ಪ್ರಕಟನೆ 5:5 - ಕೊಡವ ಬೈಬಲ್

⁵ ಅಕ್ಕ, ಪೆರಿಯಯಿಂಗಡಲ್ಲಿ ಒಬ್ಬ, ನನ್ನ ನೋಟಿತ್: ನೀನ್ ಮೊರಡತೆ, ಯೆಹೂದ್ಯ ಕುಲತ್‍ರ ಸಿಂಹವೂ, ದಾವೀದ ರಾಜಂಡ ಬೇರಾಯಿತ್ ಉಳ್ಳಂವೊ ಈ ಪುಸ್ತಕತ್‍ನ ತೊರ್‌ಪಕು ಅದ್ಂಡ ಏಳ್ ಮುದ್ರೆಯಳ ಪೊಳಿಪಕು ಗೆದ್ದಿತುಂಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 5:5 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:28

ಯೇಸು, ಅಯಿಂಗ ಗೋಳಾಡುವಾನ ಕಂಡಿತ್, ಯೆರೂಸಲೇಮ್‍ರ ಪೊಣ್ಣಾಳ್‌ವಳೇ, ನಾಕಾಯಿತ್ ನಿಂಗ ಮೊರಡತಿ! ನಿಂಗಡ ಮಕ್ಕಕಾಯಿತ್ ನಿಂಗಕಾಯಿತ್ ಗೋಳಾಡೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 7:13

ಒಡೆಯ ಅವಳ ಕಂಡದು, ಕನಿಕರ ಪಟ್ಟಿತ್: ಮೊರಡತೆ ಎಣ್ಣಿಯಂಡ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 8:52

ಎಲ್ಲಾರು ಕಂಞಿಕಾಯಿತ್ ದುಃಖಿಚಿಟ್ಟಂಡು ಮೊರಟಂಡು ಇಂಜಾನ ಕಂಡಿತ್, ಕುಂಞಿ ವರಿಯಂಡ್ ಉಂಡ್ ದಾರೂ ಮೊರಡತಿ ದುಃಖಪಡತೀಂದ್ ಯೇಸು ಎಣ್ಣ್‌ಚಿ.

ಯೋಹಾನ 20:13

ಅಯಿಂಗ ಅವಳ ನೋಟಿತ್: ಅವ್ವ, ನೀನ್ ಎನ್ನಂಗ್ ಮೊರಟಂಡ್ ಉಳ್ಳಿಯಾಂದ್ ಕ್‍ೕಟತ್. ಅಯಿಂಗಕ್ ಅವ: ನಾಡ ಒಡೆಯನ ದಾರೋ ಎಡ್‍ತಂಡ್ ಪೋಯಿರ್‌ತ್, ಅಯಿಂಗ ಎಲ್ಲಿ ಇಟ್ಟತೋ ನಾಕ್ ಗೊತ್ತಿಲ್ಲೇಂದ್ ಅವ ಎಣ್ಣ್‌ಚಿ.

ರೋಮ್ 1:3

ಅದ್ ದೇವಡ ಮೋಂವೊನಾನ ಯೇಸುರ ನಲ್ಲ ಸುದ್ದಿರ ವಿಷಯವೇ. ಅಂವೊ ಮನುಷ್ಯನಾಯಿತ್ ನಂಗಡ ಅಜ್ಜನಾನ ದಾವೀದ ರಾಜಂಡ ಸಂತಾನತ್‍ಲ್ ಪುಟ್ಟ್‌ಚಿ.

ರೋಮ್ 15:12

ಯೆಶಾಯ ಪ್ರವಾದಿ: ಇಷಯ ಎಣ್ಣ್‌ವಂವೊಂಡ ಸಂತಾನತ್‍ಲ್ ಬಪ್ಪಂವೊನು, ಯೆಹೂದ್ಯ ಅಲ್ಲತಯಿಂಗಳ ಆಳುವಂವೊನು ಆಯಿತುಳ್ಳ ಒಬ್ಬ, ಬಂದಂಡುಂಡ್, ಅಂವೊಂಡಲ್ಲಿ ಯೆಹೂದ್ಯ ಅಲ್ಲತಯಿಂಗ ನಂಬಿಕೆ ಇಡ್‍ವಾಂದ್ ಎಣ್ಣ್‌ಚಿ.

ಇಬ್ರಿಯ 7:14

ನಂಗಡ ಒಡೆಯ ಯೆಹೂದ್ಯ ಕುಲತ್‍ಲ್ ಪುಟ್ಟ್‌ನಂವೋಂದ್ ಎಲ್ಲಾರ್‌ಕು ಗೊತ್ತುಂಡ್; ಯೆಹೂದ್ಯ ಕುಲತ್‍ರ ಜನ ಯಾಜಕ ಸೇವೆ ಮಾಡ್‌ವ ವಿಷಯತ್ ಮೋಶೆ ಒಂದು ಎಣ್ಣಿತ್‌ಲ್ಲೆ.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 3:21

ನಾನ್ ಗೆದ್ದಿತ್ ನಾಡ ಅಪ್ಪಂಡ ಸಿಂಹಾಸನತ್‍ಲ್ ಅಳ್‍ತಂಡುಳ್ಳನೆಕೆ, ದಾರ್ ಗೆಲ್ಲುವ ಅಂವೊನು ಸಹ ನಾಡ ಸಿಂಹಾಸನತ್‍ಲ್ ಅಳ್‌ಪಕ್ ನಾನ್ ಅದಿಕಾರ ತಪ್ಪಿ.

ಪ್ರಕಟನೆ 4:10

ಅಕ್ಕ ಇರುವತ ನಾಲ್ ಪೆರಿಯಯಿಂಗಳು, ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊಂಡ ಮಿಂಞತ್ ಅಡ್ಡ ಬುದ್ದಿತ್, ಎಕ್ಕಾಲು ಬದ್‍ಕಿಯಂಡುಳ್ಳಂವೊನ ಆರಾದನೆ ಮಾಡಿತ್, ಅಯಿಂಗಡ ಕಿರೀಟತ್‍ನ ಸಿಂಹಾಸನತ್‍ರ ಮಿಂಞ ಬೆಚ್ಚಿತ್,

ಪ್ರಕಟನೆ 4:4

ಆ ಸಿಂಹಾಸನತ್‍ರ ಸುತ್ತ್‌ಲ್ ಇರುವತ ನಾಲ್ ಸಿಂಹಾಸನ ಇಂಜತ್. ಇರುವತ ನಾಲ್ ಪೆರಿಯಯಿಂಗ ಬೊಳ್‍ತ ಬಟ್ಟೆ ಇಟ್ಟಂಡ್, ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟ ಇಟ್ಟಿತ್ ಆ ಸಿಂಹಾಸನತ್‍ಲ್ ಅಳ್‌ತಂಡಿಪ್ಪದ್‍ನ ಕಂಡಿಯೆ.

ಪ್ರಕಟನೆ 5:4

ಆ ಪುಸ್ತಕತ್‍ನ ತೊರ್‌ಪಕು, ನೋಟ್‍ವಕು, ಯೋಗ್ಯನಾಯಿತ್ ಒಬ್ಬ ಸಹ ಇಲ್ಲತದ್‍ನ ಕಂಡಿತ್, ನಾನ್ ದುಂಬ ಮೊರಟಿಯೆ.

ಪ್ರಕಟನೆ 6:1

ಕೊರಿಕುಟ್ಟಿಯಾನಂವೊ ಮುದ್ರೆಲ್ ಒರ್ ಮುದ್ರೆನ ಪೊಳಿಪದ್‍ನ ನಾನ್ ಕಂಡಿಯೆ. ಅಕ್ಕ ನಾಲ್ ಜೀವ ಪ್ರಾಣಿಯಡಡೆಲ್ ಒರ್ ಜೀವ ಪ್ರಾಣಿ ನನ್ನ ನೋಟಿತ್: ನೀನ್ ಬಂದ್ ನೋಟ್‍ೕಂದ್ ತೆಡ್ ಬಡಿಪ ಸದ್ದ್‌ಲ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 7:13

ಪೆರಿಯಯಿಂಗಡ ಕೂಟ್‌ಲ್ ಇಂಜ ಒಬ್ಬ ನನ್ನ ನೋಟಿತ್: ಬೊಳ್‍ತ ಬಟ್ಟೆ ಇಟ್ಟಂಡ್ ಉಳ್ಳ ಈಂಗ ದಾರ್? ಈಂಗೆಲ್ಲಾ ಎಲ್ಲಿಂಜ ಬಾತ್‍ೕಂದ್ ನನ್ನ ಕ್‍ೕಟತ್.