ಪ್ರಕಟನೆ 9:18 - ಕೊಡವ ಬೈಬಲ್

¹⁸ ಅಯಿಂಗಡ ಬಾಯಿಂಜ ಬಪ್ಪ ತಿತ್ತ್ ಪೊಗೆ ಗಂಧಕ ಎಣ್ಣುವ ಈ ಮೂಂದ್‍ಂಜ ಮನುಷ್ಯಂಗಡಲ್ಲಿ ಮೂಂದ್‍ಲ್ ಒರ್ ಬಾಗ ಮನುಷ್ಯಂಗ ಚತ್ತ್ ಪೋಚಿ.

ಪ್ರಕಟನೆ 9:18 ပူးပေါင်းရင်းမြစ်များ

ಪ್ರಕಟನೆ 8:10

ಮೂಂದನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಒರ್ ಬಲ್ಯ ನಕ್ಷತ್ರ ಬಲ್ಯದಾಯಿತ್ ಕತ್ತಿಯಂಡ್ ಬಾನತ್ಂಜ ಬುದ್ದತ್. ಅದ್ ಕೆರೆರ ಮೂಂದ್‍ಲ್ ಒರ್ ಬಾಗತ್‍ನ ಪಿಂಞ ಜಲನೀರ್‌ಲ್ ಬುದ್ದತ್.

ಪ್ರಕಟನೆ 8:11

ಆ ನಕ್ಷತ್ರತ್‍ರ ಪೆದ ಕಯಿಪ್‍ೕಂದ್ ಇಂಜತ್. ಅದ್‍ನಗುಂಡ್, ಮೂಂದ್‍ಲ್ ಒರ್ ಬಾಗ ನೀರೆಲ್ಲಾ ಕಯಿಪಾಯಿತ್ ಬದ್‍ಲಾಚಿ; ಇನ್ನನೆ ಆ ನೀರ್‌ನ ಕುಡಿಪಕ ಸುಮಾರ್ ಜನ ಚತ್ತ್ ಪೋಚಿ.

ಪ್ರಕಟನೆ 8:12

ನಾಲನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ಮೂಂದ್‍ಲ್ ಒರ್ ಬಾಗ ಸೂರ್ಯ, ಮೂಂದ್‍ಲ್ ಒರ್ ಬಾಗ ಚಂದ್ರ ಪಿಂಞ ಮೂಂದ್‍ಲ್ ಒರ್ ಬಾಗ ನಕ್ಷತ್ರ ಪಾಳಾಯಿ ಪೋಚಿ. ಒರೋಂದ್‍ಲ್ ಮೂಂದ್‍ಲ್ ಒರ್ ಬಾಗ ಕರ್ತಿತ್ ಇರ್‌ಟಾಯಿ ಪೋಚಿ. ಅಕ್ಕ ಪೋಲ್‍ಲ್, ಮೂಂದ್‍ಲ್ ಒರ್ ಬಾಗ ಬೊಳಿ ಇಂಜಿತ್ತ್‌ಲ್ಲೆ, ಬಯಿಟ್ ಸಹ ಬೊಳಿ ಇಂಜಿತ್ತ್‌ಲ್ಲೆ.

ಪ್ರಕಟನೆ 8:7

ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.

ಪ್ರಕಟನೆ 8:8

ದಂಡನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ತಿತ್ತ್ಂಜ ಕತ್ತ್‌ವ ಬಲ್ಯ ಕುಂದ್‍ರನೆಕೆ ಉಳ್ಳದ್‍ನ ಸಮುದ್ರತ್‍ರ ಒಳ್‍ಕ್ ಚಾಡ್‍ಚಿ, ಆನಗುಂಡ್ ಸಮುದ್ರತ್‍ರ ಮೂಂದ್‍ಲ್ ಒರ್ ಬಾಗ ಚೋರೆನೆಕೆ ಆಚಿ.

ಪ್ರಕಟನೆ 8:9

ಸಮುದ್ರತ್‍ರ ಒಳ್‍ಲಿಂಜ ಪ್ರಾಣಿಲ್ ಮೂಂದ್‍ಲ್ ಒರ್ ಬಾಗ ಚತ್ತ್ ಪೋಚಿ; ಮೂಂದ್‍ಲ್ ಒರ್ ಬಾಗ ಹಡಗ್ ಪಾಳಾಯಿ ಪೋಚಿ.

ಪ್ರಕಟನೆ 9:15

ಅಕ್ಕ ಲೋಕತ್‍ಲ್ ಉಳ್ಳ ಮನುಷ್ಯಂಗಡಲ್ಲಿ ಮೂಂದ್ ಬಾಗತ್‍ಲ್ ಒರ್ ಬಾಗತ್‍ರ ಜನಳ ಕೊಲ್ಲುವ ಈ ಗಂಟೆಕಾಯಿತು, ಈ ನಾಳ್‌ಕಾಯಿತು, ಈ ತಿಂಗಕಾಯಿತು, ಈ ಕಾಲಕಾಯಿತು ತಾಯಾರಾಯಿತ್ಂಜ ಆ ನಾಲ್ ದೂತಂಗಳ ಉದ್ದಿತ್ ಬುಟ್ಟತ್.

ಪ್ರಕಟನೆ 9:17

ಕುದ್‌ರೆಯಳ ಪಿಂಞ ಅದ್ಂಡಮೇಲೆ ಅಳ್‌ತಿತ್ಂಜ ಮನುಷ್ಯಂಗಳ ದರ್ಶನತ್‍ಲ್ ನಾನ್ ಇನ್ನನೆ ಕಂಡಿಯೆ. ಅಯಿಂಗ ತಿತ್ತ್‌ರ ರಂಗ್, ನೆತ್ತಲೆ ರಂಗ್ ಪಿಂಞ ಗಂಧಕತ್‍ರ ರಂಗ್‍ಲ್ ಎದೆ ತಟ್ಟೆನ ಇಟ್ಟಿತ್ಂಜತ್. ಕುದ್‌ರೆಯಡ ಮಂಡೆ ಸಿಂಹತ್‍ರ ಮಂಡೆರನೆಕೆ ಇಂಜತ್. ಅಯಿಂಗಡ ಬಾಯಿಂಜ ತಿತ್ತು, ಪೊಗೆಯೂ, ಗಂಧಕವು ಪೊರಟಿತ್ ಬಾತ್.

ಪ್ರಕಟನೆ 9:19

ಕುದ್‌ರೆಯಡ ಶಕ್ತಿ ಅಯಿಂಗಡ ಬಾಯಿ ಪಿಂಞ ಬಾಲ್‍ಲ್ ಉಂಡ್; ಅಯಿಂಗಡ ಬಾಲ್ ಮಂಡೆ ಉಳ್ಳ ಪಾಂಬ್‍ರನೆಕೆ ಇಂಜತ್. ಅದ್‍ನಗುಂಡ್ ಕೇಡ್‍ನ ಉಂಟ್ ಮಾಡ್‌ವ.