ರೋಮ್ 1:25 - ಕೊಡವ ಬೈಬಲ್

²⁵ ದೇವಡ ವಿಷಯತ್‍ಲ್ ಸತ್ಯಾಂದ್ ಅಯಿಂಗಕ್ ಗೊತ್ತುಳ್ಳದ್‍ನ ನಂಬತೆ, ಅದ್‍ನ ಪೊಟ್ಟ್‍ೕಂದ್ ದೈರ್ಯವಾಯಿತ್ ನಂಬುವಕ್ ಕುಶಿಪಟ್ಟತ್. ಆನಗುಂಡ್ ಎಕ್ಕಾಲು ತುದಿಪಕ್ ಯೋಗ್ಯವುಳ್ಳ ಸೃಷ್ಟಿ ದೇವನ ತುದಿಕತೆ ಸೃಷ್ಟಿಯಳ ಪೂಜೆ ಮಾಡಿಯಂಡುಂಡ್. ಆಮೆನ್.

ರೋಮ್ 1:25 ပူးပေါင်းရင်းမြစ်များ

ಮತ್ತಾಯ 10:37

ಒಬ್ಬ ತಾಂಡ ಅಪ್ಪನ ಆಚೇಂಗಿಯು, ಅವ್ವಳ ಆಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ. ಪಿಂಞ ತಾಂಡ ಮೋಂವೊನಾಚೇಂಗಿಯು, ಮೋವಳಾಚೇಂಗಿಯು ನಾಕಿಂಜ ದುಂಬ ಪ್ರೀತಿ ಮಾಡ್‍ಚೇಂಗಿ ಅಂವೊ ನಾಡ ಶಿಷ್ಯನಾಯಿತ್‌ಪ್ಪಕ್ ಯೋಗ್ಯನಲ್ಲ.

ಮತ್ತಾಯ 6:24

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಯೋಹಾನ 2:8

ಪಿಂಞ ಯೇಸು ಅಯಿಂಗಳ ನೋಟಿತ್: ಇಕ್ಕ ನಿಂಗ, ಈ ನೀರ್‌ನ ಎಡ್‌ಪಂಜಿ ಗದ್ದಾಳತ್‍ರ ಕಾರ್ಯಕಾರಂಡ ಪಕ್ಕ ಕೊಡೀಂದ್ ಎಣ್ಣ್‌ಚಿ. ಅಯಿಂಗ ಅಂವೊ ಎಣ್ಣ್‌ನನೆಕೆ ಮಾಡ್‍ಚಿ.

ರೋಮ್ 1:18

ಸತ್ಯತ್‍ನ ಅನ್ಯಾತ್‌ಲ್‌ ಪುಡ್‌ಚಿತ್ ಬೆಪ್ಪ ಮನುಷ್ಯಂಡ ಎಲ್ಲಾ ತರ ಬಕ್ತಿಯಿಲ್ಲತ ಕಾರ್ಯಕು ಪಿಂಞ ಅನ್ಯಾಯಕು ವಿರೋದವಾಯಿತ್, ದೇವಡ ಚೆಡಿನ ಪರಲೋಕತ್ಂಜ ದೇವ ಕಾಂಬ್‍ಚಿಟ್ಟಂಡುಂಡ್.

ರೋಮ್ 1:23

ಅಯಿಂಗ ನೇರಾನ, ಪಿಂಞ ಎಕ್ಕಾಲು ಬದ್‍ಕ್‍ವ ಮಹಿಮೇರ ದೇವನ ತುದಿಕತೆ, ಪಾಳಾಪ ಮನುಷ್ಯ, ಪ್ರಾಣಿ ಪಕ್ಷಿಯ ಪಿಂಞ ಜೀವಜಂತುಕಂಗಡ ರೂಪತ್‌ಲ್ ವಿಗ್ರಹತ್‍ನ ಪೂಜೆ ಮಾಡ್‌ವ.

ರೋಮ್ 9:5

ಮುತ್ತಜ್ಜಂಗ ಅಯಿಂಗಕುಳ್ಳಯಿಂಗಳೇ, ತಡೀರ ಪ್ರಕಾರ ಕ್ರಿಸ್ತ ಸಹ ಅಯಿಂಗಡಲ್ಲಿ ಪುಟ್ಟ್‌ಚಿ, ಇಂವೊ ಕಾಲಕಾಲಕು, ಎಲ್ಲಾಂಗು ಕೊಡಿಲ್ ದೇವನಾಯಿತ್ ಕೊಂಡಾಡುವಕ್ ಉಳ್ಳಂವೊನಾಯಿತುಂಡ್, ಆಮೆನ್.

2 ಕೊರಿಂಥ 11:31

ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ದೇವನಾಯಿತು ಅಪ್ಪನಾಯಿತು ಎಕ್ಕಾಲು ತುದಿನ ಪಡ್ಂದಂವೊನಾಯಿತ್ ಉಳ್ಳ ಅಂವೊಂಗ್ ನಾನ್ ಪೊಟ್ಟ್ ಪರ್ಂದಂಡಿಲ್ಲೇಂದ್ ಗೊತ್ತುಂಡ್.

ಎಫೆಸ 3:21

ಸಬೇಲ್ ಕ್ರಿಸ್ತ ಯೇಸುರ ಮೂಲಕ ಎಕ್ಕಲೂ ಪರಂಬರೆ ಪರಂಬರೆಯಾಯಿತ್ ಮಹಿಮೆ ಆಡ್. ಆಮೆನ್.

1 ಥೆಸಲೊನೀಕ 1:9

ಎನ್ನಂಗೆಣ್ಣ್‌ಚೇಂಗಿ, ನಂಗ ನಿಂಗಡ ಪಕ್ಕ ಬಪ್ಪಕ, ನಿಂಗ ನಂಗಳ ಎನ್ನನೆ ಸತ್ಕಾರ ತಂದಿರಾಂದ್ ಅಯಿಂಗಳೇ ನಂಗಕ್ ಎಣ್ಣ್‌ಚಿ. ನಿಂಗ ಎನ್ನನೆ ವಿಗ್ರಹತ್‍ನ ಪೂಜೆ ಮಾಡ್‌ವಾನ ಬುಟ್ಟಿತ್, ಜೀವವುಳ್ಳ ಸತ್ಯವಾನ ದೇವನ ಆರಾದನೆ ಮಾಡ್‌ವಕ್ ತಿರಿತುಳ್ಳಿರಾಂದ್ ಅಯಿಂಗಳೇ ಎಣ್ಣ್‌ಚಿ.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

2 ತಿಮೊಥೆಯ 3:4

ದುಷ್ಟ ಬುದ್ದಿ ಉಳ್ಳಯಿಂಗಳಾಯಿತ್, ಎಂತ ಆಪಾಂದ್ ಗೇನ ಮಾಡತೆ ತಪ್ಪ್ ಮಾಡ್‌ವಕ್ ದೈರ್ಯ ಉಳ್ಳಯಿಂಗಳಾಯಿತ್, ಒಂದು ಇಲ್ಲತ ಇಂಜತೇಂಗಿಯು ಎಲ್ಲಾ ಉಳ್ಳಯಿಂಗಡನೆಕೆ ಪೆರುಮೆ ಕಾಟ್‌ವಯಿಂಗಳಾಯಿತು, ದೇವನ ಕುಶಿಪಡ್‍ತತೆ ಅಯಿಂಗಯಿಂಗಳ ಕುಶಿಪಡ್‍ತ್‍ವಯಿಂಗಳಾಯಿತ್,

1 ಯೋಹಾನ 5:20

ದೇವಡ ಮೋಂವೊ ಬಂತ್ ನೇರಾನ ದೇವ ದಾರ್‍ೕಂದ್ ನಂಗಕ್ ಗೊತ್ತಾಪನೆಕೆ ಅರ್ಥ ಮಾಡಿತಾತ್. ಇಕ್ಕ ನಂಗ ಅಂವೊಂಡ ಮೋಂವೊಂಡ ಕೂಡೆ ಐಕ್ಯತ್‍ಲ್ ಬದ್‍ಕಿಯಂಡುಳ್ಳಗುಂಡ್, ನಂಗೆಲ್ಲಾ ನಿತ್ಯ ಜೀವವಾಯಿತುಳ್ಳ ನೇರಾನ ದೇವಡ ಐಕ್ಯತ್‍ಲ್ ಬದ್‍ಕಿಯಂಡುಂಡ್.