ರೋಮ್ 1:17 - ಕೊಡವ ಬೈಬಲ್

¹⁷ ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳನೆಕೆ, ನಂಬಿಕೇರ ಮೂಲಕ ಕ್‍ಟ್ಟುವ ದೇವಡ ನೀತಿ, ನಂಬಿಕೆಕಾಯಿತ್, ದೇವಡ ನಲ್ಲ ಸುದ್ದಿರ ಮೂಲಕ ಕಾಂಬನೆಕೆ ಆಚಿ.

ರೋಮ್ 1:17 ပူးပေါင်းရင်းမြစ်များ

ಯೋಹಾನ 3:36

ದೇವಡ ಮೋಂವೊನ ನಂಬುವಯಿಂಗಕ್ ನಿತ್ಯ ಜೀವ ಉಂಡ್; ಅಂವೊನ ನಂಬತಯಿಂಗಕ್ ನಿತ್ಯ ಜೀವ ಕ್‍ಟ್ಟುಲೆ. ಅದ್ಂಡ ಬದ್‍ಲ್, ದೇವಡ ನ್ಯಾಯತೀರ್ಪ್ ಪಿಂಞ ಬಲ್ಯ ಚೆಡಿ ಅಯಿಂಗಡ ಮೇಲೆ ಎಕ್ಕಾಲು ಇಪ್ಪಾಂದ್ ಎಣ್ಣ್‌ಚಿ.

ರೋಮ್ 10:3

ಅಯಿಂಗ ದೇವಡಗುಂಡ್ ಕ್‍ಟ್ಟ್‌ವ ನೀತಿನ ತ್‍ೕಡತೆ, ಅಯಿಂಗಡ ಕ್ರಿಯೇರಗುಂಡ್ ಬಪ್ಪ ನೀತಿನ ಸ್ತಾಪನೆ ಮಾಡ್‌ವಕ್ ಪ್ರಯತ್ನ ಪಟ್ಟಂಡುಳ್ಳಾಂಗ್, ಅಯಿಂಗ ಅಯಿಂಗಳ ದೇವಡ ನೀತಿಕ್ ತಗ್ಗಿತ್ ಕೊಡ್‍ತಂಡಿಲ್ಲೆ.

ರೋಮ್ 3:21

ಇನ್ನನೆ ಇಪ್ಪಕ, ನ್ಯಾಯಪ್ರಮಾಣ ಇಲ್ಲತೆ, ದೇವಡ ನೀತಿನ ಎಲ್ಲಾರು ಕಾಂಬನೆಕೆ ಮಾಡಿರ್‌ತ್; ಅದ್ಂಡ ವಿಷಯತ್ ನ್ಯಾಯಪ್ರಮಾಣವು, ಪ್ರವಾದಿಯಂಗಳು ಸಾಕ್ಷಿ ಕೊಡ್‍ತಂಡುಂಡ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

ರೋಮ್ 3:3

ಅಯಿಂಗಡಲ್ಲಿ ಚೆನ್ನ ಜನ ನಂಬತೆ ಪೋಚೇಂಗಿಯು ಎಂತ? ಅಯಿಂಗಡ ಅಪನಂಬಿಕೆ ದೇವಡ ನಂಬಿಕಸ್ತನಾಯಿತ್‌ಪ್ಪ ಗುಣತ್‍ನ ಪಾಳ್ ಮಾಡ್‌ವಕ್ ಕಯ್ಯುವ?

ರೋಮ್ 9:30

ಆನಗುಂಡ್ ನಂಗ ಎಂತ ಎಣ್ಣುವಕ್ ಕಯ್ಯು? ನೀತಿನ ತ್‍ೕಡತ ಯೆಹೂದ್ಯಂಗಲ್ಲತ ಜನಕ್ ನೀತಿ ಕ್‍ಟ್ಟ್‌ಚಿ, ಅದ್ ನಂಬಿಕೇರ ಮೂಲಕ, ಕ್‍ಟ್ಟುವ ನೀತಿಯೇ.

2 ಕೊರಿಂಥ 3:9

ಕಂಡನೆ ಮಾಡ್‌ವ ಸೇವೆ ಮಹಿಮೆ ತಪ್ಪದಾಯಿತ್ಂಜತೇಂಗಿ, ನೀತಿನ ತಪ್ಪ ಸೇವೆ ಇಂಞು ದುಂಬ ಮಹಿಮೆ ತಪ್ಪದಾಯಿತ್‌ಪ್ಪ ಅಲ್ಲ.

2 ಕೊರಿಂಥ 5:21

ಎನ್ನಂಗೆಣ್ಣ್‌ಚೇಂಗಿ, ನಂಗ ಅಂವೊಂಡಲ್ಲಿ ದೇವಡ ನೀತಿನ ಪಡೆಯುವಕಾಯಿತ್, ಪಾಪ ಗೊತ್ತಿಲ್ಲತ ಅಂವೊನ ನಂಗಡ ಪಾಪತ್‍ರ ಬಲಿಯಾಯಿತ್ ಮಾಡ್‍ಚಿ.

ಗಲಾತ್ಯ 3:11

ಅನ್ನನೆ ಆಚೇಂಗಿ, ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನನೆಕೆ ಮಾಡ್‌ವಕ್ ಎಚ್ಚಕ್ ಪ್ರಯತ್ನ ಪಟ್ಟತೇಂಗಿಯು, ದೇವಡ ಪಕ್ಕ ಒಬ್ಬನು ಸಮಾದಾನ ಆಪಕ್ ಕಯ್ಯುಲೇಂದ್ ಉಳ್ಳದ್ ಚಾಯಿತೆ ಗೊತ್ತಾಯಂಡುಂಡ್. ದೇವಡ ವಾಕ್ಯತ್‍ಲ್ ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‌ಕ್‌ವಾಂದ್ ಎಣ್ಣಿತುಂಡ್.

ಫಿಲಿಪ್ಪಿ 3:9

ಕ್ರಿಸ್ತನ ನಾಕ್ ಸ್ವಂತವಾಯಿತ್ ಮಾಡ್‌ವಕ್, ನ್ಯಾಯಪ್ರಮಾಣತ್‍ರ ಪ್ರಕಾರ ನಾಕ್ ಕ್‍ಟ್ಟುವ ನೀತಿನ ಎಡ್‍ಕತೆ, ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ದೇವ ನಾಕ್ ತಪ್ಪ ನೀತಿನ ಎಡ್‍ತೊವಿ.

ಇಬ್ರಿಯ 10:38

ನಂಬಿಕೇರ ಮೂಲಕ ನೀತಿವಂತಯಿಂಗ ಬದ್‍ಕ್‍ವ, ಅದ್‍ನ ಅಂವೊ ಬುಟ್ಟಿತ್ ಪೋಚೇಂಗಿ, ನಾನ್ ಅಂವೊಂಡ ಮೇಲೆ ಕುಶಿಪಡುಲೇಂದ್ ದೇವ ಎಣ್ಣ್‌ಚಿ.