ರೋಮ್ 1:16 - ಕೊಡವ ಬೈಬಲ್

¹⁶ ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 1:16 ပူးပေါင်းရင်းမြစ်များ

ಮಾರ್ಕ 8:38

ಪಾಪ ಪಿಂಞ ವ್ಯಬಿಚಾರ ದುಂಬ್‍ನ ಈ ಲೋಕತ್‍ಲ್, ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಸಹ ತಾಂಡ ಅಪ್ಪಂಡ ಮಹಿಮೆಲ್ ತಾಂಡ ಪವಿತ್ರ ದೂತಂಗಡ ಕೂಡೆ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‍ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:26

ದಾರ್ ನಾಕಾಯಿತ್ ನಾಡ ಬೋದನೆಕಾಯಿತ್ ಞಾಣ ಪಡ್‍ವ, ಮನುಷ್ಯಕುಮಾರನು ಅಂವೊಂಡ ಮಹಿಮೆಲ್, ಅಂವೊಂಡ ಅಪ್ಪಂಡ ಕೀರ್ತಿಲ್ ಪಿಂಞ ಅಂವೊಂಡ ಪವಿತ್ರ ದೂತಂಗಡ ಕೀರ್ತಿಲ್ ಬಪ್ಪಕ ಇನ್ನತಂವೊಂಡ ವಿಷಯತ್ ಞಾಣ ಪಡ್‌ಪಾಂದ್ ಎಣ್ಣ್‌ಚಿ.

ಯೋಹಾನ 7:35

ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ?

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ರೋಮ್ 10:17

ಆನಗುಂಡ್ ನಂಬಿಕೆ, ದೇವಡ ವಾಕ್ಯತ್‍ನ ಕ್‍ೕಪಗುಂಡ್ ಬಪ್ಪ, ಅಯಿಂಗ ಕ್‍ೕಪದ್, ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಗುಂಡ್ ಬಪ್ಪ.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

ರೋಮ್ 2:9

ಕೆಟ್ಟ ಕೆಲಸ ಮಾಡ್‌ವ ಓರೋರ್ ಮನುಷ್ಯಂಡ ಆತ್ಮಕು ನೊಂಬಲ ಪಿಂಞ ಕಷ್ಟ ಬಪ್ಪ, ಅದ್ ಮಿಂಞ ಯೆಹೂದ್ಯಂಗಕು ಬಯ್ಯ ಯೆಹೂದ್ಯ ಅಲ್ಲತಯಿಂಗಕು ಉಂಟಾಪ.

ರೋಮ್ 4:11

ಅದಲ್ಲತೆ, ಅಂವೊಂಗ್ ಸುನ್ನತಿ ಆಪಕ್ ಮಿಂಞ, ನಂಬಿಕೇರ ಮೂಲಕ ಅಂವೊಂಗ್ ಕ್‍ಟ್ಟ್‌ನ ನೀತಿಕ್ ಮುದ್ರೆಯಾಯಿತ್ ಸುನ್ನತಿ ಎಣ್ಣುವ ಗುರ್‍ತ್‍ನ ಅಂವೊಂಗ್ ಕೊಡ್‍ತತ್. ಆನಗುಂಡ್, ಸುನ್ನತಿ ಮಾಡತಯಿಂಗಳಾಯಿತ್ ನಂಬುವ ಎಲ್ಲಾರ್‌ಕು, ನೀತಿರ ಲೆಕ್ಕ ಕ್‍ಟ್ಟಿತ್ ಅಯಿಂಗಕ್ ಸಹ ಅಂವೊ ಅಪ್ಪನಾಯಿತ್ ಇಪ್ಪನೆಕೆ ಆಚಿ.

1 ಕೊರಿಂಥ 15:2

ಈ ಬೋದನೆರನೆಕೆ ಮಾಡ್‍ಚೇಂಗಿ ದೇವ ನಿಂಗಳ ನಿಂಗಡ ಪಾಪತ್ಂಜ ಕಾಪಾಡ್‌ವ; ಇಲ್ಲತಪೋಚೇಂಗಿ ಕ್ರಿಸ್ತಂಡ ಮೇಲೆ ನಿಂಗಕ್ ಉಳ್ಳ ನಂಬಿಕೆ ಪ್ರಯೋಜನ ಇಲ್ಲತ ಆಯಿಪೋಪ.

1 ಕೊರಿಂಥ 2:2

ಎನ್ನಂಗೆಣ್ಣ್‌ಚೇಂಗಿ, ನಾನ್ ನಿಂಗಡ ಕೂಡೆ ಇಪ್ಪಕ ಯೇಸು ಕ್ರಿಸ್ತನ ಪಿಂಞ ಅಂವೊ ಶಿಲುಬೇಲ್ ಚತ್ತದ್‍ನ ಬುಟ್ಟಿತ್ ಬೋರೆ ಒಂದು ನಿಂಗಕ್ ಗೊತ್ತಾಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡಿಯೆ.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,

1 ಕೊರಿಂಥ 9:12

ಬೋರೆ ಜನಕ್ ನಿಂಗಡ ಮೇಲೆ ಇಚ್ಚಕ್ ಹಕ್ಕ್ ಉಂಡೇಂಗಿ, ನಂಗಕ್ ಇಂಞು ಎಚ್ಚಕ್ ಹಕ್ಕ್ ಉಂಡ್! ಆಚೇಂಗಿಯು, ಕ್ರಿಸ್ತಂಡ ನಲ್ಲ ಸುದ್ದಿ ಎಣ್ಣುವಕ್ ಏದ್ ತಡೆಯು ಬರತನೆಕೆ, ನಂಗಕ್ ಉಳ್ಳ ಅದಿಕಾರತ್‍ನ ಉಪಯೋಗಿಚಿಡತೆ, ಎಲ್ಲಾ ಕಷ್ಟತ್‍ನ ನಂಗ ಸಹಿಸಿಯಂಡುಂಡ್.

1 ಕೊರಿಂಥ 9:18

ನಾನ್ ಈ ಸೇವೇನ ಮಾಡಿಯಂಡ್ ಉಳ್ಳಾಂಗ್, ನಾಕ್ ಎಂತ ಫಲ? ನಾನ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ, ದಾರ್‌ಕು ಕಷ್ಟ ಕೊಡ್‍ಕತೆ ಮಾಡ್‌ವದೇ ನಾಕ್ ದುಂಬ ಕುಶಿ. ಆನಗುಂಡ್, ನಾಕ್ ಉಳ್ಳ ಅದಿಕಾರತ್‍ನ ನಾನ್ ಉಪಯೋಗಿಚಿಡತೆ, ಕ್ರಿಸ್ತಂಡ ಸುದ್ದಿನ ಪುಕ್ಕಟೆಯಾಯಿತ್ ಎಣ್ಣ್‌ವದೇ ನಾಡ ಲಾಬ.

2 ಕೊರಿಂಥ 2:12

ಪಿಂಞ, ಯೇಸು ಕ್ರಿಸ್ತಂಡ ನಲ್ಲ ಸುದ್ದಿನ ಬೋದನೆ ಮಾಡ್‌ವಕಾಯಿತ್ ನಾನ್ ತ್ರೋವ ಪಟ್ಟಣಕ್ ಬಪ್ಪಕ, ಒಡೆಯನಗುಂಡ್ ನಾಕ್ ಪಡಿ ತೊರ್ಂದ್‍ತ್ಂಜತ್.

2 ಕೊರಿಂಥ 4:4

ದೇವಡ ರೂಪವಾಯಿತುಳ್ಳ ಕ್ರಿಸ್ತಂಡ ಮಹಿಮೇರ ನಲ್ಲ ಸುದ್ದಿರ ಬೊಳಿ, ಕ್ರಿಸ್ತನ ನಂಬತಯಿಂಗಕ್ ಬೊಳಿಯಾಯಿತ್ ಇಲ್ಲತಿಪ್ಪನೆಕೆ, ಈ ಲೋಕತ್‍ರ ದೇವನಾಯಿತಳ್ಳ ಸೈತಾನ ಅಯಿಂಗಡ ಮನಸ್ಸ್‌ನ ಕುರ್‌ಡ್ ಮಾಡ್‍ಚಿ.

2 ಕೊರಿಂಥ 9:13

ಅಯಿಂಗ ಈ ಪಣದಾನತ್‍ರ ಸಹಾಯತ್‍ನ ಅನುಬವಿಚಿಟ್ಟಿತ್, ನಿಂಗ ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗಿತ್ ಅರಿಕೆ ಮಾಡ್‍ನಗುಂಡ್, ಅಯಿಂಗಕು ಬೋರೆ ಎಲ್ಲಾರ್‌ಕು ನಿಂಗ ದಾರಾಳವಾಯಿತ್ ದಾನ ಮಾಡ್‍ನಂಗಾಯಿತ್ ದೇವನ ತುದಿಪ.

ಗಲಾತ್ಯ 1:7

ಆಚೇಂಗಿ ಇದ್‍ನ ಬುಟ್ಟಿತ್ ಬೋರೆ ನಲ್ಲ ಸುದ್ದಿ ಏದ್ ಉಂಡ್? ಚೆನ್ನ ಜನ, ನಿಂಗಡ ಮನಸ್ಸ್‌ನ ಕಲ್‍ಕಿತ್ ಕ್ರಿಸ್ತಂಡ ನಲ್ಲ ಸುದ್ದಿನ ತಿರ್‌ಕ್‍ವಕ್ ಪ್ರಯತ್ನ ಪಟ್ಟಂಡುಳ್ಳದಲ್ಲತೆ ಬೋರೆ ಒಂದು ಮಾಡಿಯಂಡಿಲ್ಲೆ.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ತಿಮೊಥೆಯ 1:11

ಆಶೀರ್ವಾದತ್‍ರ ದೇವಡ ಮಹಿಮೆಯಾನ ನಲ್ಲ ಸುದ್ದಿರನೆಕೆ ನಾಕ್ ತಂದ ನಲ್ಲ ಬೋದನೆಕ್ ವಿರೋದವಾಯಿತ್ ಮಾಡ್‌ವಯಿಂಗಕೇ ಅದ್‍ನ ಕೊಡ್‍ತತ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 1:16

ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

2 ತಿಮೊಥೆಯ 1:8

ಆನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್ ಸಾಕ್ಷಿ ಪರಿಯುವಕ್ ಪಿಂಞ ಅಂವೊನಗುಂಡ್ ಕೈದಿಯಾಯಿತುಳ್ಳ ನಾಡ ವಿಷಯತ್ ಞಾಣ ಪಡತೆ. ಅದ್ಂಗ್ ಬದ್‍ಲ್ ದೇವ ಕೊಡ್‍ಪ ಶಕ್ತಿಯಿಂಜ ದೇವಡ ನಲ್ಲ ಸುದ್ದಿಕಾಯಿತ್ ನಾಡ ಕೂಡೆ ಕಷ್ಟಪಡ್‌ವಕ್ ತಯಾರಾಯಿತಿರ್.

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

1 ಪೇತ್ರ 4:16

ಆಚೇಂಗಿ, ಒಬ್ಬ ಕ್ರಿಸ್ತಂಡಂವೊನಾಯಿತ್ ಕಷ್ಟಪಟ್ಟತೇಂಗಿ, ಅಂವೊ ಞಾಣ ಪಡುವಕ್ಕಾಗ, ಅಂವೊಂಡ ಪೆದ ತಾಂಡ ಮೇಲೆ ಉಳ್ಳಾಂಗ್, ಅದ್ಂಗಾಯಿತ್ ಅಂವೊ ದೇವನ ಮಹಿಮೆಪಡ್‍ತಂಡು.