ರೋಮ್ 1:14 - ಕೊಡವ ಬೈಬಲ್

¹⁴ ಗ್ರೀಕ್ ಜನಕು, ಬೋರೆ ಜನಕು, ಜ್ಞಾನಿಯಂಗಕು, ಅಜ್ಞಾನಿಯಂಗಕು ಪ್ರಸಂಗ ಮಾಡ್‌ವಕ್ ನಾನ್ ಜವಾಬ್ದಾರನಾಯಿತುಳ್ಳ.

ರೋಮ್ 1:14 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:22

ಸಾದು ಜನಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಮೂಡತನತ್‌ಲ್‌ ಕುಶಿಪಡುವಿರಾ? ಪರಿಹಾಸ ಮಾಡ್‌ವಯಿಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಪರಿಹಾಸ ಮಾಡ್‌ವದ್‌ಲ್‌ ಕುಶಿಪಡುವಿರಾ? ಮೂಡಂಗಳೇ, ಇಂಞು ಎಚ್ಚಕ್‌ ಕಾಲ ನಿಂಗ ಅರಿವ್‌ನ ದ್ವೇಷ ಮಾಡುವಿರ?

ಜ್ಞಾನತ್‌ರ ಪಡಿಮ 8:5

ಸಾದು ಜನಳೇ, ವಿವೇಕತ್‌ನ ಪಡ್‌ಚೊಳಿ. ಮೂಡಂಗಳೇ, ಅರ್ಥಮಾಡುವಕ್‌ ಪ್ಯತ್ತಮಾಡಿ.

ಮತ್ತಾಯ 11:25

ಆ ಸಮಯತ್‍ಲ್ ಯೇಸು: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕು ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:21

ಆ ಸಮಯತ್‍ಲ್ ದೇವಡ ಪವಿತ್ರಾತ್ಮನಗುಂಡ್ ಯೇಸು ಕುಶಿಪಟ್ಟಿತ್: ಪರಲೋಕಕು ಬೂಲೋಕಕು ಒಡೆಯನಾನ ನಾಡ ಅಪ್ಪನೇ, ನೀನ್, ಈ ಸತ್ಯವಾನ ವಿಷಯತ್‍ನ ಜ್ಞಾನಿಯಂಗಕು ಪಡಿಚಯಿಂಗಕೂ ಮರೆ ಮಾಡಿತ್, ಪಡಿಕತ ಸಾದಾರಣ ಜನಕ್ ಎಣ್ಣಿ ಕೊಡ್‌ತಿತ್ತುಳ್ಳಗುಂಡ್ ನೀಕ್ ವಂದನೆ ಮಾಡ್‌ವಿ. ಅಕ್ಕು ದೇವಾ! ಇನ್ನನೆ ಮಾಡ್‌ವಕ್ ನೀಕ್ ಕುಶಿಯಾಚಿ.

ಅಪೊಸ್ತಲ 22:21

ಅದ್ಂಗ್ ಅಂವೊ: ನೀನ್ ಪೋ, ನಾನ್ ನಿನ್ನ ದೂರ, ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 28:2

ಆ ದ್ವೀಪತ್‍ರ ಜನಾಂಗ, ನಂಗಕ್ ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು ನಂಗಕ್ ದುಂಬ ಕನಿಕರ ಕಾಟ್‍ಚಿ. ಆ ಸಮಯತ್‍ಲ್ ಮಳೆಯು ಕುಳ್‍ರು ದುಂಬ ಇಂಜಗುಂಡ್, ತಿತ್ತ್ ಇಟ್ಟಿತ್ ನಂಗಳ ಕೂಟಿಯಂಡತ್.

ಅಪೊಸ್ತಲ 28:4

ಆ ಪಾಂಬ್ ಪೌಲಂಡ ಕೈಯಿಲ್ ತೂಂಗಿಯಂಡ್ ಇಪ್ಪದ್‍ನ ಆ ದ್ವೀಪತ್‍ರ ಜನ ಕಾಂಬಕ, ಈ ಮನುಷ್ಯ ಒರ್ ಕೊಲೆಗಾರನಾಯಿತ್ ಇಕ್ಕೂಂದ್ ಕಾಂಬ; ಸಮುದ್ರತ್‍ಂಜ ತಪ್ಪಿಚಿಟ್ಟಂಡ್ ಬಂದತೇಂಗಿಯು, ನ್ಯಾಯ ಇಂವೊನ ಬದ್‍ಕ್‍ವಕ್ ಬುಡ್‍ಲೇಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 9:15

ಆಚೇಂಗಿ ಒಡೆಯ ಅಂವೊಂಗ್: ನೀನ್ ಪೋ; ಎನ್ನಂಗೆಣ್ಣ್‌ಚೇಂಗಿ ಆ ಮನುಷ್ಯನ ಯೆಹೂದ್ಯರಲ್ಲತ ಜನಕು ರಾಜಂಗಕೂ ಪಿಂಞ ಇಸ್ರಾಯೇಲ್ ಜನಾಂಗಕು ನಾಡ ಪೆದತ್‍ನ ಅರಿಚಿಡ್‍ವಕಾಯಿತ್ ನಾನ್ ಆಯ್ಕೆ ಮಾಡ್‍ನ ಪಾತ್ರವಾಯಿತುಂಡ್.

ರೋಮ್ 1:22

ಅಯಿಂಗಳ ಅಯಿಂಗಳೇ ಬುದ್ದಿವಂತಯಿಂಗಾಂದ್ ಎಣ್ಣಿಯಂಡ್ ಇಂಜತೇಂಗಿಯು, ಅಯಿಂಗ ಮುಠಾಳಂಗ ಆಚಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:16

ಎಲ್ಲಾಡ ಕೂಡೆ ಒರೇ ಮನಸ್ಸುಳ್ಳಯಿಂಗಳಾಯಿತಿರಿ; ಜಂಬ ಮಾಡತೆ, ಕಮ್ಮಿಯಾಯಿತ್ ಉಳ್ಳಯಿಂಗಡ ಕೂಟ್‍ಕ್ ಕೂಡಿ. ನಿಂಗಳ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನ ಮಾಡತಿ.

ರೋಮ್ 13:8

ಒಬ್ಬಂಡ ಕೂಡೆ ಒಬ್ಬ ಪ್ರೀತಿ ಮಾಡ್‌ವ ಸಾಲತ್‍ನ ಅಲ್ಲತೆ, ಬೋರೆ ಏದ್ ವಿಷಯತ್‍ಲು ಸಾಲ ಇಪ್ಪಕ್ಕಾಗ; ಬೋರೆಯಿಂಗಳ ಪ್ರೀತಿ ಮಾಡ್‌ವಂವೊ ನ್ಯಾಯಪ್ರಮಾಣತ್‍ನ ನೆರೆವೇರಿಚಿಟ್ಟಂಡುಂಡ್.

ರೋಮ್ 16:19

ನಿಂಗ ತಗ್ಗಿತ್ ನಡ್‍ಪದ್ ಎಲ್ಲಾ ಜನಕು ಗೊತ್ತಾಯಿರ್‌ತ್. ಆನಗುಂಡ್, ನಿಂಗಡ ವಿಷಯತ್ ನಾನ್ ದುಂಬ ಕುಶಿಪಟ್ಟಂಡುಂಡ್; ಆಚೇಂಗಿಯು ನಿಂಗ ನಲ್ಲದ್ ಮಾಡ್‌ವಕ್ ಜ್ಞಾನ ಉಳ್ಳಯಿಂಗಳಾಯಿತು, ಕೆಟ್ಟದ್ ಮಾಡ್‌ವಕ್ ಗೊತ್ತ್‌ಲ್ಲತಯಿಂಗಳಾಯಿತು ಇರಂಡೂಂದ್ ನಾಡ ಆಸೆ.

ರೋಮ್ 8:12

ಆನಗುಂಡ್, ನಾಡ ಅಣ್ಣತಮ್ಮಣಂಗಳೇ, ಪಾಪತ್‍ರ ಗುಣತ್‍ಲ್ ಬದ್‍ಕ್‍ವಕ್ ನಂಗ ಪಾಪತ್‍ರ ಗುಣಕ್ ಒಳಪಟ್ಟಯಿಂಗ ಅಲ್ಲ.

1 ಕೊರಿಂಥ 14:11

ಆಚೇಂಗಿಯು, ನಾಕ್ ಆ ತಕ್ಕ್ ಗೊತ್ತ್‌ಲ್ಲೆ ಎಣ್ಣ್‌ಚೇಂಗಿ, ಆ ಬಾಷೆಲ್ ತಕ್ಕ್ ಪರಿಯುವಂಗ್ ನಾನ್ ಗೊತ್ತಿಲ್ಲತಂವೊನಾಯಿತ್‌ಪ್ಪಿ, ನಾಕ್ ಅಂವೊ ಗೊತ್ತಿಲ್ಲತಂವೊನಾಯಿತ್‌ಪ್ಪ.

1 ಕೊರಿಂಥ 14:16

ಅನ್ನನೆ ಮಾಡತ ಪೋಚೇಂಗಿ, ನಿಂಗ ನಿಂಗಡ ಆತ್ಮತ್‍ಲ್ ದೇವಕ್ ವಂದನೆ ಮಾಡ್‌ವಕ, ಆ ಬಾಷೆ ಗೊತ್ತಿಲ್ಲತಂವೊ ನಿಂಗಡ ಆರಾದನೆಲ್ ಇಂಜತೇಂಗಿ, ಅಂವೊ ಎನ್ನನೆ ಆಮೆನ್‍ಂದ್ ಎಣ್ಣುವ? ಅಂವೊಂಗ್ ನೀಡ ತಕ್ಕ್ ಗೊತ್ತ್‌ಲೆಲ್ಲ?

1 ಕೊರಿಂಥ 2:13

ಈ ವಿಷಯತ್‍ನೆಲ್ಲಾ ಮನುಷ್ಯಂಗಡ ಜ್ಞಾನ ಎಣ್ಣಿತಂದನೆಕೆ ಬೋದನೆ ಮಾಡುಲೆ, ಆಚೇಂಗಿ, ಪವಿತ್ರಾತ್ಮ ನಂಗಕ್ ಎಂತ ಬೋದನೆ ಮಾಡ್‍ಚೋ, ಆ ತಕ್ಕ್‌ನ ಮಾತ್ರ ಪರಿಂದಿತ್, ಆತ್ಮೀಯ ವಿಷಯತ್‍ನ ಪವಿತ್ರಾತ್ಮ ಉಳ್ಳಯಿಂಗಕ್ ವಿವರಿಚಿಟ್ಟಂಡುಂಡ್.

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

2 ಕೊರಿಂಥ 10:12

ಆಚೇಂಗಿಯು, ತಂಗಳ ತಾಂಗಳೇ ಬಲ್ಯಂಗಳಾಯಿತ್ ಕಾಂಬ್‍ಚಿಡುವಕಾಯಿತ್ ಬಡಾಯಿ ತಕ್ಕ್ ಎಣ್ಣುವ ಚೆನ್ನ ಜನಡ ಕೂಡೆ ನಂಗಳ ಸಮವಾಯಿತ್ ಹೋಲಿಕೆ ಮಾಡ್‌ವಕ್ ನಂಗ ದೈರ್ಯ ಎಡ್‍ಪುಲೆ; ಅಯಿಂಗ, ಅಯಿಂಗಡೊಳ್‌ಲ್ ಅಯಿಂಗ ಅಯಿಂಗಳೇ ಅಳ್‌ತೆ ಮಾಡಿಯಂಡ್, ಅಯಿಂಗಕೇ ಅಯಿಂಗಳ ಹೋಲಿಕೆ ಮಾಡಿಯಂಡುಳ್ಳ ಅಯಿಂಗ ಬುದ್ದಿವಂತಯಿಂಗ ಅಲ್ಲ.

2 ಕೊರಿಂಥ 11:19

ನಿಂಗ ಬುದ್ದಿವಂತಯಿಂಗಳಾಯಿತ್ ಬುದ್ದಿ ಇಲ್ಲತಯಿಂಗಳ ಕುಶೀಲ್ ಸಹಿಸಿಯಂಡಿಂಜಿರಲ್ಲಾ?

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

2 ತಿಮೊಥೆಯ 2:10

ಆಂಗಾಯಿತ್ ಗೊತ್ತ್ ಮಾಡಿತುಳ್ಳಯಿಂಗಕ್ ಯೇಸು ಕ್ರಿಸ್ತಂಡಿಂಜ ಕ್‍ಟ್ಟ್‌ವ ರಕ್ಷಣೆ ನಿತ್ಯ ಮಹಿಮೆಲ್ ಅಯಿಂಗಕ್ ಸಹ ಕ್‍ಟ್ಟ್‌ವನೆಕೆ ನಾನ್ ಎಲ್ಲಾನ ಅಯಿಂಗಕಾಯಿತ್ ಸಹಿಸಿಯಂಡುಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 3:3

ಎನ್ನಂಗೆಣ್ಣ್‌ಚೇಂಗಿ, ಒರ್ ಸಮಯತ್‍ಲ್ ನಂಗ ಸಹ ಮುಠಾಳಂಗಳಾಯಿತ್, ದಾಡ ತಕ್ಕ್‌ನ ಕೇಕತಯಿಂಗಳಾಯಿತ್, ವಂಚನೆ ಮಾಡ್‌ವಯಿಂಗಳಾಯಿತ್, ಎಲ್ಲಾ ತರ ಆಸೆ ಪಿಂಞ ಇಚ್ಛೆಕ್ ಅಡಿಯಾಳಾಯಿತ್, ಜನ ಕಷ್ಟಪಡ್‌ವಕ್ ಕುಶಿಪಡ್‌ವಯಿಂಗಳಾಯಿತ್, ಹೊಟ್ಟೆಕಿಚ್ಚ್‌ಲ್ ಬದ್‍ಕಿಯಂಡ್, ಬೋರೆಯಿಂಗ ನಂಗಳ ವಿರೋದಿಚಿಡ್‍ವನೆಕೆ ಪಿಂಞ ಒಬ್ಬನ ಒಬ್ಬ ವಿರೋದಿಚಿಟ್ಟಂಡ್ ಇಂಜತ್.