ಪ್ರಕಟನೆ 9:4 - ಕೊಡವ ಬೈಬಲ್

⁴ ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್.

ಪ್ರಕಟನೆ 9:4 ပူးပေါင်းရင်းမြစ်များ

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಎಫೆಸ 4:30

ವಿಮೋಚನ ಕ್‍ಟ್ಟ್‌ವ ನಾಳ್‍ಕಾಯಿತ್, ನಿಂಗಕ್ ಮುದ್ರೆ ಇಟ್ಟಿತ್ತುಳ್ಳ ದೇವಡ ಪವಿತ್ರಾತ್ಮನ ದುಃಖಪಡ್‌ತತಿ.

ಪ್ರಕಟನೆ 14:1

ಪಿಂಞ ನಾನ್ ನೋಟ್‍ವಕ, ಇದಾ, ಚೀಯೋನ್‌ ಕುಂದ್‌ರ ಕೊಡಿಲ್ ಕೊರಿಕುಟ್ಟಿಯಾನಂವೊನ ಪಿಂಞ ಅಂವೊಂಡ ಕೂಡೆ ಅಂವೊಂಡ ಅಪ್ಪನಾನ ದೇವಡ ಪೆದತ್‍ನ ನೆತ್ತಿರ ಮೇಲೆ ಒಳ್‍ದಿತ್ಂಜ 1,44,000 ಜನಳ ಕಂಡಿಯೆ.

ಪ್ರಕಟನೆ 6:6

ಅಕ್ಕ, ನಾಲ್ ಜೀವಿ ಪ್ರಾಣಿಯಡ ಮದ್ಯತ್ಂಜ, ಒರ್ ದಿವಸತ್‍ರ ಕೂಲಿರ ಪಣಕ್ ಒರ್ ಕಿಲೊ ಗೋದಿ, ಒರ್ ದಿವಸತ್‍ರ ಕೂಲಿರ ಪಣಕ್ ಮೂಂದ್ ಕಿಲೊ ಬಾರ್ಲಿ, ಎಣ್ಣೆ ಪಿಂಞ ದ್ರಾಕ್ಷಿರಸತ್‍ನ ನೀನ್ ಪಾಳ್ ಮಾಡತೇಂದ್ ನಾಕ್ ಒರ್ ವಾಣಿ ಕ್‍ೕಟತ್.

ಪ್ರಕಟನೆ 7:1

ಇದಾನ ಪಿಂಞ ಬೂಮಿರ ನಾಲ್ ಮೂಲೆಲ್ ನಾಲ್ ದೇವದೂತಂಗ ನಿಂದಂಡ್ ಬೂಮಿರ ಮೇಲೆ, ಸಮುದ್ರತ್‍ರ ಮೇಲೆ, ಏದ್ ಮರತ್‍ರ ಮೇಲೆಯು ಗಾಳಿ ಬೀಜುವಾನ ತಡ್‍ತಿತ್, ಬೂಮಿರ ನಾಲ್ ಗಾಳಿನ ತಡ್‍ತನೆಕೆ ಕಂಡತ್.

ಪ್ರಕಟನೆ 8:7

ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.