ಪ್ರಕಟನೆ 3:17 - ಕೊಡವ ಬೈಬಲ್

¹⁷ ನಾನ್ ಐಶ್ವರ್ಯವಂತಂವೊ, ನಾಕ್ ದುಂಬ ಸೊತ್ತ್ ಕೂಟಿ ಬೆಚ್ಚಿಯೆ, ನಾಕ್ ಒಂದು ಕಮ್ಮಿಯಿಲ್ಲೇಂದ್ ನೀನ್ ಎಣ್ಣಿಯಂಡುಳ್ಳಿಯ. ಆಚೇಂಗಿ, ನೇರಾಯಿತ್ ನೀನ್ ಒರ್ ಗತಿಯು ಇಲ್ಲತಂವೊನಾಯಿತು, ವ್ಯಸನಕಾರನಾಯಿತು, ಗರೀಬನಾಯಿತು, ಕುರ್‌ಡನಾಯಿತು, ಬೆತ್ತಲೆಯಾಯಿತು ಉಳ್ಳಿಯಾಂದ್ ನೀಕ್ ಅರ್ಥ ಆಯಂಡಿಲ್ಲೆ.

ಪ್ರಕಟನೆ 3:17 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:7

ಅಕ್ಕಲೆ ಅಯಿಂಗ ದಂಡಾಳ್‌ರ ಕಣ್ಣ್‌ ತೊರ್‌ಂದತ್; ಅಯಿಂಗ ಬೆತ್ತಲೆ ಆಯಿತ್ತುಂಡ್‍ೕಂದ್‌ ಅರಿಂಜಿತ್‌ ಅತ್ತಿಪಣ್ಣ್‌ ಮರತ್‌ರ ಎಲ್ಕಂಡತ್‌ನ ಪೊಂದಿತ್‌ ಸುತ್ತಿಯಂಡತ್.

ಜ್ಞಾನತ್‌ರ ಪಡಿಮ 13:7

ಒಂದು ಇಲ್ಲತಂವೊ ತನ್ನ ಐಶ್ವರ್ಯವಂತಂವೊನಾಯಿತ್‌ ಕಾಂಬ್‌ಚಿಡುವಂವೊನು ಉಂಡ್; ದುಂಬ ಐಶ್ವರ್ಯವ ಉಳ್ಳಂವೊ ತನ್ನ ಗರಿಬಂಡನೆಕೆ ಕಾಂಬ್‌ಚಿಡುವಂವೊನು ಉಂಡ್.

ಜ್ಞಾನತ್‌ರ ಪಡಿಮ 30:9

ಇಲ್ಲತಪೋಚೇಂಗಿ, ನಾಕ್‍ ಜಾಸ್ತಿ ಕ್‍ಟ್ಟಿತ್: ಯೆಹೋವ ದಾರ್‍ೕಂದ್‌ ನಿನ್ನ ತ್‌ಕ್ಕಾರ ಮಾಡುವಿ, ಗರೀಬನಾಚೇಂಗಿ ನಾನ್‌ ಕದ್ದಿತ್‌ ನಾಡ ದೇವನಾನ ನೀಡ ಪೆದಕ್‌ ಅವಮಾನ ಕೊಂಡಬಪ್ಪಿ.

ಮತ್ತಾಯ 5:3

ಆತ್ಮತ್‍ಲ್ ಗರೀಬ ಆಯಿತುಳ್ಳಯಿಂಗ ಆಶೀರ್ವಾದ ಪಡ್ಂದಯಿಂಗ; ಪರಲೋಕ ರಾಜ್ಯ ಅಯಿಂಗಡದಾಯಿತ್‌ಪ್ಪ.

ಮತ್ತಾಯ 9:12

ಇದ್‍ನ ಕ್‍ೕಟ ಯೇಸು: ದಾರ್ ಸೌಕ್ಯತ್‌ಲ್ ಉಂಡೋ ಅಯಿಂಗಕ್ ವೈದ್ಯ ಬೋಂಡ, ದಾರ್‌ಕ್ ಸೌಕ್ಯ ಇಲ್ಲತೆ ಉಂಡೋ ಅಯಿಂಗಕ್ ಮಾತ್ರ ವೈದ್ಯಂಗ ಬೊಂಡಿಯೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:53

ಕೆಲ ಪಯಿಪಯಿಂಗಕ್ ಕೆಲ ದುಂಬ ಉಂಬಕ್ ಕೊಡ್‌ತಿತ್, ಬಲ್ಯ ಮನುಷ್ಯಂಗಳ ಬರಿ ಕೈಯಿಲ್ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:24

ಇಕ್ಕ ಐಶ್ವರ್ಯತ್‌ಳುಲ್ಲ ನಿಂಗಕ್ ಅಯ್ಯೋ! ಸುಕತ್‍ರ ಬದ್‍ಕ್ ನಿಂಗಕ್ ಇಲ್ಲಿಯೇ ಕ್‌ಟ್ಟಿಪೋಚಿ.

ರೋಮ್ 11:20

ಅಕ್ಕು, ಅಯಿಂಗಡ ಅಪನಂಬಿಕೇರಗುಂಡ್ ಅಯಿಂಗಳ ಮುರಿಚಿರ್‌ತ್. ನಿಂಗ ನಂಬಿಕೇರ ಮೂಲಕ ನಿಂದಂಡುಂಡ್; ಬಡಾಯಿ ಮಾಡತಿ, ಆಚೇಂಗಿ ಬೊತ್ತಿಯಂಡಿರಿ.

ರೋಮ್ 11:25

ನಾಡ ಅಣ್ಣತಮ್ಮಣಂಗಳೇ, ನಿಂಗಕ್ ನಿಂಗಳೇ ಬುದ್ದಿವಂತಯಿಂಗಾಂದ್ ಗೇನಮಾಡತನೆಕೆ, ನಾನ್ ನಿಂಗಕ್ ಒರ್ ಗುಟ್ಟ್‌ನ ಎಣ್ಣಿ ತಪ್ಪಿ. ಅದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತಯಿಂಗಡ ರಕ್ಷಣೆರ ಲೆಕ್ಕ ಪೂರ್ತಿ ಆಪಕತ್ತನೆ, ಇಸ್ರಾಯೇಲ್‍ರ ಒರ್ ಗುಂಪ್ ಕಠಿಣ ಮನಸ್ಸಾಯಿತೇ ಇಪ್ಪ.

ರೋಮ್ 12:3

ನಿಂಗಡಲ್ಲಿ ಒಬ್ಬೊಬ್ಬನು, ತಾಂಡ ಸ್ತಾನಕಿಂಜ ಬಲ್ಯದಾಯಿತ್ ಗೇನ ಮಾಡತಿ, ಅಂವೊಂಗ್ ಎಚ್ಚಕ್ ನಂಬಿಕೇನ ದೇವ ಪಾಲ್ ಮಾಡಿತ್ ತಂದಿತೋ, ಅದ್ಂಗ್ ತಕ್ಕಂತೆ ಗೇನ ಮಾಡಿಯಂಡ್ ಚಾಯಿ ಮನಸ್ಸ್‌ಲ್ ಇರೀಂದ್ ದೇವ ನಾಕ್ ತಂದಿತುಳ್ಳ ಕೃಪೇರಗುಂಡ್ ನಿಂಗ ಒಬ್ಬೊಬ್ಬಂಗು ಎಣ್ಣ್‌ವಿ.

ರೋಮ್ 7:24

ಓ! ನಾನ್ ಎಚ್ಚಕ್ ಬೇಜಾರತ್‍ಲ್ ಉಳ್ಳ ಮನುಷ್ಯ! ಈ ಚಾವಕುಳ್ಳ ತಡಿಯಿಂಜ ದಾರ್ ನನ್ನ ಕಾಪಾಡ್‌ವ?

2 ಪೇತ್ರ 1:9

ಈ ಗುಣವೆಲ್ಲ ದಾರ್‌ಕ್ ಇಲ್ಲೆಯೋ, ಅಯಿಂಗ ಮಿಂಞ ಮಾಡ್‍ನ ಪಾಪತ್ಂಜ ಪವಿತ್ರ ಆನದ್‍ನ ಮರ್ಂದ್ ಪೋಯಿತ್, ದೂರತ್‍ಲ್ ಉಳ್ಳದ್‍ನ ಕಾಂಬಕ್ ಕಯ್ಯತ ಕುರ್‌ಡಂಗನೆಕೆ ಆಯಿತ್‌ಪ್ಪ.

ಪ್ರಕಟನೆ 16:15

ನೋಟಿ! ನಾನ್ ಕಳ್ಳ ಬಪ್ಪನೆಕೆ ಬಪ್ಪಿ. ಞಾಣ ಆಪನೆಕೆ, ಬೆತ್ತಲೆಯಾಯಿತ್ ಇಕ್ಕತೆ, ಎಚ್ಚರತ್‍ಲ್ ಇಂಜಂಡ್ ತಾಂಡ ಬಟ್ಟೇನ ಕಾಪಾಡ್‌ವಂವೊ ಆಶೀರ್ವಾದ ಪಡ್ಂದಂವೊ.

ಪ್ರಕಟನೆ 2:9

ನೀಕುಳ್ಳ ಹಿಂಸೆನ ಪಿಂಞ ನೀನ್ ಐಶ್ವರ್ಯವಂತಂವೊನಾಯಿತ್ ಇಂಜತೇಂಗಿಯು ಗರೀಬನಾಯಿತ್ ಇಪ್ಪದ್ ನಾಕ್ ಗೊತ್ತುಂಡ್. ಪಿಂಞ ಯೆಹೂದ್ಯಂಗಾಂದ್ ಎಣ್ಣ್‌ಚೇಂಗಿಯು ಯೆಹೂದ್ಯ ಅಲ್ಲತಯಿಂಗಳಾಯಿತ್ ಅಯಿಂಗ ಎಣ್ಣುವ ದೂಷಣೆ ನಾಕ್ ಗೊತ್ತುಂಡ್. ಅಯಿಂಗ ಸೈತಾನಂಡ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತುಂಡ್.

ಪ್ರಕಟನೆ 3:16

ಇನ್ನನೆ ನೀನ್ ತಂಪೂ ಇಲ್ಲತೆ ಬಿಸಿಯು ಇಲ್ಲತೆ ಎಳೆಬೆಕ್ಕೆಯಾಯಿತ್ ಉಳ್ಳಗುಂಡ್, ನಾನ್ ನಿನ್ನ ನಾಡ ಬಾಯಿಯಿಂಜ ಕಕ್ಕಿರುವಿ.