ಪ್ರಕಟನೆ 6:10 - ಕೊಡವ ಬೈಬಲ್

¹⁰ ಅಯಿಂಗ ಬಲ್ಯ ಸದ್ದ್‌ಲ್: ಪವಿತ್ರವಾನ ಸತ್ಯವಂತ ಸರ್ವ ಶಕ್ತಿಯುಳ್ಳ ಒಡೆಯನೇ, ಬೂಮಿಲ್ ವಾಸ ಮಾಡಿಯಂಡುಳ್ಳ ಅಯಿಂಗಡಲ್ಲಿ, ನಂಗಡ ಚೋರೆರ ವಿಷಯತ್ ಎಚ್ಚಕ್ ಕಾಲ ನ್ಯಾಯತೀರ್ಪ್ ಮಾಡತೆ, ನಂಗಳ ಕೊಲೆ ಮಾಡ್‍ನಯಿಂಗಕ್ ಬದ್‍ಲ್ ಶಿಕ್ಷೆ ಕೊಡ್‍ಕತೆ ಇಪ್ಪಿಯಾಂದ್ ಕೂತ್ ಕೊಡ್‍ತತ್.

ಪ್ರಕಟನೆ 6:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 4:10

ಅದಂಗ್‌ ಯೆಹೋವ: ನೀನ್‌ ಎಂತ ಮಾಡಿಯ? ಕ್‍ೕಳ್‌! ನೀಡ ತಮ್ಮಣಂಡ ಚೋರೆ ಬೂಮಿಯಿಂಜ ನನ್ನ ಕಾಕಿಯಂಡುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:22

ಎನ್ನಂಗೆಣ್ಣ್‌ಚೇಂಗಿ ದೇವಡ ವಾಕ್ಯತ್‍ಲ್ ಒಳ್‌ದಿತುಳ್ಳದೆಲ್ಲ ಪೂರ್ತಿ ಆಪಕುಳ್ಳ, ದೇವ ಶಿಕ್ಷೆ ತಪ್ಪ ಕಾಲವಾಯಿತಿಪ್ಪ.

ರೋಮ್ 12:19

ನಾಡ ಪ್ರೀತಿರ ಜನಳೇ, ಪಗೆ ತ್‍ೕಪದ್ ನಾಡ ಕೆಲಸ, ನಾನೇ ಪಗೆ ತ್‍ೕಪೀಂದ್ ಒಡೆಯ ಎಣ್ಣಿತುಂಡ್‍ೕಂದ್ ಒಳ್‍ದಿತುಳ್ಳಾಂಗ್, ನಿಂಗ ದಾರ್‌ಕು ಪಗೇನ ತ್‍ೕಕತೆ, ದೇವಡ ಬಲ್ಯ ಚೆಡಿಕ್ ಬುಟ್ಟ್ ಕೊಡಿ.

ಇಬ್ರಿಯ 12:24

ಪುದಿಯ ಒಪ್ಪಂದತ್‍ರ ಮದ್ಯಸ್ತನಾಯಿತುಳ್ಳ ಯೇಸುರ ಪಕ್ಕವು, ಹೇಬೆಲಂಡ ಚೋರೆಕಿಂಜ ಚಾಯಿ ತಕ್ಕ್ ಪರಿಯುವ ಚೋರೆಯಾಯಿತುಳ್ಳ ತಳಿಪ ಚೋರೆರ ಪಕ್ಕವು ಬಂದಿತುಳ್ಳಿರ.

2 ಪೇತ್ರ 2:1

ಇಸ್ರಾಯೇಲ್ ಜನಡ ಮದ್ಯತ್‍ಲ್ ಸಹ ಕಳ್ಳ ಪ್ರವಾದಿಯಂಗ ಇಂಜತ್. ಅನ್ನನೆ ನಿಂಗಡ ಮದ್ಯತ್‍ಲು ಕಳ್ಳ ಬೋದನೆಕಾರಂಗ ಇಪ್ಪ. ಅಯಿಂಗ ದಾರ್‌ಕು ಗೊತ್ತಿಲ್ಲತನೆಕೆ, ತಂತ್ರವಾಯಿತ್ ದೇವಡ ಮಕ್ಕಳ ಪಾಳ್ ಮಾಡ್‌ವ ಪಾಳ್ ಬೋದನೆನ ಬೋದನೆ ಮಾಡಿತ್, ಅಯಿಂಗಕ್ ರಕ್ಷಣೆ ತಪ್ಪಕಾಯಿತ್ ಬೆಲೆ ಕೊಡ್‍ತ ಒಡೆಯನ ಸಹ ಒತ್ತತೆ, ಅಯಿಂಗಕ್ ಅಯಿಂಗಳೇ ಬೆರಿಯ ನಾಶ ಬಪ್ಪನೆಕೆ ಮಾಡ್‌ವ.

ಪ್ರಕಟನೆ 11:18

ನೀಡ ಜನ ಅಲ್ಲತಯಿಂಗಕ್ ಚೆಡಿ ಬಾತ್, ಅಕ್ಕ ನೀಕ್ ಬಲ್ಯ ಚೆಡಿ ಉಂಟಾಚಿ; ಚತ್ತಯಿಂಗಕ್ ನ್ಯಾಯತೀರ್ಪ್ ಕ್‍ಟ್ಟ್‌ವಕು, ಪ್ರವಾದಿಯಳಾನ ನೀಡ ಸೇವಕಂಗಕು, ದೇವಡ ಮಕ್ಕಕು, ನೀಡ ಪೆದತ್‍ರ ಮೇಲೆ ಬಕ್ತಿಯಾಯಿತ್ ಇಂಜ ಬಲ್ಯಯಿಂಗಕು ಚೆರಿಯಯಿಂಗಕು ಫಲ ತಪ್ಪಕು, ಬೂಮಿಕ್ ಕ್‍ೕಡ್ ಮಾಡ್‍ನಯಿಂಗಳ ಪಾಳ್ ಮಾಡ್‌ವಕು, ಸಮಯ ಬಾತ್‍ೕಂದ್ ಎಣ್ಣಿತ್ ದೇವನ ತುದಿಚತ್.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.

ಪ್ರಕಟನೆ 18:24

ಪ್ರವಾದಿಯಡ ಚೋರೆ, ದೇವಡ ಮಕ್ಕಡ ಚೋರೆ, ಪಿಂಞ ಬೂಮಿಲ್ ಕೊಂದಯಿಂಗ ಎಲ್ಲಾಡ ಚೋರೆ ನೀಡಲ್ಲಿ ಕಂಡತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 19:2

ತಾಂಡ ವ್ಯಬಿಚಾರತ್‍ರಗುಂಡ್ ಬೂಮಿನ ಪಾಳ್ ಮಾಡ್‍ನ, ಮಹಾ ವ್ಯಬಿಚಾರಿಕ್ ದೇವ ಶಿಕ್ಷೆ ಕೊಡ್‍ತತ್. ಅಂವೊಂಡ ಸೇವಕಂಗಡ ಚೋರೆಕಾಯಿತ್ ಅವಡ ಪಕ್ಕ ಅಂವೊ ಬದ್‍ಲ್ ಮಾಡ್‍ನಗುಂಡ್, ಅಂವೊಂಡ ನ್ಯಾಯತೀರ್ಪ್ ಸತ್ಯವಾನದು ನೀತಿಯುಳ್ಳದಾಯಿತು ಉಂಡ್.

ಪ್ರಕಟನೆ 3:10

ನಾನ್ ಎಣ್ಣ್‌ನ ಆಜ್ಞೇರಗುಂಡ್ ಬಂದ ಕಷ್ಟತ್‍ನ ಪೊರುಮೇಲ್ ಸಹಿಸಿಯಂಡ್ ಕಾಪಾಡಿತುಳ್ಳಿಯ. ಆನಗುಂಡ್, ಈ ಲೋಕತ್‍ಲ್ ವಾಸಮಾಡಿಯಂಡುಳ್ಳಯಿಂಗಳ ಸೋದನೆ ಮಾಡ್‌ವಕಾಯಿತ್ ಈ ಬೂಮಿಲ್ ಎಲ್ಲಾ ಜಾಗತ್‍ಲು ಬಪ್ಪಕುಳ್ಳ ಸೋದನೆರ ಕಾಲತ್‍ಲ್ ನಾನ್ ನಿನ್ನ ಕಾಪಾಡ್‍ವಿ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.