ರೋಮ್ 1:11 - ಕೊಡವ ಬೈಬಲ್

¹¹ ನಿಂಗಕ್ ಆತ್ಮೀಯ ವರತ್‍ನ ಪಾಲ್ ಮಾಡಿತ್, ನಿಂಗಳ ದೇವಡ ವಿಷಯತ್‍ಲ್ ಸ್ತಿರಪಡ್‌ತ್‍ವಕಾಯಿತ್, ನಿಂಗಳೆಲ್ಲ ಕಾಂಬಕ್ ನಾನ್ ದುಂಬ ಕುಶೀಲ್ ಉಳ್ಳ.

ರೋಮ್ 1:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 31:30

ಇಕ್ಕಲು ನೀಡ ಅಪ್ಪಂಡ ಮನೆಕ್‌ ನೀಕ್‌ ಪೋಪಕ್‌ ದುಂಬ ಕುಶಿ ಉಂಡ್‍ೕಂದ್‌ ನಾಕ್‍ ಗೊತ್ತುಂಡ್, ನೀನ್‌ ಪೋ, ಆಚೇಂಗಿ ನೀನ್‌ ನಾಡ ಮನೇಲ್‌ ಇಂಜ ನಾಡ ಮೂರ್ತಿಯಳ ಎನ್ನಂಗ್‌ ಕಟ್ಟಂಡ್‌ ಬಂದಿಯಾಂದ್‌ ಕ್‍ೕಟತ್.

ಅಪೊಸ್ತಲ 16:5

ಆನಗುಂಡ್, ಅಲ್ಲಿಯತ್‍ರ ಸಬೇಯೆಲ್ಲ ಕ್ರಿಸ್ತಂಡ ನಂಬಿಕೇಲ್ ದೃಡವಾಯಿತ್ ಜನಡ ಸಂಖ್ಯೆ ದಿನದಿನಕ್ ಬಲ್ಯದಾಯಂಡ್ ಬಾತ್.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 19:6

ಪಿಂಞ, ಪೌಲ ಅಯಿಂಗಡ ಮೇಲೆ ಕೈ ಬೆಪ್ಪಕ ಪವಿತ್ರಾತ್ಮ ಅಯಿಂಗಡ ಮೇಲೆ ಬಾತ್; ಅಕ್ಕ, ಅಯಿಂಗ ನಾನಾತರ ಬಾಷೆಲ್ ತಕ್ಕ್ ಪರ್ಂದಿತ್ ಪ್ರವಾದನೆ ಎಣ್ಣ್‌ಚಿ.

ರೋಮ್ 1:12

ನಿಂಗ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನ ನಾನ್ ಕಾಂಬಕ ನಾಕ್ ಪುರ್‌ಡ್ ಕ್‍ಟ್ಟುವನೆಕೆ, ನಿಂಗಕು ಸಹ ನಾನ್ ದೇವಡ ಮೇಲೆ ಬೆಚ್ಚಿತುಳ್ಳ ನಂಬಿಕೇನೆ ಕಂಡಿತ್ ಪುರ್‌ಡ್ ಕ್‍ಟ್ಟುವ. ಇನ್ನನೆ ದಂಡಾಳ್‍ಕು ಆಶೀರ್ವಾದ ಆಪ.

ರೋಮ್ 15:23

ಇಕ್ಕ, ಈ ಪ್ರಾಂತ್ಯತ್‍ಲ್ ನಾಕ್ ಜಾಗ ಇಲ್ಲತಗುಂಡು, ಪಿಂಞ ನಿಂಗಡ ಪಕ್ಕ ಬಪ್ಪಕ್ ದುಂಬ ಕಾಲತ್ಂಜ ನಾಕ್ ಬಲ್ಯ ಆಸೆ ಉಳ್ಳಗುಂಡ್,

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

ರೋಮ್ 15:32

ಅನ್ನನೆ ದೇವಡ ಚಿತ್ತ ಇಂಜತೇಂಗಿ, ನಾನ್ ನಿಂಗಡ ಪಕ್ಕ ಕುಶೀಲ್ ಬಂದಿತ್, ನಿಂಗಡಗುಂಡ್ ಆರಾಮ್‍ಲ್ ಇಪ್ಪಿ.

ರೋಮ್ 16:25

ನಾಡ ದೇವಡ ನಲ್ಲ ಸುದ್ದಿ ಎಣ್ಣುವನೆಕೆ, ನಿಂಗಳ ಸ್ತಿರಪಡ್‌ತ್‍ವಕ್ ಶಕ್ತಿ ಉಳ್ಳಂವೊನಾಯಿತ್ತುಳ್ಳ ದೇವಕ್ ಎಲ್ಲಾ ಮಹಿಮೆಯು ಇರಡ್. ಯೇಸು ಕ್ರಿಸ್ತಂಡ ಈ ವಿಷಯತ್‍ರ ಮೂಲಕ ಯೆಹೂದ್ಯಂಗಲ್ಲತಯಿಂಗಕ್, ಪಂಡಿಂಜೇ ಗುಟ್ಟಾಯಿತ್ ಬೆಚ್ಚಿತ್ಂಜ ಮರ್ಮ, ಪ್ರಕಟನೆ ಆಚಿ.

2 ಕೊರಿಂಥ 1:15

ಇದ್‍ಲ್ ನಾಕ್ ದೃಡವಾನ ನಂಬಿಕೆ ಇಂಜಗುಂಡ್, ನಿಂಗಕ್ ದಂಡನೆ ಕುರಿಯು ಪ್ರಯೋಜನವಾಯಿತ್ ಇಪ್ಪಕ್, ಮಿಂಞ ನಿಂಗಡ ಪಕ್ಕ ಬಪ್ಪಿ.

2 ಕೊರಿಂಥ 1:21

ಆಚೇಂಗಿ, ಇಕ್ಕ ದೇವನೇ ನಂಗಳ ಕ್ರಿಸ್ತಂಡಲ್ಲಿ ನಿಂಗಡ ಕೂಡೆ ಸ್ತಿರಪಡ್‌ತಿತ್, ಅಂವೊನೇ ನಂಗಳ ಅಬಿಷೇಕವೂ ಮಾಡ್‍ಚಿ.

2 ಕೊರಿಂಥ 11:4

ಎನ್ನನೆ ಎಣ್ಣ್‌ಚೇಂಗಿ, ನಿಂಗಡ ಪಕ್ಕ ಬಪ್ಪಂವೊ, ನಂಗ ಬೋದನೆ ಮಾಡತ ಬೋರೆ ಒರು ಯೇಸುನ ಬೋದನೆ ಮಾಡ್‍ಚೇಂಗಿಯು, ಅಲ್ಲತಪೋಚೇಂಗಿ, ನಿಂಗ ಪಡೆಯತ ಬೋರೆ ಒರ್ ಪವಿತ್ರಾತ್ಮತ್‍ನ ಪಡೆಯುವಕಲು, ನಿಂಗ ಸ್ವೀಕಾರ ಮಾಡತ ಬೋರೆ ಒರ್ ದೇವಡ ನಲ್ಲ ಸುದ್ದಿನ ಸ್ವೀಕಾರ ಮಾಡ್‌ವಕಲು, ನಿಂಗ ಅದ್‍ನ ಕುಶೀಲ್ ಸಹಿಸಿಯಂಡ್ ಉಳ್ಳಿರಲ್ಲ.

2 ಕೊರಿಂಥ 9:14

ಆನಗುಂಡ್ ದೇವ ನಿಂಗಕ್ ದಾರಾಳವಾಯಿತ್ ಕೊಡ್‍ತ ಕೃಪೆಕಾಯಿತ್ ನಿಂಗಕ್ ಪ್ರಾರ್ಥನೆ ಮಾಡಿತ್, ನಿಂಗಡ ಮೇಲೆ ದುಂಬ ಪ್ರೀತಿಲ್ ಇಪ್ಪ.

ಫಿಲಿಪ್ಪಿ 1:8

ಕ್ರಿಸ್ತ ಯೇಸುರ ಪಕ್ಕ ಉಳ್ಳ ಕನಿಕರತ್ಂಜ ನಿಂಗಡ ಮೇಲೆ ನಾಕ್ ಎಚ್ಚಕ್ ಪ್ರೀತಿ ಉಂಡ್‍ೕಂದ್ ದೇವನೇ ನಾಕ್ ಸಾಕ್ಷಿ.

ಫಿಲಿಪ್ಪಿ 2:26

ಅಂವೊ ನಿಂಗಳ ಕಾಂಗಂಡೂಂದ್ ದುಂಬ ಆಸೇಲ್ ಇಂಜತ್. ಎನ್ನಂಗೆಣ್ಣ್‌ಚೇಂಗಿ ಅಂವೊಂಗ್ ಸೌಕ್ಯ ಇಲ್ಲತದ್ ನಿಂಗಕ್ ಗೊತ್ತಾನಗುಂಡ್ ಅಂವೊ ದುಂಬ ವ್ಯಸನ ಪಟ್ಟತ್.

ಫಿಲಿಪ್ಪಿ 4:1

ಇದ್ಂಗಾಯಿತ್ ನಾಡ ಅಣ್ಣತಮ್ಮಣಂಗಳೇ, ನಾನ್ ನಿಂಗಕ್ ಇಲ್ಲಿಕತ್ತನೆ ಎಣ್ಣ್‌ನದ್‍ನ ಗೇನ ಮಾಡಿಯಂಡ್ ಒಡೆಯಂಡ ವಿಷಯತ್‍ಲ್ ಸ್ತಿರವಾಯಿತ್ ಇರಿ. ನಾನ್ ನಿಂಗಳ ಎಚ್ಚಕ್ ಪ್ರೀತಿ ಮಾಡ್‌ವಿ, ನಿಂಗಳ ಕಾಂಗಂಡೂಂದ್ ನಾಕ್ ದುಂಬ ಆಸೆ ಉಂಡ್. ನಿಂಗಳೇ ನಾಡ ಕುಶಿ, ನಿಂಗಳೇ ನಾಡ ಕಷ್ಟಕೆಲ್ಲ ಕ್‍ಟ್ಟ್‌ನ ಕಿರೀಟ.

1 ಥೆಸಲೊನೀಕ 3:13

ಇನ್ನನೆ, ನಂಗಡ ಒಡೆಯನಾನ ಯೇಸು ಕ್ರಿಸ್ತ ತಾಂಡ ಪವಿತ್ರವಾನಯಿಂಗಡ ಕೂಡೆ ಪುನಃ ಬಪ್ಪಕಾಪಕ, ದೇವಡ ಸನ್ನಿದಾನತ್‍ಲ್ ನಿಂಗೆಲ್ಲಾರು ಒರ್ ತಪ್ಪಿಲ್ಲತನೆಕೆ, ಪವಿತ್ರವಾನಯಿಂಗಳಾಯಿತ್ ಇಪ್ಪಕ್ ನಿಂಗಡ ಹೃದಯತ್‍ನ ಸ್ತಿರಪಡ್‍ತಡ್.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

2 ಥೆಸಲೊನೀಕ 2:17

ನಿಂಗಡ ಹೃದಯಕ್ ಒತ್ತಾಸೆ ಮಾಡಿತ್, ಎಲ್ಲಾ ನಲ್ಲ ಕೆಲಸ ಮಾಡ್‌ವಕ್ ಪಿಂಞ ನಲ್ಲ ತಕ್ಕ್ ಪರಿಯುವಕ್ ಬಲಪಡ್‍ತಡ್.

2 ಥೆಸಲೊನೀಕ 3:3

ಆಚೇಂಗಿ, ನಂಗಡ ದೇವ ಸತ್ಯವಂತಂವೊ, ಆನಗುಂಡ್, ಅಂವೊ ನಿಂಗಳ ಸ್ತಿರಪಡ್‌ತಿತ್, ಮೋಸ ಮಾಡ್‌ವ ಸೈತಾನಂಡ ಕೈಯಿಂಜ ಕಾಪಾಡ್‌ವ.

ಇಬ್ರಿಯ 13:9

ಬೋರೆ ಬೋರೆ ಬೋದನೆಲ್ ಚಿಕ್ಕಿತ್ ಬಟ್ಟೆ ತಪ್ಪಿ ಪೋಕತಿ. ಏದ್ ತರ ಕೂಳ್ ಎನ್ನನೆ ತಿಂಗಂಡೂಂದ್ ತಿಂಬಗುಂಡ್ ಅಲ್ಲ, ಕೃಪೇರ ಮೂಲಕ ಹೃದಯ ಸ್ತಿರವಾಪದ್ ನಲ್ಲದ್. ಕೂಳ್‍ರ ವಿಷಯತ್ ಆಚಾರ ವಿಚಾರ ಮಾಡ್‌ವಗುಂಡ್ ಒರ್ ಪ್ರಯೋಜನವು ಇಲ್ಲೆ.

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

2 ಪೇತ್ರ 1:12

ಆನಗುಂಡ್, ನಿಂಗಕ್ ಇದ್‍ನೆಲ್ಲಾ ಗೊತ್ತ್ಂಜತೇಂಗಿಯು, ಇಕ್ಕ ನಿಂಗಕ್ ಗೊತ್ತುಳ್ಳ ಸತ್ಯತ್‍ಲ್ ಸ್ತಿರವಾಯಿತ್ ಇಂಜತೇಂಗಿಯು, ಇದ್‍ನೆಲ್ಲಾ ಎಕ್ಕಾಲು ನಿಂಗಕ್ ಗೇನ ಮಾಡಿಯಂಡಿಪ್ಪಿ.