ರೋಮ್ 1:10 - ಕೊಡವ ಬೈಬಲ್

¹⁰ ಎನ್ನನಾಚೇಂಗಿಯು ನಿಂಗಳ ಕಾಂಬಕಾಯಿತ್ ದೇವಡ ಚಿತ್ತತ್‍ರಗುಂಡ್, ನಿಂಗಡ ಪಕ್ಕ ಬಪ್ಪಕ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡುಳ್ಳ.

ರೋಮ್ 1:10 ပူးပေါင်းရင်းမြစ်များ

ಅಪೊಸ್ತಲ 18:21

ದೇವಡ ಚಿತ್ತವಾಚೇಂಗಿ ಪುನಃ ನಿಂಗಡ ಪಕ್ಕ ಬಪ್ಪೀಂದ್ ಎಣ್ಣಿತ್ ಅಯಿಂಗಡ ಅಪ್ಪಣೆನ ಪಡ್ಂದಿತ್ ಪೋಚಿ. ಅಲ್ಲಿಂಜ ಹಡಗ್‍ಲ್ ಪತ್ತಿತ್ ಎಫೆಸ ಪಟ್ಟಣತ್‍ನ ಬುಟ್ಟಿತ್ ಪೋಚಿ.

ಅಪೊಸ್ತಲ 19:21

ಇನ್ನನೆಲ್ಲ ಆನ ಪಿಂಞ ಪೌಲ, ತಾನ್ ಮಕೆದೋನ್ಯಕ್ ಪೋಪಕ್ ಮಿಂಞ ಅಖಾಯ ಪಟ್ಟಣಕ್ ಪೋಯಿತ್, ಬಯ್ಯ ಯೆರೂಸಲೇಮ್‌ಕ್ ಪೋಪೀಂದ್ ಅಂವೊಂಡ ಆತ್ಮತ್‍ಲ್ ಗೇನ ಮಾಡಿತ್: ನಾನ್ ಅಲ್ಲಿಕ್ ಪೋನ ಪಿಂಞ ರೋಮ್ ಪಟ್ಟಣಕ್ ಪೋಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 21:14

ಅಂವೊ ನಂಗ ಎಣ್ಣ್‌ವಾನ ಒತ್ತತೆಗುಂಡ್, ಒಡೆಯಂಡ ಚಿತ್ತತ್‍ರನೆಕೆ ಆಡ್‍ೕಂದ್ ಎಣ್ಣಿತ್ ನಂಗ ಮುಂಡತೆ ಇಂಜತ್.

ರೋಮ್ 15:29

ನಾನ್ ನಿಂಗಡ ಪಕ್ಕ ಬಪ್ಪಕ ಕ್ರಿಸ್ತಂಡ ಪೂರ್ತಿ ಆಶೀರ್ವಾದತ್‍ರ ಅಳ್‌ತೆಲ್ ಬಪ್ಪೀಂದ್ ನಾಕ್ ಗೊತ್ತುಂಡ್.

1 ಕೊರಿಂಥ 1:1

ಕ್ರಿಸ್ತ ಯೇಸುರ ಅಪೊಸ್ತಲನಾಯಿತ್, ದೇವ ಅಂವೊಂಡ ಚಿತ್ತತ್‍ರನೆಕೆ ಕಾಕ್‍ನ ಪೌಲನಾನ ನಾನ್ ಪಿಂಞ ತಮ್ಮಣನಾನ ಸೊಸ್ಥೆನನೂ ಕೂಡಿತ್,

1 ಕೊರಿಂಥ 4:19

ಆಚೇಂಗಿಯು, ಒಡೆಯಂಡ ಚಿತ್ತ ಉಂಡೇಂಗಿ ನಾನ್ ನಿಂಗಡ ಪಕ್ಕ ಬೆರಿಯ ಬಪ್ಪಿ. ಬಂದಿತ್, ಆಂಗಾರತ್‍ಲ್ ಬಲ್ಯರಿಕೇಲ್ ಉಳ್ಳ ಜನಡ ತಕ್ಕ್ ಮಾತ್ರ ಅನ್ನನೆ ಉಂಡಾ ಅಥವ ನೇರಾಯಿತು ಅಯಿಂಗಕ್ ಎಂತಾಚು ಶಕ್ತಿ ಉಂಡಾಂದ್ ಕಂಡ್‌ಪುಡಿಪಿ.

ಫಿಲಿಪ್ಪಿ 4:6

ನಿಂಗ ಒರ್ ವಿಷಯಕು ಬೇಜಾರ್ ಮಾಡಂಡ, ಅದ್ಂಡ ಬದ್‍ಲ್ ಎಲ್ಲಾ ವಿಷಯಕ್ ದೇವನ ತುದಿಚಂಡ್ ನಿಂಗಡ ಪ್ರಾರ್ಥನೆಲ್ ನಿಂಗಕ್ ಎಂತ ಬೋಂಡೂಂದ್ ಅಂವೊನ ಬೋಡಿತ್ ಕ್‍ೕಳಿ.

1 ಥೆಸಲೊನೀಕ 2:18

ನಿಂಗಡ ಪಕ್ಕ ಇಂಞೊಮ್ಮ ಬರಂಡೂಂದ್ ಇಂಜತ್. ಪೌಲನಾನ ನಾನೇ ನಿಂಗಡ ಪಕ್ಕ ಪುನಃ ಪುನಃ ಬರಂಡೂಂದ್ ಇಂಜಿಯೆ, ಆಚೇಂಗಿ ಸೈತಾನ ನಂಗಳ ತಡೆ ಮಾಡಿರ್‌ತ್.

ಫಿಲೆಮೋನ 1:22

ನೀಡ ಪ್ರಾರ್ಥನೆನ ದೇವ ಕ್‍ೕಟಿತ್ ನನ್ನ ನೀಡ ಪಕ್ಕ ಬಪ್ಪಕ್ ಅನುಗ್ರಹ ಮಾಡ್‌ವಾಂದ್ ನಾನ್ ನಂಬಿಯಂಡ್ ಉಳ್ಳ. ಆನಗುಂಡ್ ನಾಕ್ ಒರ್ ಕೋಂಬರೆನ ನೀನ್ ತಯಾರ್ ಮಾಡ್.

ಇಬ್ರಿಯ 13:19

ನಾನ್ ನಿಂಗಡ ಪಕ್ಕ ಬೆರಿಯ ವಾಪಸ್ ಬಪ್ಪಕಾಯಿತ್ ನಿಂಗ ಪ್ರಾರ್ಥನೆ ಮಾಡಂಡೂಂದ್ ನಿಂಗಳ ದುಂಬ ಕ್‍ೕಟೊವಿ.

ಯಾಕೋಬ 4:15

ಆನಗುಂಡ್: ಇದ್ ದೇವಕ್ ಚಿತ್ತ ಉಂಡೇಂಗಿ, ನಂಗ ಬದ್‌ಕಿತ್ ಅದ್ ಇದ್ ಮಾಡ್‌ವಾಂದ್ ಎಣ್ಣಂಡು.