ಪ್ರಕಟನೆ 7:12 - ಕೊಡವ ಬೈಬಲ್

¹² ಆಮೆನ್, ನಂಗಡ ದೇವಕ್ ತುದಿಯು, ಮಹಿಮೆಯು, ಜ್ಞಾನವು, ವಂದನೆಯು, ಗನವು, ಅದಿಕಾರವು, ಶಕ್ತಿಯು ಎಕ್ಕಾಲು ಇಕ್ಕಡ್, ಆಮೆನ್‍ಂದ್ ಎಣ್ಣ್‌ಚಿ.

ಪ್ರಕಟನೆ 7:12 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 2:9

ಆಚೇಂಗಿ ನಾನ್, ನಿನ್ನ ತುದಿಚಿತ್‌ ನೀಕ್‌ ಬಲಿ ಕೊಡ್‌ಪಿ; ನಾನ್‌ ಮಾಡ್‌ನ ಪರಕೆನ ಒಪ್ಪಿಚಿಡ್‌ವಿ; ಎನ್ನಂಗೆಣ್ಣ್‌ಚೇಂಗಿ ರಕ್ಷಣೆ ಯೆಹೋವನಗುಂಡ್‌ ಮಾತ್‌ರ ಬಪ್ಪ.

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ರೋಮ್ 11:36

ಎಲ್ಲಾ ಅಂವೊನಗುಂಡ್, ಅಂವೊಂಡ ಮೂಲಕ, ಅಂವೊಂಗಾಯಿತ್ ಉಂಡ್; ಅಂವೊಂಗೇ ಎಕ್ಕಾಲು ಮಹಿಮೆ ಬರಡ್. ಆಮೆನ್.

1 ಕೊರಿಂಥ 14:16

ಅನ್ನನೆ ಮಾಡತ ಪೋಚೇಂಗಿ, ನಿಂಗ ನಿಂಗಡ ಆತ್ಮತ್‍ಲ್ ದೇವಕ್ ವಂದನೆ ಮಾಡ್‌ವಕ, ಆ ಬಾಷೆ ಗೊತ್ತಿಲ್ಲತಂವೊ ನಿಂಗಡ ಆರಾದನೆಲ್ ಇಂಜತೇಂಗಿ, ಅಂವೊ ಎನ್ನನೆ ಆಮೆನ್‍ಂದ್ ಎಣ್ಣುವ? ಅಂವೊಂಗ್ ನೀಡ ತಕ್ಕ್ ಗೊತ್ತ್‌ಲೆಲ್ಲ?

2 ಕೊರಿಂಥ 4:15

ದೇವಡ ಕೃಪೆ ದುಂಬ ಜನಡ ಪಕ್ಕ ಪೋಯಂಡ್, ದೇವಡ ಮಹಿಮೆಕಾಯಿತ್ ಅಂವೊಂಗ್ ವಂದನೆ ಎಣ್ಣುವದ್ ಅದಿಯಾಯಂಡಿಪ್ಪನೆಕೆ ಇದೆಲ್ಲಾ ನಿಂಗಕಾಯಿತ್ ಆಯಂಡುಂಡ್.

ಕೊಲೊಸ್ಸೆ 2:7

ನಿಂಗಡ ಬೇರ್ ಅಂವೊಂಡಲ್ಲಿ ಆಳವಾಯಿತ್ ಬೇರೂರಿತ್, ನಿಂಗಡ ಬದ್‍ಕ್‍ನ ಅಂವೊಂಡ ಮೇಲೆ ಕೆಟ್ಟುವಿರ. ಅಕ್ಕ ನಿಂಗಕ್ ಕ್‍ಟ್ಟ್‌ನ ನಂಬಿಕೇಲ್ ನಿಂಗ ದೃಡವಾಯಿತ್ ಬೊಳ್ಂದಿತ್, ದೇವಕ್ ವಂದನೆ ಎಣ್ಣುವದ್‍ಲ್ ದುಂಬ ಬೊಳಿವಿರ.

ಕೊಲೊಸ್ಸೆ 3:17

ತಕ್ಕ್ ಪರಿವದಾಡ್, ಕೆಲಸ ಮಾಡ್‌ವದಾಡ್, ನಿಂಗ ಎಂತ ಮಾಡ್‍ಚೇಂಗಿಯು, ಅದ್‍ನೆಲ್ಲಾ ಒಡೆಯನಾನ ಯೇಸುರ ಪೆದತ್‍ಲ್ ಮಾಡಿಯಂಡ್, ಅಂವೊಂಡ ಮೂಲಕ ಅಪ್ಪನಾನ ದೇವಕ್ ವಂದನೆ ಎಣ್ಣಿಯಂಡಿರಿ.

ಯೂದ ಒಳ್‍ದ್‍ನ ಕಾಗದ 1:25

ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.

ಪ್ರಕಟನೆ 1:18

ನಾನ್ ಚತ್ತ್‌ಪೋನ, ಆಚೇಂಗಿಯು ಇದಾ, ನಾನ್ ಎಕ್ಕಾಲು ಬದ್‍ಕಿಯಂಡುಳ್ಳ. ಚಾವ್ ಪಿಂಞ ಪಾತಾಳತ್‍ರ ಬೀತ್‍ಕೈ ನಾಡ ಪಕ್ಕ ಉಂಡ್.

ಪ್ರಕಟನೆ 19:4

ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ.