ಪ್ರಕಟನೆ 8:5 - ಕೊಡವ ಬೈಬಲ್

⁵ ಮಿಂಞ ದೇವದೂತ ದೂಪತ್‍ರ ಪಾತ್ರತ್‍ನ ಎಡ್‍ತಂಡ್ ಬಲಿಪೀಠತ್‍ರ ತಿತ್ತ್ ಕಂಡತ್‍ನ ದುಂಬ್‌ಚಿಟ್ಟಿತ್, ಬೂಮಿಕ್ ಚಾಡ್‍ಚಿ. ಅಕ್ಕ ದುಂಬ ತೆಡ್, ವಾಣಿ, ಮಿನ್ನಲ್ ಪಿಂಞ ಬೂಕಂಪ ಉಂಟಾಚಿ.

ಪ್ರಕಟನೆ 8:5 ပူးပေါင်းရင်းမြစ်များ

ಮತ್ತಾಯ 24:7

ಜನಕ್ ವಿರೋದವಾಯಿತ್ ಜನಳು, ರಾಜ್ಯಕ್ ವಿರೋದವಾಯಿತ್ ರಾಜ್ಯವು ಯುದ್ದ ಮಾಡ್‌ವ; ದುಂಬ ಜಾಗತ್‍ಲ್ ಬಲ್ಯ ಬೂಕಂಪ ಆಪ, ಬರಗಾಲ ಬಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:49

ನಾನ್ ಬೂಮಿರ ಮೇಲೆ ತಿತ್ತ್ ಇಡ್‌ವಕಾಯಿತ್ ಬಂದಿಯೆ, ಇಕ್ಕಲೆ ತಿತ್ತ್ ಕತ್ತಿಯಂಡಿಂಜತೇಂಗಿ ಎಚ್ಚಕ್ ಚಾಯಿ ಇಂಜತ್.

ಅಪೊಸ್ತಲ 16:26

ಅಕ್ಕಣೆಕ್, ಬಲ್ಯದಾಯಿತ್ ನೆಲಗ್‌ಡ್‍ಗಿತ್, ಜೈಲ್‍ರ ಅಡಿಪಾಯ ಅಲ್ಲಾಡಿ ಪೋಚಿ. ಒಡನೆ ಎಲ್ಲಾ ಪಡಿಯು ತಾನಾಯಿತೇ ತೊರ್ಂದತ್. ಅಲ್ಲಿಂಜ ಎಲ್ಲಾ ಕೈದಿಯಡ ಕೆಟ್ಟ್ ಉತ್ತಿತ್ ಬುದ್ದತ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 11:19

ಅಕ್ಕ, ಪರಲೋಕತ್‍ಲ್ ಉಳ್ಳ ದೇವಾಲಯ ತೊರ್ಂದತ್. ಅಂವೊಂಡ ಆಲಯತ್‍ಲ್ ಅಂವೊಂಡ ಒಪ್ಪಂದತ್‍ರ ಪೊಟ್ಟಿನ ಕಾಂಬಕ್ ಆಚಿ; ಅಕ್ಕಣೆಕ್ ಮಿಂಚ್, ವಾಣಿ, ಗುಡ್‍ಗ್ ಬೂಕಂಪ ಪಿಂಞ ಬಲ್ಯ ಆಲಿಕಾಯಿರ ಮಳೆ ಪೊಜ್ಜತ್.

ಪ್ರಕಟನೆ 4:5

ಆ ಸಿಂಹಾಸನತ್ಂಜ ದುಂಬ ಮಿನ್ನಲ್, ತೆಡ್ ಪಿಂಞ ಬಲ್ಯ ಸದ್ದ್ ಪೊರಟಿತ್ ಬಾತ್; ದೇವಡ ಏಳ್ ಆತ್ಮತ್‍ರ ಏಳ್ ತಿತ್ತ್‌ರ ಬೊಳ್‍ಚ ಸಿಂಹಾಸನತ್‍ರ ಮಿಂಞ ಕತ್ತಿಯಂಡಿಂಜತ್.

ಪ್ರಕಟನೆ 6:12

ಅಂವೊ ಆರನೆ ಮುದ್ರೆನ ಪೊಳಿಪದ್‍ನ ನೋಟಿಯೆ; ಇದಾ, ಬೂಮಿ ಬಲ್ಯದಾಯಿತ್ ಗ್‍ಡ್‍ಗ್‍ಚಿ, ಸೂರ್ಯ ಒರ್ ಕರ್ತ ಗೋಣಿಚೇಲೆರನೆಕೆ ಕರ್ತಿತ್ ಪೋಚಿ, ಚಂದ್ರ ಚೋರೆರನೆಕೆ ಆಯಿಪೋಚಿ.

ಪ್ರಕಟನೆ 8:3

ಅಕ್ಕ ಇಂಞೊರ್ ದೇವದೂತ ಪೊನ್ನ್‌ರ ದೂಪತ್‍ರ ಪಾತ್ರತ್‍ನ ಪುಡ್‍ಚಂಡ್ ಬಲಿಪೀಠತ್‍ರ ಪಕ್ಕ ಬಂದಿತ್ ನಿಂದತ್. ಸಿಂಹಾಸನತ್‍ರ ಎದ್‍ಕೆ ಇಂಜ ಬಲಿ ಕೊಡ್‍ಪ ಪೊನ್ನ್‌ರ ಜಾಗತ್‍ಲ್, ಎಲ್ಲಾ ದೇವಡ ಮಕ್ಕಡ ಪ್ರಾರ್ಥನೆರ ಕೂಡೆ ಅರ್ಪಿಚಿಡ್‌ವಕ್ ಅಂವೊಂಗ್ ದುಂಬ ದೂಪತ್‍ರ ಸಾಂಬ್ರಾಣಿನ ಕೊಡ್‌ತಿತ್ಂಜತ್.