ರೋಮ್ 1:23 - ಕೊಡವ ಬೈಬಲ್

²³ ಅಯಿಂಗ ನೇರಾನ, ಪಿಂಞ ಎಕ್ಕಾಲು ಬದ್‍ಕ್‍ವ ಮಹಿಮೇರ ದೇವನ ತುದಿಕತೆ, ಪಾಳಾಪ ಮನುಷ್ಯ, ಪ್ರಾಣಿ ಪಕ್ಷಿಯ ಪಿಂಞ ಜೀವಜಂತುಕಂಗಡ ರೂಪತ್‌ಲ್ ವಿಗ್ರಹತ್‍ನ ಪೂಜೆ ಮಾಡ್‌ವ.

ರೋಮ್ 1:23 ပူးပေါင်းရင်းမြစ်များ

ಅಪೊಸ್ತಲ 10:12

ಆ ಕಂಬಳಿಲ್ ನಾಲ್ ಕಾಲ್ ಉಳ್ಳ ಎಲ್ಲಾ ತರತ್‍ರ ಪ್ರಾಣಿಯ, ಬೂಮಿರ ಮೇಲೆ ಪರ್‌ಪ ಪ್ರಾಣಿಯ, ಬಾನತ್‍ಲ್ ಪಾರುವ ಪಕ್ಷಿಯಳು ಇಂಜತ್.

ಅಪೊಸ್ತಲ 17:29

ನಂಗ ದೇವಡ ಮಕ್ಕಳಾಯಿತುಳ್ಳಗುಂಡ್, ಒರ್ ಶಿಲ್ಪಿರ ಜ್ಞಾನತ್‍ಲು, ಸಾಮರ್ತ್ಯತ್‍ಲು ಕೆತ್ತ್‌ನ ಪೊನ್ನ್ ಬೊಳ್ಳಿ ಕಲ್ಲ್‌ಲ್ ಮಾಡ್‍ನ ವಿಗ್ರಹತ್‍ರನೆಕೆ ದೇವ ಇಪ್ಪಾಂದ್ ನಂಗ ಗೇನ ಮಾಡ್‌ವಕ್ಕಾಗ.

ರೋಮ್ 1:25

ದೇವಡ ವಿಷಯತ್‍ಲ್ ಸತ್ಯಾಂದ್ ಅಯಿಂಗಕ್ ಗೊತ್ತುಳ್ಳದ್‍ನ ನಂಬತೆ, ಅದ್‍ನ ಪೊಟ್ಟ್‍ೕಂದ್ ದೈರ್ಯವಾಯಿತ್ ನಂಬುವಕ್ ಕುಶಿಪಟ್ಟತ್. ಆನಗುಂಡ್ ಎಕ್ಕಾಲು ತುದಿಪಕ್ ಯೋಗ್ಯವುಳ್ಳ ಸೃಷ್ಟಿ ದೇವನ ತುದಿಕತೆ ಸೃಷ್ಟಿಯಳ ಪೂಜೆ ಮಾಡಿಯಂಡುಂಡ್. ಆಮೆನ್.

1 ಕೊರಿಂಥ 12:2

ನಿಂಗ ಕ್ರಿಸ್ತಂಡ ಪಕ್ಕ ಬಪ್ಪಕ್ ಮಿಂಞ, ತಕ್ಕ್‌ಪರಿವಕ್ ಕಯ್ಯತ ವಿಗ್ರಹಕ್ ನಿಂಗಡ ಮನಸ್ಸ್‌ನ ಕೊಡ್‍ತೀರಾಂದ್ ನಿಂಗಕ್ ಗೊತ್ತುಂಡ್.

1 ಪೇತ್ರ 4:3

ಕಯಿಂಜ ಕಾಲತ್‍ಲ್ ನಂಗ ದೇವನ ಗೊತ್ತ್‌ಲ್ಲತಯಿಂಗ ಎನ್ನನೆ ಬದ್‍ಕಂಡೂಂದ್ ಗೇನಮಾಡ್‍ಚೋ ಅನ್ನನೆ ಬೋಂಡಿಯಚ್ಚಕ್ ಬದ್‍ಕಿರ್‌ತ್. ಅಕ್ಕ ನಂಗ ತಡೀರ ಮೋಹತ್‍ಲ್, ಇಚ್ಛೆಲ್ ನಡ್‌ದಂಡ್, ಕುಡಿಚಂಡ್, ಕೂಟ್‌ಕಳಿ ಮಾಡ್‌ವಯಿಂಗಳಾಯಿತ್, ಕುಡ್‍ಕಂಗಳಾಯಿತ್ ಅಸಹ್ಯವಾನ ವಿಗ್ರಹ ಆರಾದನೆ ಮಾಡಿಯಂಡ್ ಇಂಜತ್.

ಪ್ರಕಟನೆ 9:20

ಇನ್ನನೆಲ್ಲಾ ಆಚೇಂಗಿಯು, ಈ ಹಿಂಸೆರಗುಂಡ್ ಚಾವತೆ ಬಾಕಿ ಇಂಜ ಜನ, ಪೊನ್ನ್, ಬೊಳಿ, ಚೆಂಬ್, ಕಲ್ಲ್, ಮರ ಇನ್ನತಾನಗುಂಡ್ ಮಾಡ್‍ನ ಕಾಂಬಕು, ಕ್‍ೕಪಕು, ನಡ್‌ಪಕು ಕಯ್ಯತ ವಿಗ್ರಹಕ್ ಪೂಜೆ ಮಾಡತನೆಕೆ ಪಿಂಞ ಕೂಳಿಯಂಗಕ್ ಪೂಜೆ ಮಾಡತನೆಕೆ ಅಯಿಂಗಡ ಕ್ರಿಯೇನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್‌ಲ್ಲೆ.