ಪ್ರಕಟನೆ 6:17 - ಕೊಡವ ಬೈಬಲ್

¹⁷ ಅಂವೊಂಡ ಬಲ್ಯ ಚೆಡಿರ ಬಲ್ಯ ದಿವಸ ಬಾತ್, ದಾರ್‌ಕ್ ನಿಪ್ಪಕ್ ಕಯ್ಯೂಂದ್ ಎಣ್ಣ್‌ಚಿ.

ಪ್ರಕಟನೆ 6:17 ပူးပေါင်းရင်းမြစ်များ

ಮಲಾಕಿ 3:2

ಆಚೇಂಗಿಯು ಅಂವೊ ಬಪ್ಪ ದಿವಸತ್‌ನ ದಾರ್‌ ಸೈಸುವಕಯ್ಯು? ಅಂವೊ ಪ್ರತ್ಯಕ್ಷ ಆಪಕ ದಾರ್‌ಕ್‌ ನಿಪ್ಪಕಯ್ಯು? ಅಂವೊ ಬೊಳ್ಳಿನ ಚುಟ್ಟಿತ್‌ ಶುದ್ದ ಮಾಡ್‌ವಂವೊನೆಕೆಯು ಇಲ್ಲತ ಪೋಚೇಂಗಿ ಬಟ್ಟೆ ಒಲೀಪ್ಪಂವೊಂಡ ಸೋಪ್ಪ್‌ರನೆಕ್ಕಯ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:36

ಆನಗುಂಡ್, ಇನ್ನನೆ ನಡ್‍ಪಕುಳ್ಳ ಕಾರ್ಯತ್ಂಜ ನಿಂಗಳ ಕಾಪಾಡ್‌ವಕಾಯಿತ್ ಎಕ್ಕಾಲು ತಯಾರಾಯಿತ್ ಎಲ್ಲಾ ಸಮಯತ್‍ಲ್ ಪ್ರಾರ್ಥನೆ ಮಾಡಿಯಂಡ್ ಇರಂಡು. ಅಕ್ಕ ಮನುಷ್ಯಕುಮಾರಂಡ ಮಿಂಞ ಯೋಗ್ಯತೆ ಉಳ್ಳಯಿಂಗಳಾಯಿತ್ ನಿಪ್ಪಕ್ ಕಯ್ಯು.

ರೋಮ್ 2:5

ಆಚೇಂಗಿ, ನಿಂಗಡ ಕಠಿಣ ಹೃದಯತ್‍ರಗುಂಡ್ ಪಿಂಞ ವಾಸಿ ಆಕತ ಹೃದಯತ್‍ರಗುಂಡ್, ನೀತಿಯುಳ್ಳ ತೀರ್ಪ್ ತಪ್ಪ ದೇವಡ ಬಲ್ಯ ಚೆಡಿರ ದಿವಸತ್‍ಲ್, ನಿಂಗ ನಿಂಗಕಾಯಿತ್ ದೇವಡ ಬಲ್ಯ ಚೆಡಿನ ಕೂಟಿ ಬೆಚ್ಚಂಡುಳ್ಳಿರಲ್ಲ?

ಯೂದ ಒಳ್‍ದ್‍ನ ಕಾಗದ 1:6

ಅಯಿಂಗಯಿಂಗಡ ಅದಿಕಾರತ್‍ರ ಸ್ತಾನತ್‍ನ ಕಾಪಾಡತೆ, ಅಯಿಂಗಕ್ ದೇವ ತಂದ ಜಾಗತ್‍ನ ಬುಟ್ಟಿತ್ ಪೋನ ಪರಲೋಕತ್‍ಲ್ ಇಂಜ ಚೆನ್ನ ದೂತಂಗಳ, ಅಂವೊ ಮಹಾ ದಿವಸತ್‍ರ ತೀರ್ಪ್‌ಕಾಯಿತ್ ಅಯಿಂಗಳ ನಿತ್ಯ ಸರ್ಪಣಿಲ್ ಕೆಟ್ಟಿತ್ ಇರ್‌ಟ್‌ಲ್ ಬೆಚ್ಚಿತ್ ಉಂಡ್.

ಪ್ರಕಟನೆ 11:18

ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 16:14

ಅಯಿಂಗ ಅದ್ಬುದ ಮಾಡ್‌ವ ಕೂಳಿಯಂಗ; ಬೂಲೋಕತ್‍ಲ್ ಉಳ್ಳ ರಾಜಂಗಡ ಪಕ್ಕ ಪೋಯಿತ್ ಸರ್ವ ಶಕ್ತನಾಯಿತ್ ಉಳ್ಳ ದೇವಡ ಮಹಾ ದಿವಸತ್‍ಲ್ ಆಪ ಯುದ್ದಕ್ ಅಯಿಂಗಳ ಕೂಟ್‍ವಕಾಯಿತ್ ಪೊರಟಿತ್ ಪೋಚಿ.