ಪ್ರಕಟನೆ 9:5 - ಕೊಡವ ಬೈಬಲ್

⁵ ಅದಲ್ಲತೆ, ಅಯಿಂಗಳ ಕೊಲ್ಲುವಕ್ ಅಯಿಂಗಕ್ ಅದಿಕಾರ ಕ್‍ಟ್ಟಿತ್‌ಲ್ಲೆ, ಆಚೇಂಗಿ ಅಂಜ್ ತಿಂಗಕ್ ಹಿಂಸೆ ಮಾಡ್‌ವಕ್ ಮಾತ್ರ ಅಯಿಂಗಕ್ ಹುಕುಮ್ ಕೊಡ್‌ತಿತ್ಂಜತ್; ಆ ಹಿಂಸೆರ ನೊಂಬಲ, ಚೇಳ್ ಕಡಿಪಕ ಆಪ ನೊಂಬಲತ್‍ರನೆಕೆ ಇಪ್ಪ.

ಪ್ರಕಟನೆ 9:5 ပူးပေါင်းရင်းမြစ်များ

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 11:7

ಅಯಿಂಗ ಅಯಿಂಗಡ ಸಾಕ್ಷಿನ ಎಣ್ಣಿತಾನ ಪಿಂಞ, ಪಾತಾಳತ್ಂಜ ಬಪ್ಪ ಮೃಗ ಈಂಗಡ ಕೂಡೆ ಯುದ್ದ ಮಾಡಿತ್ ಈಂಗಳ ಗೆದ್ದಿತ್ ಕೊಲ್ಲುವ.

ಪ್ರಕಟನೆ 13:5

ಆ ಮೃಗಕ್ ಬಡಾಯಿ ತಕ್ಕ್ ಪರಿಯುವ ಪಿಂಞ ದೂಷಣೆ ಎಣ್ಣುವ ಬಾಯಿನ ಕೊಡ್‌ತಿತ್ಂಜತ್; ಅದಲ್ಲತೆ, ನಾಪತ ದಂಡ್ ತಿಂಗಕತ್ತನೆ ಬೋಂಡಿಯನೆಕೆ ಮಾಡ್‌ವಕ್ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 13:7

ಇದ್‍ಲ್ಲತೆ, ದೇವಡ ಮಕ್ಕಡ ಕೂಡೆ ಯುದ್ದ ಮಾಡಿತ್ ಅಯಿಂಗಳ ಗೆಲ್ಲುವಕ್ ಅದಿಕಾರ ಕ್‍ಟ್ಟಿತ್ಂಜತ್. ಓರೋರ್ ಜನಡಮೇಲೆ, ಕುಲತ್‍ರ ಮೇಲೆ, ಬಾಷೆಕಾರಯಿಂಗಡ ಮೇಲೆ, ಜಾತಿಯಡ ಮೇಲೆ ಸಹ ಅದ್ಂಗ್ ಅದಿಕಾರ ಕೊಡ್‌ತಿತ್ಂಜತ್.

ಪ್ರಕಟನೆ 9:10

ಅಯಿಂಗಕ್ ಚೇಳ್‍ಕ್ ಉಳ್ಳನೆಕೆ ಬಾಲ್ ಪಿಂಞ ಆ ಬಾಲ್‍ಲ್ ಕೊಂಡಿಯು ಇಂಜತ್. ಮನುಷ್ಯಂಗಳ ಅಂಜ್ ತಿಂಗಕತ್ತನೆ ಹಿಂಸೆ ಮಾಡ್‌ವಕ್ ಅಯಿಂಗಡ ಬಾಲ್‍ಕ್ ಶಕ್ತಿ ಕೊಡ್‌ತಿತ್ಂಜತ್.

ಪ್ರಕಟನೆ 9:3

ಆ ಪೊಗೆಯಿಂಜ ದುಂಬ ಪಚ್ಚೆ ಪುಕ್ಕ ಪೊರಟ್ ಬಾತ್. ಅದ್ಂಗ್ ಬೂಮಿಲುಳ್ಳ ಚೇಳ್‍ವಕ್ ಎಂತ ಶಕ್ತಿ ಉಂಡೋ ಆ ಶಕ್ತಿನ ಕೊಡ್‌ತಿತ್ಂಜತ್.