ರೋಮ್ 1:18 - ಕೊಡವ ಬೈಬಲ್

¹⁸ ಸತ್ಯತ್‍ನ ಅನ್ಯಾತ್‌ಲ್‌ ಪುಡ್‌ಚಿತ್ ಬೆಪ್ಪ ಮನುಷ್ಯಂಡ ಎಲ್ಲಾ ತರ ಬಕ್ತಿಯಿಲ್ಲತ ಕಾರ್ಯಕು ಪಿಂಞ ಅನ್ಯಾಯಕು ವಿರೋದವಾಯಿತ್, ದೇವಡ ಚೆಡಿನ ಪರಲೋಕತ್ಂಜ ದೇವ ಕಾಂಬ್‍ಚಿಟ್ಟಂಡುಂಡ್.

ರೋಮ್ 1:18 ပူးပေါင်းရင်းမြစ်များ

ರೋಮ್ 1:19

ದೇವಡ ವಿಷಯತ್‍ನ ಎಲ್ಲಾ ಜನಳು ಸುಲಬವಾಯಿತ್ ಗೊತ್ತಾಪನೆಕೆ ದೇವ ಮಾಡ್‍ಚಿ; ದೇವನೇ ಅಂವೊನ ಅಯಿಂಗಕ್ ಕಾಂಬ್‍ಚಿಟ್ಟಿತುಂಡ್. ಆನಗುಂಡ್ ದೇವ ಅಯಿಂಗಕ್ ಶಿಕ್ಷೆ ಕೊಡ್‍ಪ.

ರೋಮ್ 1:28

ಅಯಿಂಗಕ್ ದೇವನ ಗೊತ್ತ್ ಮಾಡ್‌ವ ಬುದ್ದಿನ ಗೇನಮಾಡ್‌ವಕ್ ಕುಶಿಯಿಲ್ಲತಗುಂಡ್, ಮಾಡ್‌ವಕ್ಕಾಗತ ಕೆಟ್ಟ ಕೆಲಸತ್‍ನ ಮಾಡ್‌ವಕುಳ್ಳ ಗೇನಕ್ ದೇವ ಅಯಿಂಗಳ ಒಪ್ಪ್‌ಚಿಟ್ಟ್‌ರ್‌ತ್.

ರೋಮ್ 1:32

ಇನ್ನನೆ ಮಾಡ್‌ವಯಿಂಗ ಮರಣಕ್ ಯೋಗ್ಯವಾನಯಿಂಗಾಂದ್ ದೇವಡ ನ್ಯಾಯತೀರ್ಪ್ ಅಯಿಂಗಕ್ ಗೊತ್ತುಂಡೇಂಗಿಯು, ಅಯಿಂಗ ಅದ್‍ನ ಮಾಡ್‍ವದಲ್ಲತೆ, ಇನ್ನನೆ ಕೆಟ್ಟ ಕೆಲಸ ಮಾಡ್‌ವಯಿಂಗಳ ಇಂಞು ಮಾಡ್‌ವಕ್ ಒತ್ತಾಸೆ ಕೊಡ್‍ಪಯಿಂಗಳಾಯಿತುಂಡ್.

ರೋಮ್ 2:3

ಅನ್ನನೆ ಪಾಪ ಮಾಡ್‌ವಯಿಂಗಳ ತೀರ್ಪ್ ಮಾಡ್‌ವ ಮನುಷ್ಯಂಗಳೇ, ಆ ಪಾಪತ್‍ನ ನಿಂಗಳೇ ಮಾಡ್‍ಚೇಂಗಿ, ದೇವಡ ನ್ಯಾಯ ತೀರ್ಪ್‌ಯಿಂಜ ನಿಂಗ ಬಚಾವ್ ಆಪಿರಾಂದ್ ಗೇನ ಮಾಡ್‌ವಿರ?

ರೋಮ್ 3:9

ಅನ್ನನಾಚೇಂಗಿ ಎಂತ? ನಂಗ ಅಯಿಂಗಕಿಂಜ ವಿಷೇಶವಾನಯಿಂಗಳ? ಅನ್ನನೆ ಒಂದು ಇಲ್ಲೆ! ಯೆಹೂದ್ಯಂಗಳಾಚೇಂಗಿಯು ಸರಿ, ಯೆಹೂದ್ಯಂಗಲ್ಲತಯಿಂಗಳಾಚೇಂಗಿಯು ಸರಿ, ಎಲ್ಲಾರು ಪಾಪತ್‍ರ ಶಕ್ತಿರ ಅಡಿಕ್ ಒಳಪಟ್ಟಿತುಂಡ್‍ೕಂದ್ ನಾನ್ ಮಿಂಞಲೇ ದೃಡ ಪಡ್‍ತ್‍ನ.

ರೋಮ್ 4:15

ನ್ಯಾಯಪ್ರಮಾಣ ದೇವಡ ಬಲ್ಯ ಚೆಡಿನ ಕೊಂಡ್ ಬಪ್ಪ, ನ್ಯಾಯಪ್ರಮಾಣ ಇಲ್ಲೇಂಗಿ ಅಪರಾದವು ಇಲ್ಲೆ.

ರೋಮ್ 5:6

ನಂಗ ಶಕ್ತಿ ಇಲ್ಲತಯಿಂಗಳಾಯಿತಿಪ್ಪಕಲೇ, ನೇಮಿಚಿಟ್ಟ ಕಾಲತ್‍ಲ್, ಕ್ರಿಸ್ತ ಅಕ್ರಮಕಾರಂಗಕಾಯಿತ್ ಚತ್ತತ್.

ರೋಮ್ 5:9

ಇಕ್ಕ ಅಂವೊಂಡ ಚೋರೆರಗುಂಡ್ ನೀತಿವಂತಂಗಳಾನ ನಂಗ, ಅಂವೊಂಡ ಚೆಡಿಯಿಂಜ ನಂಗ ತಪ್ಪ್‌ಚಿಡ್‌ವದ್ ಇಂಞು ಎಚ್ಚಕ್ ಕಂಡಿತ.

ರೋಮ್ 6:13

ನಿಂಗ ನಿಂಗಡ ತಡೀರ ಬಾಗತ್‍ನ ಅನೀತಿರ ಆಯುದವಾಯಿತ್ ಪಾಪಕ್ ಒಪ್ಪ್‌ಚಿಡತೆ, ನಿಂಗಳ ಚತ್ತಯಿಂಗಡ ಮದ್ಯತ್ಂಜ ಜೀವತ್‍ಲ್ ಬಂದಯಿಂಗಡನೆಕೆ, ದೇವಕ್ ಒಪ್ಪ್‌ಚಿಟ್ಟಿತ್ ನಿಂಗಡ ತಡೀರ ಬಾಗತ್‍ನ ನೀತಿರ ಆಯುದವಾಯಿತ್ ದೇವಕ್ ಅರ್ಪಣೆ ಮಾಡಿ.

ಎಫೆಸ 5:6

ದಾರೂ ನಿಂಗಳ ಪ್ರಯೋಜನ ಇಲ್ಲತ ತಕ್ಕ್‌ರ ಮೂಲಕ ವಂಚನೆ ಮಾಡ್‌ವಕ್ ಬುಡತಿ. ಇಂತ ಪಾಪಕಾಯಿತೇ ದೇವಡ ಬಲ್ಯ ಚೆಡಿ, ಅಂವೊಂಗ್ ತಗ್ಗಿತ್ ನಡ್‌ಕತಯಿಂಗಡ ಮೇಲೆ ಬಪ್ಪ.

ಕೊಲೊಸ್ಸೆ 3:6

ಇದ್‍ನೆಲ್ಲಾ ಮಾಡ್‌ವಯಿಂಗಡ ಮೇಲೆ ದೇವಡ ಬಲ್ಯ ಚೆಡಿ ಬಪ್ಪ.

2 ಥೆಸಲೊನೀಕ 2:10

ಅಂವೊ ಇನ್ನನೆಯೆಲ್ಲಾ ಮೋಸ ಮಾಡಿತ್, ದುಂಬ ಜನಳ ವಂಚನೆ ಮಾಡ್‌ವ. ಈ ಜನ ನೇರಾಯಿತ್ ಪಾಳಾಯಿ ನರಕಕ್ ಪೋಪಕಾಯಿತ್ ಉಳ್ಳಯಿಂಗ, ಎನ್ನಂಗಾಯಿತ್ ಅಯಿಂಗ ಪಾಳಾಪ ಎಣ್ಣ್‌ಚೇಂಗಿ, ಈ ಜನ ಅಯಿಂಗಕ್ ರಕ್ಷಣೆ ತಪ್ಪ ಸತ್ಯತ್‍ನ ಸ್ವೀಕಾರ ಮಾಡತೆ ಪ್ರೀತಿ ಮಾಡತೆ ಪೋಚಿ.

2 ಥೆಸಲೊನೀಕ 2:6

ಆಚೇಂಗಿಯು, ಅಂವೊ ಪೊರಮೆ ಬಪ್ಪಕ್ ಕಯ್ಯತನೆಕೆ, ಇಕ್ಕ ಅಂವೊನ ತಡೆ ಮಾಡ್‍ವದ್ ಎಂತದ್‍ೕಂದ್ ನಿಂಗಕ್ ಗೊತ್ತುಂಡಲ್ಲ. ಆಚೇಂಗಿ, ಅಂವೊ ಕಂಡಿತವಾಯಿತ್ ತಕ್ಕ ಸಮಯತ್‍ಲ್ ಪೊರಮೆ ಬಪ್ಪ.