ಪ್ರಕಟನೆ 5:14 - ಕೊಡವ ಬೈಬಲ್

¹⁴ ಅಕ್ಕ ನಾಲ್ ಜೀವ ಪ್ರಾಣಿಯಳು ಆಮೆನ್‍ಂದ್ ಎಣ್ಣ್‌ಚಿ. ಇರುವತ ನಾಲ್ ಪೆರಿಯಯಿಂಗಳು ಪುನಃ ಅಡ್ಡ ಬುದ್ದಿತ್ ಎಕ್ಕಾಲು ಜೀವವಾಯಿತ್ ಇಪ್ಪಂವೊನ ಆರಾದನೆ ಮಾಡ್‍ಚಿ.

ಪ್ರಕಟನೆ 5:14 ပူးပေါင်းရင်းမြစ်များ

1 ಕೊರಿಂಥ 14:16

ಅನ್ನನೆ ಮಾಡತ ಪೋಚೇಂಗಿ, ನಿಂಗ ನಿಂಗಡ ಆತ್ಮತ್‍ಲ್ ದೇವಕ್ ವಂದನೆ ಮಾಡ್‌ವಕ, ಆ ಬಾಷೆ ಗೊತ್ತಿಲ್ಲತಂವೊ ನಿಂಗಡ ಆರಾದನೆಲ್ ಇಂಜತೇಂಗಿ, ಅಂವೊ ಎನ್ನನೆ ಆಮೆನ್‍ಂದ್ ಎಣ್ಣುವ? ಅಂವೊಂಗ್ ನೀಡ ತಕ್ಕ್ ಗೊತ್ತ್‌ಲೆಲ್ಲ?

ಪ್ರಕಟನೆ 19:4

ಅಕ್ಕ ಇರುವತ ನಾಲ್ ಪೆರಿಯಯಿಂಗ ಪಿಂಞ ನಾಲ್ ಜೀವಿಯ ಅಡ್ಡ ಬುದ್ದಿತ್: ಆಮೆನ್, ಹಲ್ಲೆಲೂಯಾಂದ್ ಎಣ್ಣಿಯಂಡ್ ಸಿಂಹಾಸನತ್‍ಲ್ ಅಳ್‌ತಿತಳ್ಳ ದೇವಕ್ ಆರಾದನೆ ಮಾಡ್‍ಚಿ.

ಪ್ರಕಟನೆ 4:4

ಆ ಸಿಂಹಾಸನತ್‍ರ ಸುತ್ತ್‌ಲ್ ಇರುವತ ನಾಲ್ ಸಿಂಹಾಸನ ಇಂಜತ್. ಇರುವತ ನಾಲ್ ಪೆರಿಯಯಿಂಗ ಬೊಳ್‍ತ ಬಟ್ಟೆ ಇಟ್ಟಂಡ್, ಅಯಿಂಗಡ ಮಂಡೆಲ್ ಪೊನ್ನ್‌ರ ಕಿರೀಟ ಇಟ್ಟಿತ್ ಆ ಸಿಂಹಾಸನತ್‍ಲ್ ಅಳ್‌ತಂಡಿಪ್ಪದ್‍ನ ಕಂಡಿಯೆ.

ಪ್ರಕಟನೆ 4:6

ಆ ಸಿಂಹಾಸನತ್‍ರ ಮಿಂಞ ಶುದ್ದವಾನ ಪಾಕಲ್ಲ್‌ರನೆಕೆ ಗಾಜಿರ ಕಡಲ್ ಇಂಜತ್. ಸಿಂಹಾಸನತ್‍ರ ಮದ್ಯತ್‍ಲ್ ಪಿಂಞ ಸಿಂಹಾಸನತ್‍ರ ಸುತ್ತ್‌ಲ್ ನಾಲ್ ಜೀವ ಪ್ರಾಣಿಯ ಇಂಜತ್; ಜೀವ ಪ್ರಾಣಿಯಕ್ ಮಿಂಞಕು ಬಯ್ಯಕು ಪೂರ್ತಿ ಕಣ್ಣ್ ದುಂಬಿತ್ಂಜತ್.

ಪ್ರಕಟನೆ 5:11

ಇಂಞು ಮಿಂಞಕ್ ನಾನ್ ನೋಟ್‍ವಕ: ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಳ ಪಿಂಞ ಪೆರಿಯಯಿಂಗಳ ಸುತ್ತ್‌ಲ್ ದುಂಬಿತ್ಂಜ ಬಲ್ಯ ಗುಂಪ್‍ರ ದೂತಂಗಡ ಸದ್ದ್ ನಾಕ್ ಕ್‍ೕಟತ್. ಅಯಿಂಗಡ ಲೆಕ್ಕ ಕೋಟಿಕೋಟಿಯಾಯಿತ್‌ಂಜತ್.

ಪ್ರಕಟನೆ 5:6

ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಡ ಪಿಂಞ ಪೆರಿಯಯಿಂಗಡ ಮದ್ಯತ್‍ಲ್, ಮಿಂಞಲೇ ಬಲಿಯಾಯಿತ್ಂಜ ಕೊರಿ ಕುಟ್ಟಿರನೆಕೆ ಉಳ್ಳ ಒಬ್ಬನ ನಾನ್ ಕಂಡಿಯೆ; ಅದ್ಂಗ್ ಏಳ್ ಕೊಂಬ್ ಪಿಂಞ ಏಳ್ ಕಣ್ಣ್ ಇಂಜತ್. ಈ ಲೋಕತ್‍ರ ಎಲ್ಲಾ ಜಾಗಕು ಅಯಿಪಕಾಯಿತ್ ಉಳ್ಳ ದೇವಡ ಏಳ್ ಆತ್ಮವೇ ಈ ಏಳ್ ಕಣ್ಣ್.

ಪ್ರಕಟನೆ 5:8

ಆ ಪುಸ್ತಕತ್‍ನ ಅಂವೊ ಎಡ್‍ಪಕ, ನಾಲ್ ಜೀವ ಪ್ರಾಣಿಯಳು, ಇರುವತ ನಾಲ್ ಪೆರಿಯಯಿಂಗಳು, ಕೊರಿಕುಟ್ಟಿರ ಮಿಂಞಕ್ ಅಡ್ಡ ಬುದ್ದತ್. ಅಯಿಂಗ ಒಬ್ಬೊಬ್ಬನು ಅಯಿಂಗಯಿಂಗಡ ವೀಣೇನ ಪಿಂಞ ದೇವಡ ಮಕ್ಕಡ ಪ್ರಾರ್ಥನೆಯಾಯಿತುಳ್ಳ ಸುಗಂದ ದೂಪತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ಪುಡ್‍ಚಂಡ್ ಅಯಿಂಗ:

ಪ್ರಕಟನೆ 7:12

ಆಮೆನ್, ನಂಗಡ ದೇವಕ್ ತುದಿಯು, ಮಹಿಮೆಯು, ಜ್ಞಾನವು, ವಂದನೆಯು, ಗನವು, ಅದಿಕಾರವು, ಶಕ್ತಿಯು ಎಕ್ಕಾಲು ಇಕ್ಕಡ್, ಆಮೆನ್‍ಂದ್ ಎಣ್ಣ್‌ಚಿ.