ರೋಮ್ 1:20 - ಕೊಡವ ಬೈಬಲ್

²⁰ ದೇವ, ಈ ಲೋಕತ್‍ನ ಸೃಷ್ಟಿ ಮಾಡ್‍ನ ಕಾಲತ್ಂಜ ಕಣ್ಣ್‌ಕ್ ಕಾಂಬಕ್ ಕಯ್ಯತ, ನಿತ್ಯ ಶಕ್ತಿ ಪಿಂಞ ಅಂವೊಂಡ ಪವಿತ್ರವಾನ ಗುಣತ್‍ನ ಎಲ್ಲಾರು ಕಾಂಬನೆಕೆ ಮಾಡ್‍ಚಿ. ದೇವಡ ಸೃಷ್ಟಿನ ನೋಟ್‍ವಕ ಅದ್ ನಂಗಕ್ ಗೊತ್ತಾಪ. ಆನಗುಂಡ್ ಈಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ವಕ್ ಕಯ್ಯುಲೆ.

ರೋಮ್ 1:20 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 1:1

ಎಲ್ಲಾಕಿಂಜ ಮಿಂಞ ದೇವ ಬಾನತ್‍ನ ಪಿಂಞ ಬೂಮಿನ ಸೃಷ್ಟಿ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 21:33

ಅಬ್ರಹಾಮ ಬೆರ್ಷೆಬತ್‌ಲ್‌ ಒರ್‌ ವಿಶೇಷವಾನ ಮರತ್‌ನ ನೆಟ್ಟಿತ್, ಕಾಲಕಾಲಕು ಇಪ್ಪ ಯೆಹೋವನಾನ ದೇವನ ಆರಾದನೆ ಮಾಡ್‌ಚಿ.

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಮಾರ್ಕ 10:6

ಆಚೇಂಗಿ ಆದಿಲ್ ಮನುಷ್ಯಂಗಳ ಸೃಷ್ಟಿ ಮಾಡ್‍ನಂವೊ ಅಯಿಂಗಳ ಆಣಾಳ್ ಪೊಣ್ಣಾಳಾಯಿತ್ ಸೃಷ್ಟಿ ಮಾಡ್‍ಚಿ.

ಯೋಹಾನ 1:18

ದಾರೂ ದೇವನ ಒರ್‌ಕಾಲು ಕಂಡಿತ್‌ಲ್ಲೆ, ಅಪ್ಪಂಡ ಎದೇಲ್ ಉಳ್ಳ ದೇವಡ ಪ್ರೀತಿರ ಒರೇ ಮೋಂವೊ ಮಾತ್ರ ನಂಗಕ್ ಅಂವೊನ ಗೊತ್ತ್ ಮಾಡಿ ಕೊಡ್‍ತತ್.

ಯೋಹಾನ 15:22

ನಾನ್ ಬಂದಿತ್ ಅಯಿಂಗಡ ಕೂಡೆ ತಕ್ಕ್ ಪರಿಯತೆ ಪೋಯಿತ್ಂಜತೇಂಗಿ, ಅಯಿಂಗಕ್ ಪಾಪ ಇಪ್ಪಕಿಂಜಿಲೆ. ಆಚೇಂಗಿ ಇಕ್ಕ ಅಯಿಂಗಕ್ ಅಯಿಂಗಡ ಪಾಪತ್ಂಜ ತಪ್ಪಿಚಿಡ್‌ವಕ್ ಬಟ್ಟೆ ಇಲ್ಲೆ.

ಅಪೊಸ್ತಲ 17:29

ನಂಗ ದೇವಡ ಮಕ್ಕಳಾಯಿತುಳ್ಳಗುಂಡ್, ಒರ್ ಶಿಲ್ಪಿರ ಜ್ಞಾನತ್‍ಲು, ಸಾಮರ್ತ್ಯತ್‍ಲು ಕೆತ್ತ್‌ನ ಪೊನ್ನ್ ಬೊಳ್ಳಿ ಕಲ್ಲ್‌ಲ್ ಮಾಡ್‍ನ ವಿಗ್ರಹತ್‍ರನೆಕೆ ದೇವ ಇಪ್ಪಾಂದ್ ನಂಗ ಗೇನ ಮಾಡ್‌ವಕ್ಕಾಗ.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ರೋಮ್ 1:19

ದೇವಡ ವಿಷಯತ್‍ನ ಎಲ್ಲಾ ಜನಳು ಸುಲಬವಾಯಿತ್ ಗೊತ್ತಾಪನೆಕೆ ದೇವ ಮಾಡ್‍ಚಿ; ದೇವನೇ ಅಂವೊನ ಅಯಿಂಗಕ್ ಕಾಂಬ್‍ಚಿಟ್ಟಿತುಂಡ್. ಆನಗುಂಡ್ ದೇವ ಅಯಿಂಗಕ್ ಶಿಕ್ಷೆ ಕೊಡ್‍ಪ.

ರೋಮ್ 16:26

ಆಚೇಂಗಿ ಇಕ್ಕ ಪ್ರವಾದಿಯಂಗ ಒಳ್‍ದಿ ಬೆಚ್ಚಿತುಳ್ಳ ಮೂಲಕವು, ನಿತ್ಯವಾನ ದೇವ ಹುಕುಮ್ ಕೊಡ್‍ತನೆಕೆ, ಎಲ್ಲಾ ಯೆಹೂದ್ಯರಲ್ಲತಯಿಂಗಳು ಅಂವೊಂಡ ಮೇಲೆ ನಂಬಿಕೆ ಬೆಚ್ಚಿತ್ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ, ಈ ಸುದ್ದಿ ಯೆಹೂದ್ಯ ಅಲ್ಲತ ಎಲ್ಲಾ ಜನತ್‍ರ ಗುಂಪ್‌ಕು ಗೊತ್ತ್ ಮಾಡ್‍ಚಿ.

ರೋಮ್ 2:1

ಆನಗುಂಡ್, ಬೋರೆಯಿಂಗಳ ತೀರ್ಪ್ ಮಾಡ್‌ವ ನಿಂಗ ದಾರಾಯಿತ್ ಇಂಜತೇಂಗಿಯು, ನಿಂಗ ಮಾಡ್‍ನದ್ ಸರೀಂದ್ ಎಣ್ಣ್‌ವಕ್ ಕಯ್ಯುಲೆ; ನಿಂಗ ಪಾಪಾಂದ್ ತೀರ್ಪ್ ಮಾಡ್‌ವ ವಿಷಯತ್‍ನ ನಿಂಗಳೇ ಮಾಡ್‌ವಗುಂಡ್, ನಿಂಗ ಮಾಡ್‌ವ ತೀರ್‌ಪಿಂಜ, ನಿಂಗಳ ನಿಂಗಳೇ ಪಾಪ ಮಾಡ್‌ನಯಿಂಗಾಂದ್ ತೀರ್ಪ್ ಮಾಡ್‌ವಿರ.

ರೋಮ್ 2:15

ಅಯಿಂಗಡ ಮನಸಾಕ್ಷಿ ಸಹ ಸಾಕ್ಷಿ ಎಣ್ಣ್‌ವಗುಂಡ್, ಇದ್ ತಪ್ಪ್ ಇದ್ ತಪ್ಪ್ ಅಲ್ಲಾಂದ್ ಅಯಿಂಗಡ ಗೇನ ಒಂದಾನ ಒಂದ್ ತೀರ್ಪ್ ಮಾಡ್‌ವಗುಂಡ್ ಪಿಂಞ ನ್ಯಾಯಪ್ರಮಾಣತ್‍ರ ಪ್ರಕಾರ ಮಾಡ್‌ವಕುಳ್ಳ ಕ್ರಿಯೆ ಅಯಿಂಗಡ ಹೃದಯತ್‍ಲ್ ಒಳ್‍ದಿತುಂಡ್‍ೕಂದ್ ಅಯಿಂಗ ಕಾಟಿಯಂಡುಂಡ್.

1 ಕೊರಿಂಥ 1:20

ಜ್ಞಾನಿ ಎಲ್ಲಿ? ನ್ಯಾಯಪ್ರಮಾಣತ್‍ರ ಉಪಾದ್ಯ ಎಲ್ಲಿ? ಶಾಸ್ತ್ರಿ ಎಲ್ಲಿ? ಈ ಲೋಕತ್‍ಲ್ ನಲ್ಲ ತರ್ಕ ಮಾಡ್‌ವಯಿಂಗ ಎಲ್ಲಿ? ಈ ಲೋಕತ್‍ರ ಜ್ಞಾನತ್‍ನ ದೇವ ಪುಚ್ಚಿತನವಾಯಿತ್ ಮಾಡಿತುಂಡಲ್ಲ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

1 ತಿಮೊಥೆಯ 1:17

ನಿತ್ಯವಾಯಿತುಳ್ಳಂವೊನೂ ಚಾವ್ ಇಲ್ಲತಂವೊನು ಕಣ್ಣ್‌ಕ್ ಕಾಂಗತ ರಾಜನಾಯಿತ್, ತಾನ್ ಒಬ್ಬನೇ ಜ್ಞಾನವುಳ್ಳಂವೊನಾಯಿತ್ ಇಪ್ಪ ದೇವಕ್ ಎಕ್ಕಾಲು ಗನ ಪಿಂಞ ಮಹಿಮೆ ಇರಡ್. ಆಮೆನ್.

1 ತಿಮೊಥೆಯ 6:16

ಚಾವೇ ಇಲ್ಲತ ಒಬ್ಬನಾಯಿತು, ದಾರೂ ಪಕ್ಕತ್‍ಲ್ ಪೋಪಕಯ್ಯತ ಬೊಳಿಲ್ ಇಪ್ಪಂವೊನಾಯಿತು, ದಾರೂ ಕಾಂಬಕ್ ಕಯ್ಯತ ಬೊಳಿಲ್ ಬದ್‍ಕ್‍ವಂವೊನಾಯಿತು, ಏದ್ ಮನುಷ್ಯನು ಇಲ್ಲಿಕತ್ತನೆ ಕಾಂಗತ, ಇಂಞು ಮಿಂಞಕು ಕಾಂಬಕ್ ಕಯ್ಯತಂವೊನಾಯಿತ್ತುಳ್ಳ ಅಂವೊಂಗೇ ಗನ, ನಿತ್ಯ ಶಕ್ತಿ ಎಕ್ಕಾಲು ಇರಡ್. ಆಮೆನ್.

ಇಬ್ರಿಯ 11:27

ನಂಬಿಕೇರ ಮೂಲಕ ಅಂವೊ, ಐಗುಪ್ತ ದೇಶತ್‍ನ ಬುಟ್ಟಿತ್ ಅಲ್ಲಿಯತ್‍ರ ರಾಜಂಡ ಚೆಡಿಕ್ ಬೊತ್ತತೆ ಪೊರಟಿತ್ ಪೋಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೂ ಕಾಂಬಕಯ್ಯತ ದೇವನ ಅಂವೊ ನೋಟ್‌ನನೆಕೆ ತಾಳ್ಮೆಲ್ ಮಿಂಞಕ್ ಪೋಚಿ.

ಇಬ್ರಿಯ 9:14

ಅನ್ನನೆ ಆಚೇಂಗಿ, ನಿತ್ಯ ಆತ್ಮತ್‍ರಗುಂಡ್, ಅಂವೊನ ಅಂವೊನಾಯಿತೇ ಒರ್ ಕುತ್ತವು ಇಲ್ಲತ ಬಲಿಯಾಯಿತ್ ದೇವಕ್ ಅರ್ಪಿಚಿಟ್ಟ ಕ್ರಿಸ್ತಂಡ ಚೋರೆ, ಜೀವವಾಯಿತುಳ್ಳ ದೇವಕ್ ಸೇವೆ ಮಾಡ್‌ವಕ್ ನಿಂಗಡ ಮನಸಾಕ್ಷಿನ ಪಾಪತ್‍ರ ಕ್ರಿಯೇಯಿಂಜ ಶುದ್ದ ಮಾಡ್‍ವದ್ ಎಚ್ಚಕ್ ನಿಶ್ಚಯವಾಯಿತುಂಡ್.