ಪ್ರಕಟನೆ 3:12 - ಕೊಡವ ಬೈಬಲ್

¹² ದಾರ್ ಗೆಲ್ಲುವ, ಅಂವೊನ ನಾನ್ ದೇವಾಲಯತ್‍ಲ್ ಕಂಬವಾಯಿತ್ ಮಾಡ್‌ವಿ, ಅದ್‍ಂಜ ಅಂವೊ ಎಕ್ಕಲೂ ಪೋಪದೇಯಿಲ್ಲೆ; ನಾಡ ದೇವಡ ಪೆದತ್‍ನ, ನಾಡ ದೇವನಗುಂಡ್ ಪರಲೋಕತ್ಂಜ ಇಳಿಂಜಿ ಬಪ್ಪ ಪುದಿಯ ಯೆರೂಸಲೇಮ್‍ೕಂದ್ ಎಣ್ಣುವ ನಾಡ ದೇವಡ ಪಟ್ಟಣತ್‍ರ ಪೆದತ್‍ನ ಪಿಂಞ ನಾಡ ಪುದಿಯ ಪೆದತ್‍ನ ಅಂವೊಂಡ ಮೇಲೆ ಒಳ್‍ದ್‍ವಿ.

ಪ್ರಕಟನೆ 3:12 ပူးပေါင်းရင်းမြစ်များ

ಮಾರ್ಕ 12:16

ಅಯಿಂಗ ಒರ್ ಬೊಳ್ಳಿರ ನಾಣ್ಯತ್‍ನ ಎಡ್‍ತಂಡ್ ಬಾತ್. ಅಕ್ಕ ಯೇಸು: ಇದ್‍ಲ್ ದಾಡ ಪೆದ ಪಿಂಞ ದಾಡ ಮೂಡ್ ಉಂಡ್ ಎಣ್ಣೀಂದ್ ಅಯಿಂಗಳ ಕ್‍ೕಟತ್. ಇದ್‍ಲ್ ಕೈಸರಂಡ ಮೂಡ್ ಉಂಡ್‍ೕಂದ್ ಅಯಿಂಗ ಎಣ್ಣ್‌ಚಿ.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಎಫೆಸ 3:15

ನಂಗಡ ದೇವನಾನ ಅಪ್ಪಂಡ ಮಿಂಞತ್ ಮೊಣಕಾಲಿಟ್ಟಿತ್ ಇನ್ನನೆ ಪ್ರಾರ್ಥನೆ ಮಾಡ್‌ವಿ.

ಇಬ್ರಿಯ 12:22

ಆಚೇಂಗಿ ನಿಂಗ, ಚೀಯೋನ್‌ ಕುಂದ್‍ಕು, ಜೀವವಾಯಿತುಳ್ಳ ದೇವಡ ಪಟ್ಟಣವಾನ ಪರಲೋಕತ್‍ರ ಯೆರೂಸಲೇಮ್‍ಕು, ಕುಶೀಲ್ ದುಂಬ್‍ನ ಆಯಿರ ಆಯಿರ ದೂತಂಗಡ ಪಕ್ಕವು ಬಂದಿತುಳ್ಳರ.

ಇಬ್ರಿಯ 13:14

ಸ್ತಿರವಾನ ಪಟ್ಟಣ ನಂಗಕ್ ಇಲ್ಲಿ ಇಲ್ಲೆ, ಇಂಞು ಮಿಂಞಕ್ ಬಪ್ಪಕುಳ್ಳದ್‍ನ ನೋಟಿಯಂಡುಂಡ್.

1 ಯೋಹಾನ 4:4

ಆಚೇಂಗಿ ನಾಡ ಪ್ರೀತಿರ ಮಕ್ಕಳೇ, ನಿಂಗ ದೇವಡ ಪಕ್ಕ ಕೂಡ್‌ನಯಿಂಗಳಾಯಿತ್ ಉಳ್ಳಗುಂಡ್, ಅಯಿಂಗಳ ಗೆದ್ದಿತುಳ್ಳಿರ. ಎನ್ನಂಗೆಣ್ಣ್‌ಚೇಂಗಿ ನಿಂಗಡ ಒಳ್‍ಲ್ ಉಳ್ಳ ಆತ್ಮ ಈ ಲೋಕತ್‍ರ ಜನಡ ಆತ್ಮಕಿಂಜ ಶಕ್ತಿವಂತಂವೊನಾಯಿತುಂಡ್.

ಪ್ರಕಟನೆ 14:1

ಪಿಂಞ ನಾನ್ ನೋಟ್‍ವಕ, ಇದಾ, ಚೀಯೋನ್‌ ಕುಂದ್‌ರ ಕೊಡಿಲ್ ಕೊರಿಕುಟ್ಟಿಯಾನಂವೊನ ಪಿಂಞ ಅಂವೊಂಡ ಕೂಡೆ ಅಂವೊಂಡ ಅಪ್ಪನಾನ ದೇವಡ ಪೆದತ್‍ನ ನೆತ್ತಿರ ಮೇಲೆ ಒಳ್‍ದಿತ್ಂಜ 1,44,000 ಜನಳ ಕಂಡಿಯೆ.

ಪ್ರಕಟನೆ 17:14

ಈಂಗ ಕೊರಿಕುಟ್ಟಿಯಾನವೊಂಡ ಕೂಡೆ ಯುದ್ದ ಮಾಡ್‌ವ. ಆಚೇಂಗಿ ಅಂವೊ ದೇವಾದಿ ದೇವನು ರಾಜಾದಿ ರಾಜನು ಆನಗುಂಡ್ ಅಯಿಂಗಳ ಗೆಲ್ಲುವ; ಅಂವೊಂಡ ಕೂಡೆ ಉಳ್ಳಯಿಂಗಳ, ಅಂವೊ ಕಾಕ್‌ನಯಿಂಗಾಂದು, ಗೊತ್ತ್ ಮಾಡ್‍ನಯಿಂಗಾಂದು, ನಂಬಿಕಸ್ತಂಗಾಂದು ಎಣ್ಣುವಾಂದು ಎಣ್ಣ್‌ಚಿ.

ಪ್ರಕಟನೆ 2:11

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗ ದಂಡನೆ ಚಾವ್‍ರಗುಂಡ್ ಪಾಳಾಯಿ ಪೋಪುಲೆ. ಇನ್ನನೆ ಒಳ್‍ದ್.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 22:4

ಅಯಿಂಗ ದೇವಡ ಮೂಡ್‍ನ ಕಾಂಬ, ಅಯಿಂಗಡ ನೆತ್ತಿರ ಮೇಲೆ ಅಂವೊಂಡ ಪೆದ ಒಳ್‍ದಿತ್ ಇಪ್ಪ.

ಪ್ರಕಟನೆ 3:5

ದಾರೆಲ್ಲ ಗೆಲ್ಲುವ, ಅಂವೊಂಗ್ ಬೊಳ್‍ತ ಬಟ್ಟೆ ಇಡ್‍ವನೆಕೆ ಆಪ; ಅಂವೊಂಡ ಪೆದತ್‍ನ ಜೀವ ಪುಸ್ತಕತ್ಂಜ ಮಾಜ್ ಪೋಪಕ್ ನಾನ್ ಬುಡುಲೆ. ನಾನ್ ನಾಡ ಅಪ್ಪಂಡ ಮಿಂಞತ್ ಪಿಂಞ ಅಂವೊಂಡ ದೂತಂಗಡ ಮಿಂಞತ್ ಅಂವೊ ನಾಡಂವೋಂದ್ ಅರಿಚಿಡುವಿ.