ಪ್ರಕಟನೆ 3:14 - ಕೊಡವ ಬೈಬಲ್

¹⁴ ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.

ಪ್ರಕಟನೆ 3:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:3

ರೂಬೇನನೇ, ನೀನ್‌ ನಾಡ ಆದ್ಯ ಮೋಂವೊ, ನಾಡ ಶಕ್ತಿರ ಪಿಂಞ ನಾನ್‌ ಬಾಲೆಕಾರನಾಯಿತ್‌ಪ್ಪಕ ಪುಟ್ಟ್‌ನ ಆದ್ಯ ಫಲ. ನೀನ್‌ ಸ್ಥಾನತ್‌ಲ್‌ ಪಿಂಞ ಗೌರವತ್‌ಲ್‌ ಮೊದಲೆನೆಯಂವೊ.

ಜ್ಞಾನತ್‌ರ ಪಡಿಮ 14:5

ಸತ್ಯಸಾಕ್ಷಿ ಪೊಟ್ಟ್‌ ಪರಿಯುಲೆ. ಆಚೇಂಗಿ ಪೊಟ್ಟ್‌ಸಾಕ್ಷಿ ಪರಿಯುವಂವೊ ಪೊಟ್ಟೇ ಪರಿಯುವ.

ಜ್ಞಾನತ್‌ರ ಪಡಿಮ 8:22

ಯೆಹೋವ ತಾಂಡ ಸೃಷ್ಟಿ ಕಾರ್ಯಕ್‌ ಮಿಂಞ, ಆದಿಯಿಂಜಲೇ ಜ್ಞಾನವಾನ ನನ್ನ ತಾಂಡ ಕೃಯೇರ ತೊಡಕವಾಯಿತ್‌ ಬೆಚ್ಚಂಡಿಂಜತ್.

ಯೋಹಾನ 1:3

ಈ ತಕ್ಕ್‌ರ ಮೂಲಕವೇ ಎಲ್ಲಾ ಸೃಷ್ಟಿ ಆಚಿ. ಸೃಷ್ಟಿ ಆನದೆಲ್ಲಾ, ಈ ತಕ್ಕ್ ಇಲ್ಲತೆ ಆಪಕಿಂಜಿತ್‌ಲ್ಲೆ.

ಯೋಹಾನ 8:14

ಅಯಿಂಗಕ್ ಯೇಸು ಇನ್ನನೆ ಉತ್ತರ ಕೊಡ್‍ತತ್: ನಾಡ ವಿಷಯತ್ ನಾನೇ ಸಾಕ್ಷಿ ಕೊಡ್‍ತ್‍ಚೇಂಗಿಯು, ನಾಡ ಸಾಕ್ಷಿ ನೇರಾನದಾಯಿತುಂಡ್. ಎನ್ನಂಗೆಣ್ಣ್‌ಚೇಂಗಿ, ನಾನ್ ಎಲ್ಲಿಂಜ ಬಾತ್‍ೕಂದು, ನಾನ್ ಎಲ್ಲಿಕ್ ಪೋಪೀಂದು ನಾಕ್ ಗೊತ್ತುಂಡ್, ಆಚೇಂಗಿ ನಾನ್ ಎಲ್ಲಿಂಜ ಬಾತ್‍ೕಂದು ಎಲ್ಲಿಕ್ ಪೋಪೀಂದು ನಿಂಗಕ್ ಗೊತ್ತ್‌ಲ್ಲೆ.

2 ಕೊರಿಂಥ 1:20

ಅನ್ನನೆ ನಂಗಡಗುಂಡ್ ದೇವಕ್ ಮಹಿಮೆ ಕ್‍ಟ್ಟ್‌ವಕಾಯಿತ್, ದೇವಡ ವಾಗ್ದಾನವೆಲ್ಲಾ ಕ್ರಿಸ್ತಂಡಲ್ಲಿ ಅಕ್ಕೂಂದು, ಅಂವೊಂಡಲ್ಲಿ ಆಮೆನ್‍ಂದು ಉಂಡಲ್ಲ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

ಕೊಲೊಸ್ಸೆ 1:18

ತಡಿರನೆಕೆ ಉಳ್ಳ ಸಬೇಕ್ ಅಂವೊನೇ ಮಂಡೆಯಾಯಿತ್ ಉಂಡ್, ಅಂವೊ ಎಲ್ಲಾಂಗು ಆದ್ಯವಾಯಿತ್ ಇಪ್ಪಕಾಯಿತ್, ಅಂವೊನೇ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಬಂದಂವೊ.

ಕೊಲೊಸ್ಸೆ 2:1

ನಿಂಗಕಾಯಿತು, ಲವೊದಿಯಕೆ ಪಟ್ಟಣತ್‍ಲ್ ಉಳ್ಳಯಿಂಗಕಾಯಿತು ಪಿಂಞ ನನ್ನ ಇಲ್ಲಿಕತ್ತನೆ ಕಾಂಗತಯಿಂಗಕಾಯಿತು ನಾನ್ ಎಚ್ಚಕ್ ಪೋರಾಟತ್‍ಲ್ ಉಳ್ಳ್‌ಂದ್ ನಿಂಗಕ್ ಗೊತ್ತಾಂಡೂಂದ್ ನಾಡ ಆಸೆ.

ಕೊಲೊಸ್ಸೆ 4:16

ನಾಡ ಈ ಕಾಗದತ್‍ನ ನಿಂಗಡ ಮದ್ಯತ್‍ಲ್ ಓದ್‌ನ ಪಿಂಞ, ಲವೋದಿಕೆ ಸಬೇಲ್ ಸಹ ಇದ್‍ನ ಓದ್‌ವನೆಕೆ ಮಾಡಿ. ನಾನ್ ಅಯಿಂಗಕ್ ಅಯಿಚ ಕಾಗದತ್‍ನ ನಿಂಗಳು ಓದಿ ನೋಟಿ.

ಪ್ರಕಟನೆ 1:11

ಆ ವಾಣಿ: ನಾನ್ ಅಲ್ಫಾವು ಓಮೆಗಾವು ಆದ್ಯವು ಆಕೀರ್‍ವಾಯುತುಳ್ಳ. ನೀನ್ ಕಂಡಂಡುಳ್ಳದ್‍ನ ಒರ್ ಪುಸ್ತಕತ್‍ಲ್ ಒಳ್‍ದಿತ್ ಆಸ್ಯ ಪ್ರಾಂತ್ಯತ್‍ಲ್ ಉಳ್ಳ ಎಫೆಸ, ಸ್ಮುರ್ನ, ಪೆರ್ಗಮ, ಥುವತೈರ, ಸಾರ್ದಿಸ್, ಫಿಲದೆಲ್ಫಿಯ, ಲವೊದಿಕೀಯ ಎಣ್ಣುವ ಪಟ್ಟಣತ್‍ಲ್ ಉಳ್ಳ ಏಳ್ ಸಬೇಕ್ ಅಯಿಕಂಡೂಂದ್ ಎಣ್ಣ್‌ಚಿ.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,

ಪ್ರಕಟನೆ 19:11

ಪಿಂಞ, ಪರಲೋಕ ತೊರ್‌ಂದದ್‍ನ ನಾನ್ ಕಂಡಿಯೆ. ಅಕ್ಕ ಬೊಳ್‍ತ ಕುದ್‍ರೆನ ಕಾಂಬಕಾಚಿ. ಅದ್ಂಡಮೇಲೆ ಅಳ್‌ತಿತ್ ಇಂಜಂವೊಂಗ್, ನಂಬಿಕಸ್ತ ಪಿಂಞ ಸತ್ಯವಂತಂವೋಂದ್ ಪೆದ ಇಂಜತ್. ಅಂವೊ ನೀತಿಯಿಂಜ ನ್ಯಾಯತೀರ್ಪ್ ಕೊಡ್‌ತಿತ್ ಯುದ್ದ ಮಾಡ್‌ವಂವೊನಾಯಿತ್ಂಜತ್.

ಪ್ರಕಟನೆ 2:1

ಎಫೆಸ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಏಳ್ ನಕ್ಷತ್ರತ್‍ನ ತಾಂಡ ಬಲ್‌ತೆ ಕೈಯಿಲ್ ಪುಡ್‍ಚಂಡ್, ಏಳ್ ಕುತ್ತ್ ಬೊಳ್‍ಚತ್‍ರ ಮದ್ಯತ್‍ಲ್ ಸುತ್ತಿಯಂಡ್ ಉಳ್ಳಂವೊ ಇದ್‍ನ ಎಣ್ಣಿಯಂಡುಳ್ಳ.

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 22:13

ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಅಂತ್ಯವಾಯಿತು ಉಳ್ಳ.

ಪ್ರಕಟನೆ 22:6

ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.