ಪ್ರಕಟನೆ 6:4 - ಕೊಡವ ಬೈಬಲ್

⁴ ಅಕ್ಕ ಚೋಂದ ಕುದ್‌ರೆ ಪೊರಟಿತ್ ಪೋಚಿ. ಅದ್ಂಡಮೇಲೆ ಇಂಜಂವೊಂಗ್, ಬೂಮಿಲ್ ಉಳ್ಳ ಒಬ್ಬೊಬ್ಬನ ಕೊಲೆ ಮಾಡ್‌ವಕಾಯಿತ್, ಸಮಾದಾನತ್‍ನ ಎಡ್‍ತಿತ್ ಕಳೆಯುವಕ್ ಅದಿಕಾರ ಕೊಡ್‌ತಿತ್ಂಜತ್; ಒರ್ ಬಲ್ಯ ಬಾಳ್ ಅಂವೊಂಗ್ ಕೊಡ್‌ತಿತ್ಂಜತ್.

ಪ್ರಕಟನೆ 6:4 ပူးပေါင်းရင်းမြစ်များ

ಮತ್ತಾಯ 10:34

ನಾನ್, ಬೂಮಿಲ್ ಸಮಾದಾನತ್‍ನ ಕೊಡ್‍ಪಕಾಯಿತ್ ಬಂದಿಯೇಂದ್ ನಿಂಗ ಗೇನ ಮಾಡತಿ. ಸಮಾದಾನ ಮಾಡ್‌ವಕ್ ಅಲ್ಲ, ಆಚೇಂಗಿ ವಿಂಗಡ ಮಾಡ್‌ವಕ್ ಬಂದಿಯೆ.

ಮತ್ತಾಯ 24:6

ಯುದ್ದತ್‍ನ ಪಿಂಞ ಯುದ್ದತ್‍ರ ಸುದ್ದಿನ ಕ್‍ೕಪಿರ. ಆಚೇಂಗಿ ನಿಂಗ ಬೊತ್ತತನೆಕೆ ಎಚ್ಚರತ್ ಇರಿ. ಎನ್ನಂಗೆಣ್ಣ್‌ಚೇಂಗಿ ಇನ್ನನೆ ಎಲ್ಲಾ ನಡ್‌ಕಂಡು. ಆಚೇಂಗಿಯು ಅದ್ ಅಂತ್ಯ ಕಾಲವಾಯಿತ್‌ಪ್ಪುಲೆ.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 12:3

ಅಕ್ಕ, ಬಾನತ್‍ಲ್ ಇಂಞೊರ್ ಗುರ್‍ತ್‍ನ ಕಾಂಬಕಾಚಿ; ಅದ್ ಚೋಂದಿತ್ ಇಂಜ ಬಲ್ಯ ಘಟಸರ್ಪವಾಯಿತ್ಂಜತ್. ಅದ್ಂಗ್ ಏಳ್ ಮಂಡೆ, ಪತ್ತ್ ಕೊಂಬ್ ಪಿಂಞ ಅದ್ಂಡ ಮಂಡೆರ ಮೇಲೆ ಏಳ್ ಕಿರೀಟ ಇಂಜತ್.

ಪ್ರಕಟನೆ 13:10

ದಾರ್ ಜನಳ ಪುಡ್‌ಚಿತ್ ಅಡಿಯಾಳಾಯಿತ್ ಕೊಂಡ್ ಪೋಪ, ಅಯಿಂಗಳ ಸಹ ಅಡಿಯಾಳಾಯಿತ್ ಪುಡ್‍ಚಂಡ್ ಪೋಪ; ಬಾಳ್‌ಯಿಂಜ ಕೊಲ್ಲ್‌ವಂವೊ ಬಾಳ್‍ರಗುಂಡ್ ಚಾವಂಡು. ಇದ್‍ಲ್ ದೇವಡ ಮಕ್ಕಡ ಪೊರುಮೆ ಪಿಂಞ ನಂಬಿಕೆ ಗೊತ್ತಾಪ.

ಪ್ರಕಟನೆ 17:3

ಪವಿತ್ರಾತ್ಮತ್‍ಲ್ ಅಂವೊ ನನ್ನ ಮಣಬೂಮಿಕ್ ಕಾಕಿಯಂಡ್ ಪೋಚಿ. ಅಲ್ಲಿ ನಾನ್ ಚೋಂದ ರಂಗ್‍ರ ಒರ್ ಮೃಗತ್‍ನ ಕಂಡಿಯೆ. ಆ ಮೃಗಕ್ ಏಳ್ ಮಂಡೆಯು ಪತ್ತ್ ಕೊಂಬು ಇಂಜತ್. ಅದ್ಂಡ ತಡಿ ಪೂರ್ತಿ ದೇವ ದೂಷಣೆರ ಪೆದತ್‍ರಗುಂಡ್ ಮುಚ್ಚಿತ್ಂಜತ್. ಅದ್ಂಡಮೇಲೆ ಒರ್ ಪೊಣ್ಣಾಳ್ ಅಳ್‍ತಂಡಿಂಜತ್.

ಪ್ರಕಟನೆ 17:6

ಆ ಪೊಣ್ಣಾಳ್ ದೇವಡ ಮಕ್ಕಡ ಚೋರೆನ, ಯೇಸುಕ್ ಸಾಕ್ಷಿ ಕೊಡ್‍ತ ಮಕ್ಕಡ ಚೋರೆನ ಕುಡಿಚ ಬೋಗತ್‍ಲ್ ಇಪ್ಪದ್‍ನ ಕಂಡಿಯೆ. ಅವಳ ಕಾಂಬಕ ನಾಕ್ ದುಂಬ ಆಶ್ಚರ್ಯ ಆಚಿ.