ಪ್ರಕಟನೆ 9:17 - ಕೊಡವ ಬೈಬಲ್

¹⁷ ಕುದ್‌ರೆಯಳ ಪಿಂಞ ಅದ್ಂಡಮೇಲೆ ಅಳ್‌ತಿತ್ಂಜ ಮನುಷ್ಯಂಗಳ ದರ್ಶನತ್‍ಲ್ ನಾನ್ ಇನ್ನನೆ ಕಂಡಿಯೆ. ಅಯಿಂಗ ತಿತ್ತ್‌ರ ರಂಗ್, ನೆತ್ತಲೆ ರಂಗ್ ಪಿಂಞ ಗಂಧಕತ್‍ರ ರಂಗ್‍ಲ್ ಎದೆ ತಟ್ಟೆನ ಇಟ್ಟಿತ್ಂಜತ್. ಕುದ್‌ರೆಯಡ ಮಂಡೆ ಸಿಂಹತ್‍ರ ಮಂಡೆರನೆಕೆ ಇಂಜತ್. ಅಯಿಂಗಡ ಬಾಯಿಂಜ ತಿತ್ತು, ಪೊಗೆಯೂ, ಗಂಧಕವು ಪೊರಟಿತ್ ಬಾತ್.

ಪ್ರಕಟನೆ 9:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:24

ಅಕ್ಕ ಯೆಹೋವ ಸೊದೋಮ್‌ ಗೊಮೋರತ್‌ರ ಮೇಲೆ ಗಂಧಕ ಪಿಂಞ ತಿತ್ತ್‌ರ ಮಳೆನೆ ಪೊಜ್ಜತ್.

ಪ್ರಕಟನೆ 11:5

ಈಂಗಕ್ ದಾರೇಂಗಿ ಕ್‍ೕಡ್ ಮಾಡಂಡೂಂದ್ ಗೇನ ಮಾಡ್‍ಚೇಂಗಿ, ಅಯಿಂಗಡ ಬಾಯಿಂಜ ತಿತ್ತ್ ಬಂದಿತ್ ಅಯಿಂಗಡ ವಿರೋದಿಯಳ ಚುಟ್ಟ್‌ರ್‍ವ. ಈಂಗಕ್ ದಾರೇಂಗಿ ಕ್‍ೕಡ್ ಮಾಡ್‌ವಕ್ ಗೇನ ಮಾಡ್‍ಚೇಂಗಿ ಅಂವೊ ಈ ರೀತಿಲ್ ಕೊಲೆ ಆಂಡು.

ಪ್ರಕಟನೆ 14:10

ದೇವಡ ಬಲ್ಯ ಚೆಡಿರ ಪಾತ್ರತ್‍ಲ್ ಏದು ಕಲ್‍ಕ್‍ತ ದೇವಡ ಗಟ್ಟಿಯಾನ ಬಲ್ಯ ಚೆಡಿರ ಕಳ್ಳ್‌ನ ಕುಡಿಚಿತ್, ಪವಿತ್ರವಾನ ದೂತಂಗಡ ಮಿಂಞತ್, ಕೊರಿಕುಟ್ಟಿಯಾನವೊಂಡ ಮಿಂಞತ್ ತಿತ್ತ್‌ರ ಜ್ವಾಲತ್‌ರಗುಂಡ್ ಗಂಧಕತ್‍ರಗುಂಡ್ ಕಷ್ಟಪಟ್ಟಂಡ್ ಇಪ್ಪ.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 21:20

ಅಂಜನೆ ಅಡಿಪಾಯ ಗೋಮೇದಿಕ, ಆರೆನ ಅಡಿಪಾಯ ಮಾಣಿಕ್ಯ, ಏಳನೆ ಅಡಿಪಾಯ ಪೀತರತ್ನ, ಎಟ್ಟನೆ ಅಡಿಪಾಯ ಬೇರುಲ್ಲ, ಒಯಿಂಬದನೆ ಅಡಿಪಾಯ ಪುಷ್ಯರಾಗ, ಪತ್ತನೆ ಅಡಿಪಾಯ ಗರುಡಪಚ್ಚೆ, ಪನ್ನಂದನೆ ಅಡಿಪಾಯ ಕೆಂಗಿತ್ತಳೆ, ಪನ್ನೆರಂಡನೆ ಅಡಿಪಾಯ ನೀಲಸ್ಪಟಿಕ ಇನ್ನತಾನಯಿಂಗಳೇ.

ಪ್ರಕಟನೆ 21:8

ಆಚೇಂಗಿ, ಬೊತ್ತಿಯಂಡುಳ್ಳಯಿಂಗಳು, ನಂಬಿಕೆ ಇಲ್ಲತಯಿಂಗಳು, ಅಶುದ್ದವಾಯಿತುಳ್ಳಯಿಂಗಳು, ಕೊಲೆ ಮಾಡ್‌ವಯಿಂಗಳು, ವ್ಯಬಿಚಾರ ಮಾಡ್‌ವಯಿಂಗಳು, ಮಾಟಮಂತ್ರ ಮಾಡ್‌ವಯಿಂಗಳು, ವಿಗ್ರಹ ಆರಾದನೆ ಮಾಡ್‌ವಯಿಂಗಳು, ಪೊಟ್ಟ್ ಪರಿಯುವ ಎಲ್ಲಾರು ದಂಡನೆ ಚಾವಾಯಿತುಳ್ಳ ಗಂಧಕತ್‍ಲ್ ತಿತ್ತ್ ಕತ್ತಿಯಂಡಿಪ್ಪ ಕಡಲ್‍ಲ್ ಪಾಲ್‍ದಾರಂಗಳಾಪಾಂದ್ ಎಣ್ಣ್‌ಚಿ.

ಪ್ರಕಟನೆ 9:18

ಅಯಿಂಗಡ ಬಾಯಿಂಜ ಬಪ್ಪ ತಿತ್ತ್ ಪೊಗೆ ಗಂಧಕ ಎಣ್ಣುವ ಈ ಮೂಂದ್‍ಂಜ ಮನುಷ್ಯಂಗಡಲ್ಲಿ ಮೂಂದ್‍ಲ್ ಒರ್ ಬಾಗ ಮನುಷ್ಯಂಗ ಚತ್ತ್ ಪೋಚಿ.

ಪ್ರಕಟನೆ 9:9

ಅಯಿಂಗಕ್ ಇರ್‍ಂಬ್‍ರ ಎದೆತಟ್ಟೆರನೆಕೆ ಕವಚ ಇಂಜತ್; ಆ ಪಚ್ಚೆಪುಕ್ಕತ್‍ರ ರೆಕ್ಕೆರ ಸದ್ದ್, ಯುದ್ದಕ್ ಓಡುವ ದುಂಬ ಕುದ್‌ರೆ ರಥತ್‍ರ ಸದ್ದ್‌ರನೆಕೆ ಇಂಜತ್.