ಪ್ರಕಟನೆ 8:3 - ಕೊಡವ ಬೈಬಲ್

³ ಅಕ್ಕ ಇಂಞೊರ್ ದೇವದೂತ ಪೊನ್ನ್‌ರ ದೂಪತ್‍ರ ಪಾತ್ರತ್‍ನ ಪುಡ್‍ಚಂಡ್ ಬಲಿಪೀಠತ್‍ರ ಪಕ್ಕ ಬಂದಿತ್ ನಿಂದತ್. ಸಿಂಹಾಸನತ್‍ರ ಎದ್‍ಕೆ ಇಂಜ ಬಲಿ ಕೊಡ್‍ಪ ಪೊನ್ನ್‌ರ ಜಾಗತ್‍ಲ್, ಎಲ್ಲಾ ದೇವಡ ಮಕ್ಕಡ ಪ್ರಾರ್ಥನೆರ ಕೂಡೆ ಅರ್ಪಿಚಿಡ್‌ವಕ್ ಅಂವೊಂಗ್ ದುಂಬ ದೂಪತ್‍ರ ಸಾಂಬ್ರಾಣಿನ ಕೊಡ್‌ತಿತ್ಂಜತ್.

ಪ್ರಕಟನೆ 8:3 ပူးပေါင်းရင်းမြစ်များ

ಮಲಾಕಿ 1:11

ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:10

ಅಂವೊ ದೇವಾಲಯತ್‍ರ ಒಳ್‍ಕ್ ಪೋಯಿತ್ ದೂಪ ಅರ್ಪಣ ಮಾಡಿಯಂಡಿಪ್ಪಕ, ದೇವಾಲಯತ್‍ರ ಪೊರಮೆ, ಜನಯೆಲ್ಲ ಪ್ರಾರ್ಥನೆ ಮಾಡಿಯಂಡ್ ಇಂಜತ್.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ಇಬ್ರಿಯ 7:25

ಆನಗುಂಡ್, ತಾಂಡ ಮೂಲಕ ದೇವಡ ಪಕ್ಕ ಬಪ್ಪಯಿಂಗಕಾಯಿತ್ ಎಕ್ಕಾಲು ದೇವಡ ಮಿಂಞತ್ ಬೋಡ್‌ವನೆಕೆ ಬದ್‍ಕಿಯಂಡಿಪ್ಪಗುಂಡ್, ಅಯಿಂಗಳ ಪೂರ್ತಿಯಾಯಿತ್ ರಕ್ಷಣೆ ಮಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್.

ಇಬ್ರಿಯ 9:4

ಅಲ್ಲಿ, ಪೊನ್ನ್‌ರಗುಂಡ್ ಮಾಡ್‍ನ ದೂಪ ಇಡ್‌ವ ಪಾತ್ರವು, ಪೂರ್ತಿ ಪೊನ್ನ್‌ರಗುಂಡ್ ಮುಚ್ಚಿತ್‌ಂಜ ಒಪ್ಪಂದತ್‍ರ ಪೊಟ್ಟಿಯು ಇಂಜತ್. ಆ ಪೊಟ್ಟಿಲ್ ಮನ್ನಾ ಬೆಚ್ಚಿತ್ಂಜ ಪೊನ್ನ್‌ರ ಬರಣಿಯು, ಆರೋನಂಡ ಮೊಳೆಕೆ ಬಂದಿತ್ಂಜ ಕೋಲು, ಒಪ್ಪಂದತ್‍ರ ಕಲ್ಲ್‌ರ ದಂಡ್ ಅಟ್ಟೆಪಾರ್ ಇಂಜತ್.

ಪ್ರಕಟನೆ 10:1

ಪಿಂಞ, ಇಂಞೊರ್ ಶಕ್ತಿವಂತ ದೇವದೂತ ಬಾನತ್ಂಜ ಇಳ್ಂಜಿ ಬಪ್ಪಾನ ನಾನ್ ಕಂಡಿಯೆ; ಮೋಡ ಅಂವೊನ ಮುಚ್ಚಿತ್ಂಜತ್. ಅಂವೊಂಡ ಮಂಡೆರ ಮೇಲೆ ಮಳೆಬಿಲ್ಲ್ ಇಂಜತ್. ಅಂವೊಂಡ ಮೂಡ್ ಸೂರ್ಯಂಡನೆಕೆ ಇಂಜತ್, ಅಂವೊಂಡ ಕಾಲ್ ತಿತ್ತ್‌ರ ಕಂಬತ್‍ರನೆಕೆ ಇಂಜತ್.

ಪ್ರಕಟನೆ 14:18

ತಿತ್ತ್‌ರ ಮೇಲೆ ಅದಿಕಾರ ಉಳ್ಳ ಬೋರೆ ಒರ್ ದೇವದೂತ ಬಲಿಪೀಠತ್‍ರ ಪಕ್ಕತ್ಂಜ ಪೊರಟಿತ್ ಬಂದಿತ್, ಚೂಪಾಯಿತುಳ್ಳ ಕೊಯಿಕತ್ತಿನ ಪುಡ್‌ಚಂಡುಳ್ಳಂವೊನ ನೋಟಿತ್: ಬೂಮಿರ ದ್ರಾಕ್ಷಿ, ಪಣ್ಣಾಯಿ ಪೋಚಿ, ಚೂಪಾಯಿತುಳ್ಳ ನೀಡ ಕೊಯಿಕತ್ತಿನ ನ್‍ೕಟಿತ್, ದ್ರಾಕ್ಷಿ ಕೊಲೆನ ಕೆತ್ತುವಿಯಾಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ:

ಪ್ರಕಟನೆ 6:9

ಅಂವೊ ಅಂಜನೆ ಮುದ್ರೆನ ಪೊಳಿಪಕ, ದೇವಡ ವಾಕ್ಯಕಾಯಿತ್, ಅಯಿಂಗ ಕೊಡ್‍ತ ಸಾಕ್ಷಿಕಾಯಿತ್ ಕೊಲೆ ಆನಯಿಂಗಡ ಆತ್ಮತ್‌ನ ಬಲಿಪೀಠತ್‍ರ ಅಡಿಲ್ ಕಂಡಿಯೆ.

ಪ್ರಕಟನೆ 7:2

ಇದ್‍ಲ್ಲತೆ ಇಂಞೊರ್ ದೂತ ಜೀವವಾಯಿತುಳ್ಳ ದೇವಡ ಮುದ್ರೆರ ಕೋಲ್‍ನ ಎಡ್‍ತಂಡ್ ಕ್‍ೕಕ್ ದಿಕ್ಕ್‌ಂಜ ಪತ್ತಿಯಂಡ್ ಬಪ್ಪದ್‍ನ ಕಂಡತ್. ಅಂವೊ ಜೋರಾನ ಸ್ವರತ್‍ಲ್: ಬೂಮಿನ, ಸಮುದ್ರತ್‍ನ ಪಾಳ್ ಮಾಡ್‌ವಕ್ ಅದಿಕಾರ ಪಡ್ಂದ ನಾಲ್ ದೂತಂಗಳ ನೋಟಿತ್:

ಪ್ರಕಟನೆ 8:4

ಅಕ್ಕ ಅರ್ಪಿಚಿಟ್ಟ ದೂಪತ್‍ರ ಪೊಗೆ ದೇವದೂತಂಡ ಕೈಯಿಂಜ ಪೊರಟಿತ್ ದೇವಡ ಮಕ್ಕಡ ಪ್ರಾರ್ಥನೆರ ಕೂಡೆ ಕೂಡಿತ್ ದೇವಡ ಪಕ್ಕ ಕೊಡಿಕ್ ಪೋಚಿ.

ಪ್ರಕಟನೆ 8:5

ಮಿಂಞ ದೇವದೂತ ದೂಪತ್‍ರ ಪಾತ್ರತ್‍ನ ಎಡ್‍ತಂಡ್ ಬಲಿಪೀಠತ್‍ರ ತಿತ್ತ್ ಕಂಡತ್‍ನ ದುಂಬ್‌ಚಿಟ್ಟಿತ್, ಬೂಮಿಕ್ ಚಾಡ್‍ಚಿ. ಅಕ್ಕ ದುಂಬ ತೆಡ್, ವಾಣಿ, ಮಿನ್ನಲ್ ಪಿಂಞ ಬೂಕಂಪ ಉಂಟಾಚಿ.

ಪ್ರಕಟನೆ 9:13

ಆರನೆ ದೇವದೂತ ವಾಲಗ ಕೊಂಬ್‍ನ ಊದ್‍ವಕಾಪಕ: ದೇವಡ ಎದ್‍ಕೆ ಇಂಜ ಪೊನ್ನ್‌ರ ಬಲಿಪೀಠತ್‍ರ ನಾಲ್ ಕೊಂಬ್‍ಯಿಂಜ ಒರ್ ವಾಣಿ ಬಾತ್.