ಪ್ರಕಟನೆ 3:19 - ಕೊಡವ ಬೈಬಲ್

¹⁹ ನಾಕ್ ದಾಡ ಮೇಲೆ ಕುಶಿ ಉಂಡೋ, ಅಯಿಂಗಕ್ ಜೋರ್ ಮಾಡಿತ್, ಅಯಿಂಗಕ್ ಶಿಕ್ಷೆ ತಪ್ಪಿ. ಆನಗುಂಡ್ ನೀನ್ ಎಚ್ಚರತ್‍ಲ್ ಇಂಜಿತ್ ದೇವಡ ಪಕ್ಕ ತಿರಿತ್ ಪಶ್ಚಾತಾಪ ಪಡ್‌ವಿಯ.

ಪ್ರಕಟನೆ 3:19 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:10

ನೀತಿರ ಬಟ್ಟೆನ ಬುಟ್ಟಿತ್‌ ನಡ್‌ಪಯಿಂಗಕ್‌ ಕಠಿಣ ಶಿಕ್ಷೆ ಕ್‌ಟ್ಟುವ. ತಿದ್ದ್‌ವಿಕೆನ ದ್ವೇಷ ಮಾಡ್‌ವಂವೊ ಚತ್ತ್‌ ಪೋಪ.

ಜ್ಞಾನತ್‌ರ ಪಡಿಮ 15:32

ಬೋದನೆನ ತ್‌ಕ್ಕಾರ ಮಾಡ್‌ವಂವೊ, ತಾಂಡ ಆತ್ಮತ್‌ನ ದ್ವೇಷ ಮಾಡುವ. ಚೂಕ್‌ ತಕ್ಕ್‌ನ ಕ್‍ೕಪಂವೊ ಜ್ಞಾನತ್‌ನ ಪಡ್‌ಂದೊವ.

ಜ್ಞಾನತ್‌ರ ಪಡಿಮ 22:15

ಕುಂಞಿಯಡ ಹೃದಯತ್‌ಲ್‌ ಮೂಡತನ ಅಂಟಿಯಂಡಿಪ್ಪ. ಆಚೇಂಗಿ ಶಿಕ್ಷೆ ತಪ್ಪ ಕೋಲ್ಯಿಂಜ ಅದ್‌ ತೊಲಗುವ.

ಮತ್ತಾಯ 25:7

ಅಕ್ಕ ಆ ಬುದ್ದಿವಂತ ಕನ್ನಿ ಮೂಡಿಯ ಎದ್ದಿತ್ ಅಯಿಂಗಡ ಬೊಳ್‌ಚತ್‍ನ ಕತ್ತ್‌ಚಿಟ್ಟ್ ತಯಾರ್ ಮಾಡ್‍ಚಿ.

ಯೋಹಾನ 2:17

ಯೇಸು ಇನ್ನನೆ ಮಾಡ್‍ನದ್‍ನ ನೋಟಿತ್: ನೀಡ ಮನೆರ ಮೇಲೆ ಉಳ್ಳ ನಾಡ ವೈರಾಗ್ಯ, ನನ್ನ ಕತ್ತಿಚಿಡುವಾಂದ್ ದೇವಡ ವಾಕ್ಯತ್‍ಲ್ ಒಳ್‍ದಿತುಳ್ಳದ್‍ನ ಅಂವೊಂಡ ಶಿಷ್ಯಂಗ ಗೇನ ಮಾಡ್‍ಚಿ.

ರೋಮ್ 12:11

ಸೋಮಾರಿಯಾಯಿತ್ ಇಕ್ಕತೆ, ದುಂಬ ಜಾಗ್ರತೆಲ್ ಇರಿ; ಆತ್ಮತ್‍ಲ್ ಕಮ್ಮಿ ಆಕತಿ, ಒಡೆಯಂಗ್ ಸೇವ ಮಾಡಿ.

1 ಕೊರಿಂಥ 11:32

ಆಚೇಂಗಿಯು, ಒಡೆಯ ನಂಗಳ ನ್ಯಾಯತೀರ್ಪ್ ಮಾಡಿತ್ ಶಿಕ್ಷನೆ ತಪ್ಪಗುಂಡ್, ಈ ಲೋಕತ್‍ರ ಕೂಡೆ ನಂಗಳ ಅಂವೊ ಕಂಡನೆ ಮಾಡುಲೆ.

2 ಕೊರಿಂಥ 6:9

ಚಾಯಿತೆ ಗೊತ್ತುಳ್ಳಯಿಂಗಳಾಯಿತ್ ಇಂಜತೇಂಗಿಯು, ಗೊತ್ತ್‌ಲ್ಲತಯಿಂಗಳಾಯಿತ್ ಇಂಜತೇಂಗಿಯು, ಚಾವನೆಕೆ ಇಂಜತೇಂಗಿಯು ಬದ್‍ಕಿಯಂಡುಳ್ಳಯಿಂಗಳಾಯಿತ್, ಶಿಕ್ಷೆಕ್ ಯೋಗ್ಯರಾಯಿತ್ ಇಂಜತೇಂಗಿಯು, ಕೊಲೆ ಆಕತಯಿಂಗಳಾಯಿತ್ ಉಂಡ್.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

ಗಲಾತ್ಯ 4:18

ದಾರೇಂಗಿ ನಿಂಗಕ್ ನಲ್ಲದ್ ಮಾಡಂಡೂಂದ್ ನೇರಾಯಿತು ಕುಶಿಪಟ್ಟತೇಂಗಿ, ಅದ್ ನಲ್ಲದೇ. ಆಚೇಂಗಿ ನಾನ್ ನಿಂಗಡ ಪಕ್ಕ ಇಪ್ಪಕ ಮಾತ್ರ ಅಲ್ಲ, ನಾನ್ ನಿಂಗಡಿಂಜ ದೂರ ಇಪ್ಪಕಲು ಅದೇ ತರ ಇರಂಡು.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:14

ಅಂವೊ, ನಂಗಳ, ನಂಗಡ ಎಲ್ಲಾ ಪಾಪತ್ಂಜ ಬುಡ್‍ಗಡೆ ಮಾಡಿತ್, ಅಂವೊಂಡ ಸ್ವಂತ ಜನವಾಯಿತ್ ಮಾಡ್‌ವಕಾಯಿತ್, ಎಲ್ಲಾ ನಲ್ಲ ಕೆಲಸತ್‍ನ ಕುಶೀಲ್ ಮಾಡ್‌ವಕ್ ಅರ್ಪಿಚಿಟ್ಟಯಂಗಳಾಯಿತ್ ಪಿಂಞ ನಂಗಳ ಶುದ್ದ ಮಾಡ್‌ವಕಾಯಿತ್ ಅಂವೊನ ಅಂವೊನೇ ನಂಗಕಾಯಿತ್ ಒಪ್ಪ್‌ಚಿಟ್ಟತ್.

ಯಾಕೋಬ 1:12

ಸೋದನೆನ ಸಹಿಸುವ ಮನುಷ್ಯ ಆಶೀರ್ವಾದ ಪಡ್ಂದಂವೊ; ಎನ್ನಂಗೆಣ್ಣ್‌ಚೇಂಗಿ ಅಂವೊ ಚೋತ್‍ಪೋಯಿತಿಲ್ಲೇಂದ್ ಗೊತ್ತಾನ ಪಿಂಞ, ದೇವನ ಪ್ರೀತಿಚಿಡ್‌ವಯಿಂಗಕಾಯಿತ್ ದೇವ ವಾಗ್ದಾನ ಮಾಡ್‍ನ ನಿತ್ಯ ಜೀವತ್‍ರ ಕಿರೀಟ ಅಂವೊಂಗ್ ಕ್‍ಟ್ಟ್‌ವ.

ಪ್ರಕಟನೆ 2:5

ಆನಗುಂಡ್, ನೀನ್ ಎಲ್ಲಿ ಬುದ್ದ್ ಪೋಯಿತುಳ್ಳಿಯಾಂದ್ ಗೇನ ಮಾಡಿತ್, ಪಶ್ಚಾತಾಪ ಪಟ್ಟಿತ್, ಸುರುಲ್ ಮಾಡಿಯಂಡಿಂಜ ಕ್ರಿಯೇನ ಮಾಡ್; ಇಲ್ಲತೆಪೋಚೇಂಗಿ, ನಾನ್ ಬೆರಿಯ ನೀಡ ಪಕ್ಕ ಬಂದಿತ್, ನೀನ್ ಪಶ್ಚಾತಾಪ ಪಡತೆ ಪೋನಕ, ನೀಡ ಬೊಳ್‍ಚತ್‍ರ ತಂಡ್‍ನ ಆ ಜಾಗತ್ಂಜ ಎಡ್‍ತ್‍ರ್‍ವಿ.