ಪ್ರಕಟನೆ 8:7 - ಕೊಡವ ಬೈಬಲ್

⁷ ಆದ್ಯ ದೂತ ವಾಲಗ ಕೊಂಬ್ ಊದ್‍ವಕಾಪಕ: ಚೋರೆಲ್ ಕಲ್‌ಕ್‌ನ ಆಲಿಕಾಯಿ ಪಿಂಞ ತಿತ್ತ್ ಬಾತ್, ಅದ್‍ನ ಬೂಮಿರ ಮೇಲೆ ಚಾಡ್‍ಚಿ. ಆನಗುಂಡ್, ಮೂಂದ್‍ಲ್ ಒರ್ ಬಾಗ ಬೂಮಿ ಬೆಂಜಿ ಪೋಚಿ; ಮೂಂದ್‍ಲ್ ಒರ್ ಬಾಗ ಮರ ಬೆಂಜಿ ಪೋಚಿ. ಎಲ್ಲಾ ಪಚ್ಚೆ ಪಿಲ್ಲ್ ಚುಟ್ಟ್ ಪೋಚಿ.

ಪ್ರಕಟನೆ 8:7 ပူးပေါင်းရင်းမြစ်များ

ಯಾಕೋಬ 1:11

ಸೂರ್ಯ ತಿತ್ತ್‌ರನೆಕೆ ಉದಿಚಿತ್, ಗಿಡ ಎಲ್ಲಾ ಬಾಡಿ ಪೋಯಿತ್, ಅದ್ಂಡ ಪೂ ಬುದ್ದಿತ್ ಅದ್ಂಡ ಚಾಯಿ ಪೋಯಿರುವ, ಅದ್ ಪಾಳಾಯಿ ಪೋಪ. ಅನ್ನನೆ ಐಶ್ವರ್ಯವುಳ್ಳಂವೊನು, ತಾಂಡ ಬದ್‍ಕ್‍ರ ಸ್ತಾನತ್‍ಲ್ ಬಾಡಿ ಪೋಪ.

1 ಪೇತ್ರ 1:24

ಎನ್ನಂಗೆಣ್ಣ್‌ಚೇಂಗಿ, ಎಲ್ಲಾ ಮನುಷ್ಯಂಗಳು ಪಿಲ್ಲ್‌ರನೆಕೆ, ಅಯಿಂಗಡ ಮಹಿಮೆಯೆಲ್ಲ ಕಾಡ್‍ಲ್ ಉಳ್ಳ ಪೂವ್‍ರನೆಕೆ; ಪಿಲ್ಲ್ ಬಾಡಿ ಪೋಪ, ಪೂ ಬುದ್ದ್ ಪೋಪ.

ಪ್ರಕಟನೆ 12:4

ಆಂಡ ಬಾಲ್ ಬಾನತ್‍ಲ್ ಉಳ್ಳ ನಕ್ಷತ್ರತ್‌ಲ್ ಮೂಂದ್‍ಲ್ ಒರ್ ಬಾಗತ್‍ನ ಬಲ್‍ಚಿತ್ ಬೂಮಿಕ್ ಇಟ್ಟತ್; ಪೆರುವಕ್ ಉಳ್ಳ ಆ ಪೊಣ್ಣಾಳ್, ಪೆರುವ ಆ ಗಳಿಗೆಲೇ ಆ ಕುಂಞಿನ ಮುಗ್ಗ್‌ವಕ್ ಈ ಘಟಸರ್ಪ ಪೊಣ್ಣಾಳ್‍ರ ಮಿಂಞತ್ ನಿಂದಂಡಿಂಜತ್.

ಪ್ರಕಟನೆ 16:2

ಮೊದಲನೆ ದೂತ ತಾಂಡ ಪಾತ್ರತ್‍ಲ್ ಉಳ್ಳದ್‍ನ ಬೂಮಿರ ಮೇಲೆ ಬೂಕ್‍ಚಿ. ಅಕ್ಕ ಮೃಗತ್‍ರ ಮುದ್ರೆನ ಇಟ್ಟಯಿಂಗಳು ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‌ವಯಿಂಗಳು ಆನ ಮನುಷ್ಯಂಗಡ ಮೇಲ್‌ಲ್ ಬಯಂಕರವಾನ ಬಲ್ಯ ನೊಂಬಲ ತಪ್ಪ ಪುಣ್ಣ್ ಉಂಟಾಚಿ.

ಪ್ರಕಟನೆ 16:21

ಬಾನತ್ಂಜ ಮನುಷ್ಯಂಗಡ ಮೇಲೆ ಬಲ್ಯ ಬಲ್ಯ ಆಲಿಕಾಯಿ ಮಳೆ ಪೊಜ್ಜತ್. ಆ ಆಲಿಕಾಯಿರ ತೂಕ ಸುಮಾರ್ ನಾಪತ ಅಂಜ್ ಕಿಲೋಕ್ ಜಾಸ್ತಿಯಾಯಿತ್ ಇಂಜತ್. ಆ ಆಲಿಕಾಯಿರ ಮಳೇರಗುಂಡ್ ಆನ ಬಾದೆ ದುಂಬ ಬಯಂಕರವಾಯಿತ್ಂಜಗುಂಡ್ ಮನುಷ್ಯಂಗ ದೇವಕ್ ದೂಷಣೆ ಎಣ್ಣ್‌ಚಿ.

ಪ್ರಕಟನೆ 6:8

ನಾನ್ ನೋಟ್‍ವಕ, ಇದಾ, ಒರ್ ಮಂಗ್‍ನ ಕುದ್‍ರೆನ ಕಂಡಿಯೆ. ಅದ್ಂಡಮೇಲೆ ಇಂಜಂವೊಂಗ್ ಚಾವ್‍ೕಂದ್ ಪೆದ, ಪಾತಾಳ ಅಂವೊಂಡ ಬಯ್ಯಕ್ ಪೋಚಿ. ಬಾಳ್‍ರಗುಂಡ್, ಬರಕಾಲತ್‍ರಗುಂಡ್, ಬೂಮಿರ ದುಷ್ಟ ಮೃಗತ್‍ರಗುಂಡ್, ಬೂಮಿಲ್ ವಾಸ ಮಾಡಿಯಂಡುಳ್ಳ ನಾಲ್‍ಲ್ ಒರ್ ಬಾಗ ಜನತ್‍ನ ಕೊಲೆ ಮಾಡ್‌ವಕುಳ್ಳ ಅದಿಕಾರತ್‍ನ ಕೊಡ್‌ತಿತ್ಂಜತ್.

ಪ್ರಕಟನೆ 7:1

ಇದಾನ ಪಿಂಞ ಬೂಮಿರ ನಾಲ್ ಮೂಲೆಲ್ ನಾಲ್ ದೇವದೂತಂಗ ನಿಂದಂಡ್ ಬೂಮಿರ ಮೇಲೆ, ಸಮುದ್ರತ್‍ರ ಮೇಲೆ, ಏದ್ ಮರತ್‍ರ ಮೇಲೆಯು ಗಾಳಿ ಬೀಜುವಾನ ತಡ್‍ತಿತ್, ಬೂಮಿರ ನಾಲ್ ಗಾಳಿನ ತಡ್‍ತನೆಕೆ ಕಂಡತ್.

ಪ್ರಕಟನೆ 9:15

ಅಕ್ಕ ಲೋಕತ್‍ಲ್ ಉಳ್ಳ ಮನುಷ್ಯಂಗಡಲ್ಲಿ ಮೂಂದ್ ಬಾಗತ್‍ಲ್ ಒರ್ ಬಾಗತ್‍ರ ಜನಳ ಕೊಲ್ಲುವ ಈ ಗಂಟೆಕಾಯಿತು, ಈ ನಾಳ್‌ಕಾಯಿತು, ಈ ತಿಂಗಕಾಯಿತು, ಈ ಕಾಲಕಾಯಿತು ತಾಯಾರಾಯಿತ್ಂಜ ಆ ನಾಲ್ ದೂತಂಗಳ ಉದ್ದಿತ್ ಬುಟ್ಟತ್.

ಪ್ರಕಟನೆ 9:18

ಅಯಿಂಗಡ ಬಾಯಿಂಜ ಬಪ್ಪ ತಿತ್ತ್ ಪೊಗೆ ಗಂಧಕ ಎಣ್ಣುವ ಈ ಮೂಂದ್‍ಂಜ ಮನುಷ್ಯಂಗಡಲ್ಲಿ ಮೂಂದ್‍ಲ್ ಒರ್ ಬಾಗ ಮನುಷ್ಯಂಗ ಚತ್ತ್ ಪೋಚಿ.

ಪ್ರಕಟನೆ 9:4

ಬೂಮಿಲುಳ್ಳ ಪಿಲ್ಲ್‌ನ, ಏದ್ ಒರ್ ಪಚ್ಚೆ ಗಿಡತ್‍ನ ಅಥವ ಮರತ್‍ನ ಪಾಳ್ ಮಾಡತೆ, ನೆತ್ತಿಲ್ ದೇವಡ ಮುದ್ರೆ ಇಲ್ಲತಯಿಂಗಳ ಮಾತ್ರ ಹಿಂಸೆ ಮಾಡ್‌ವಕ್ ಅಯಿಂಗಕ್ ಹುಕುಮ್ ಕ್‍ಟ್ಟಿತ್ಂಜತ್.