಸ್ತನಗುಂಡ್ ನಂಗಕ್ ಕ್‍ಟ್ಟಂಡೂಂದ್ ದೇವಡ ಚಿತ್ತವಾಯಿತ್ಂಜತ್.

ಇಬ್ರಿಯ 3:1

ಆನಗುಂಡ್, ದೇವಡ ಮಕ್ಕಳಾಯಿತುಳ್ಳ ನಾಡ ಅಣ್ಣತಮ್ಮಣಂಗಳೇ, ಪರಲೋಕಕ್ ಪೋಪಕ್ ಕಾಕ್‍ನಯಿಂಗಡ ಪಾಲ್‍ದಾರಂಗಳಾಯಿತ್ ಉಳ್ಳಯಿಂಗಳೇ, ನಂಗ ಅರಿಕೆ ಮಾಡ್‌ವ ಅಪೊಸ್ತಲನು, ಮಹಾ ಯಾಜಕನು ಆಯಿತುಳ್ಳ ಕ್ರಿಸ್ತ ಯೇಸುನ ಗೇನ ಮಾಡಿಯೊಳಿ.

1 ಪೇತ್ರ 2:21

ಇದ್ಂಗಾಯಿತೇ ದೇವ ನಿಂಗಳ ಕಾಕಿಯತ್, ಎನ್ನಂಗೆಣ್ಣ್‌ಚೇಂಗಿ, ಕ್ರಿಸ್ತನು ನಿಂಗಕಾಯಿತ್ ಪಾಡ್‍ಪಟ್ಟಿತ್ ನಿಂಗ ಅಂವೊಂಡ ಬಟ್ಟೇಲ್ ಬಪ್ಪಕಾಯಿತ್ ಅಂವೊನ ಒರ್ ಉದಾರಣೆಯಾಯಿತ್ ಮಾಡ್‍ಚಿ.

1 ಪೇತ್ರ 2:9

ಆಚೇಂಗಿ ನಿಂಗ, ನಿಂಗಳ ಇರ್‌ಟ್‌ಂಜ ತಾಂಡ ಅದ್ಬುತವಾನ ಬೊಳಿಕ್ ಕಾಕ್‌ನಂವೊಂಡ ತುದಿನ ಅರಿಚಿಡ್‌ವಕ್, ದೇವ ಗೊತ್ತ್ ಮಾಡ್‍ನಯಿಂಗಳಾಯಿತ್, ರಾಜಕೀಯ ಯಾಜಕಂಗಳಾಯಿತ್, ಪವಿತ್ರವಾನ ರಾಜ್ಯತ್‍ರ ಮಕ್ಕಳಾಯಿತ್ ಪಿಂಞ ದೇವಡ ಸ್ವಂತ ಜನವಾಯಿತ್ ಉಳ್ಳಿರ.

2 ಪೇತ್ರ 1:10

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ನಿಂಗಳ ದೇವ ಕಾಕ್‍ನದ್‌ಲ್ ಪಿಂಞ ದೇವ ಆಯ್ಕೆ ಮಾಡ್‍ನದ್‍ಲ್ ದೃಡವಾಯಿತ್ ಇಪ್ಪಕಾಯಿತ್ ಎಚ್ಚರತ್‍ಲ್ ಇರಿ; ಇನ್ನನೆ ನಿಂಗ ಮಾಡ್‍ಚೇಂಗಿ ನಿಂಗ ಬುದ್ದ್ ಪೋಪುಲೆ.

ಯೂದ ಒಳ್‍ದ್‍ನ ಕಾಗದ 1:1

ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬಂಡ ತಮ್ಮಣನಾನ ಯೂದ, ದೇವ ಕಾಕ್‍ನಯಿಂಗಳಾಯಿತ್, ಅಪ್ಪನಾನ ದೇವನ ಪ್ರೀತಿ ಮಾಡ್‌ವಯಿಂಗಳಾಯಿತ್, ಯೇಸು ಕ್ರಿಸ್ತಂಗಾಯಿತ್ ಬದ್ರವಾಯಿತ್ ಉಳ್ಳ ನಿಂಗಕ್ ಒಳ್‍ದ್‍ವ ಕಾಗದ ಇದ್.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.