ಪ್ರಕಟನೆ 22:6 - ಕೊಡವ ಬೈಬಲ್

⁶ ಪಿಂಞ ಆ ದೇವದೂತ ನಾಕ್: ಈ ತಕ್ಕ್ ನೇರಾಯಿತು ಸತ್ಯವಾಯಿತು ಉಂಡ್. ಪವಿತ್ರವಾನ ಪ್ರವಾದಿಯಂಗಡ ಒಡೆಯನಾನ ದೇವ, ಬೆರಿಯ ನಡ್‍ಪಕುಳ್ಳ ಗಟನೆಯನೆಲ್ಲ ತಾಂಡ ಸೇವಕಂಗಕ್ ಕಾಂಬ್‍ಚಿಡುವಕ್ ತಾಂಡ ದೂತನ ಅಯಿಚತ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 22:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 41:32

ಫರೋಹನಂಗ್‌ ದಂಡ್‌ ಕುರಿ ಈ ಸ್ವಪ್ನ ಬುದ್ದಗುಂಡ್, ಈ ಕಾರ್ಯತ್‌ನ ದೇವ ಕಂಡಿತವಾಯಿತ್‌ ಮಾಡ್‌ವಾಂದು, ಬೆರಿಯ ಮಾಡ್‌ವಾಂದು ನಿಂಗಕ್‌ ಗೊತ್ತಿರಡ್.

ಮತ್ತಾಯ 13:41

ಮನುಷ್ಯಕುಮಾರ ದೇವದೂತಂಗಳ ಅಯಿಪ. ಅಯಿಂಗ, ಅಂವೊಂಡ ರಾಜ್ಯತ್‍ಲ್, ಜನಳ ಪಾಪತ್‍ಲ್ ಬೂವನೆಕೆ ಮಾಡ್‌ವಯಿಂಗಳ ಪಿಂಞ ಮೋಸಮಾಡ್‍ವಯಿಂಗಳ ಗುಡ್ಡೆ ಕೂಟಿತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:70

ಪಂಡೇ, ನಂಗಡ ಶತ್ರುವಡ ಕೈಯಿಂಜ ನಂಗಳ ಕಾಪಾಡ್‌ವಾಂದು,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:16

ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣ್‌ನನೆಕೆ ಜನ ನಡ್‍ಕಂಡೂಂದ್ ಆಜ್ಞೆ ಮಾಡಿತ್ಂಜತ್. ಯೋಹಾನಂಡ ಸಮಯಕತ್ತನೆ ಇನ್ನನೆ ಆಯಂಡಿಂಜತ್. ಆಚೇಂಗಿ ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಸಮಯತ್ಂಜ ದೇವಡ ರಾಜ್ಯತ್‍ರ ನಲ್ಲ ಸುದ್ದಿ ಪ್ರಚಾರ ಆಯಂಡುಂಡ್. ದುಂಬ ಜನ ದೇವಡ ರಾಜ್ಯತ್‍ರ ಒಳ್‍ಕ್ ಪೋಪಕ್ ಪ್ರಯತ್ನಪಟ್ಟಂಡುಂಡ್.

ಅಪೊಸ್ತಲ 12:11

ಅಕ್ಕ ಪೇತ್ರಂಗ್ ಎಚ್ಚರ ಆಚಿ. ಅಕ್ಕು ಹೆರೋದಂಡ ಕೈಯಿಂಜಲೂ ಯೆಹೂದ್ಯಂಗ ಪಾರಕಾತಂಡಿಂಜ ಎಲ್ಲಾ ಕಾರ್ಯತ್ಂಜ ನನ್ನ ಬುಡ್‌ತ್‌ವಕ್ ಒಡೆಯ ತಾಂಡ ದೂತನ ಅಯಿಚತ್‍ೕಂದ್, ನಾಕ್ ಇಕ್ಕ ನೇರಾಯಿತು ಗೊತ್ತಾಚೀಂದ್ ಎಣ್ಣ್‌ಚಿ.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ರೋಮ್ 1:2

ದೇವಡ ಈ ನಲ್ಲ ಸುದ್ದಿ ದೇವಡ ಪ್ರವಾದಿಯಂಗಡ ಮೂಲಕ ಪಂಡೇ ವಾಗ್ದಾನ ಮಾಡಿತ್, ಪವಿತ್ರ ವಾಕ್ಯತ್‍ಲ್ ಒಳ್‍ದಿ ಬೆಚ್ಚಿತ್ಂಜತ್.

1 ಕೊರಿಂಥ 14:32

ಪ್ರವಾದನೆ ಎಣ್ಣ್‌ವಯಿಂಗಡ ಆತ್ಮ ಅಯಿಂಗಡ ಅದಿಕಾರತ್‍ಲ್ ಇಪ್ಪ ಅಲ್ಲಾ?

1 ಕೊರಿಂಥ 7:29

ನಾಡ ಅಣ್ಣತಮ್ಮಣಂಗಳೇ, ನಾನ್ ಎಣ್ಣಿಯಂಡುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಗಕ್ ದುಂಬ ಸಮಯ ಇಲ್ಲೆ. ಆನಗುಂಡ್, ಇಕ್ಕಯಿಂಜ ಪೊಣ್ಣ್ ಉಳ್ಳ ಆಣಾಳ್‍ವ, ಪೊಣ್ಣ್ ಇಲ್ಲತನೆಕೆ ಇಕ್ಕಂಡು.

2 ಥೆಸಲೊನೀಕ 1:7

ಅಂವೊಂಗಾಯಿತ್ ಕಷ್ಟಪಟ್ಟಂಡ್ ಉಳ್ಳ ನಿಂಗಕ್, ನಂಗಡ ಕೂಡೆ ಆರಾಮ್ ತಪ್ಪ. ದೇವ ದಾರ್‍ೕಂದ್ ಗೊತ್ತಿಲ್ಲತಯಿಂಗಕ್ ಪಿಂಞ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ನಲ್ಲ ಸುದ್ದಿಕ್ ತಗ್ಗ್‌ಚಿಡತಯಿಂಗಕ್ ನ್ಯಾಯವಾನ ತೀರ್ಪ್ ತಪ್ಪ. ಆ ತೀರ್ಪ್‌ನ, ಒಡೆಯನಾನ ಯೇಸು ತಾಂಡ ಮಾಹಾ ಶಕ್ತಿರ ದೂತಂಗಡ ಕೂಡೆ, ಕತ್ತಿಯಂಡ್ ಇಪ್ಪ ತಿತ್ತ್‌ಲ್, ಪರಲೋಕತ್ಂಜ ಅಂವೊನ ಕಾಂಬ್‌ಚಿಡ್‌ವಕ ಮಾಡ್‌ವ.

ಇಬ್ರಿಯ 12:9

ಅದ್ ಮಾತ್ರ ಅಲ್ಲತೆ, ತಡೀರ ಮೂಲಕ ಬಂದ ನಂಗಡ ಅಪ್ಪಂಗ ನಂಗಕ್ ಶಿಕ್ಷೆ ತಪ್ಪಕ, ನಂಗ ಅಯಿಂಗಳ ಗೌರವಪಡ್‍ತ್‍ಚಿ. ಆತ್ಮಮಂಗಕ್ ಅಪ್ಪನಾಯಿತ್ ಉಳ್ಳ ಅಂವೊಂಗ್ ನಂಗ ಇಂಞು ಎಚ್ಚಕ್ ತಗ್ಗಿತ್ ಬದ್‍ಕಂಡು?

2 ಪೇತ್ರ 1:21

ಅಥವ, ಏದ್ ಪ್ರವಾದನೆಯು ಮನುಷ್ಯಂಗಡ ಚಿತ್ತತ್‍ರನೆಕೆ ಬಂದದ್ ಅಲ್ಲ; ದೇವಡ ಪವಿತ್ರವಾನ ಮನುಷ್ಯಂಗ ಪವಿತ್ರಾತ್ಮ ಎಣ್ಣುವಕ, ಅದ್ಂಗ್ ತಕ್ಕಂತದಾಯಿತ್ ಪರ್ಂದತ್.

2 ಪೇತ್ರ 3:2

ಪೂರ್ವ ಕಾಲತ್‍ಲ್ ಪವಿತ್ರ ಪ್ರವಾದಿಯಂಗಡ ಮೂಲಕ ಎಣ್ಣ್‌ನ ತಕ್ಕ್‌ನ ಪಿಂಞ ರಕ್ಷಕನಾಯಿತುಳ್ಳ, ಒಡೆಯಂಡ ಅಪೊಸ್ತಲಂಗಳಾಯಿತುಳ್ಳ ನಂಗಡ ಮೂಲಕ ನಿಂಗಕ್ ಕ್‍ಟ್ಟ್‌ನ ಆಜ್ಞೆನ ಗೇನಮಾಡಂಡೂಂದ್ ನಾಕ್ ನೇರಾಯಿತು ಆಸೆ.

ಪ್ರಕಟನೆ 1:1

ಇಂಞು ಮಿಂಞಕ್ ಬೆರಿಯ ಆಪಕುಳ್ಳ ವಿಷಯತ್‍ನ ತಾಂಡ ಸೇವಕಂಗಕ್ ಕಾಂಬ್‌ಚಿಡುಕಾಯಿತ್ ದೇವ ಯೇಸು ಕ್ರಿಸ್ತಂಗ್ ಕೊಡ್‍ತ ಪ್ರಕಟನೆ ಇದ್. ಅಂವೊ ಅದ್‍ನ ತಾಂಡ ದೂತಂಡ ಮೂಲಕ ತಾಂಡ ಸೇವಕನಾನ ಯೋಹಾನಂಗ್ ಗೊತ್ತ್ ಮಾಡಿ ಕೊಡ್‍ತತ್.

ಪ್ರಕಟನೆ 18:20

ಓ ಪರಲೋಕವೇ, ಪವಿತ್ರವಾನ ಅಪೊಸ್ತಲಂಗಳೇ, ಪ್ರವಾದಿಯಳೇ, ಇವ ನಿಂಗಕ್ ಮಾಡ್‍ನಂಗಾಯಿತ್ ದೇವ ನ್ಯಾಯತೀರ್ಪ್ ಮಾಡ್‍ನಗುಂಡ್, ಇವಕಾಯಿತ್ ನಿಂಗ ಕುಶಿ ಪಡಿರಿ.

ಪ್ರಕಟನೆ 19:9

ಇಂಞು ದೇವದೂತ ನನ್ನ ನೋಟಿತ್: ಕೊರಿಕುಟ್ಟಿಯಾನವೊಂಡ ಮಂಗಲತ್‍ರ ಗದ್ದಾಳಕ್ ಕಾಕ್‍ಚಿಟ್ಟಯಿಂಗ ಆಶೀರ್ವಾದ ಪಡ್ಂದಯಿಂಗ ಇನ್ನನೆ ಒಳ್‌ದ್‍ೕಂದ್ ಎಣ್ಣ್‌ಚಿ. ಇದ್ ದೇವಡ ಸತ್ಯವಾಯಿತುಳ್ಳ ತಕ್ಕ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 21:5

ಸಿಂಹಾಸನತ್‍ಲ್ ಅಳ್‌ತಿತ್ ಇಂಜಂವೊ: ನೋಟಿ, ನಾನ್ ಎಲ್ಲಾನ ಪುದಿಯದಾಯಿತ್ ಮಾಡಿಯಂಡುಳ್ಳ್‌ಂದ್ ಎಣ್ಣ್‌ಚಿ, ಪುನಃ ಅಂವೊ: ಈ ತಕ್ಕ್ ಎಲ್ಲಾ ಸತ್ಯವು ನೇರಾನದು ಆಯಿತುಳ್ಳಗುಂಡ್ ಒಳ್‌ದ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 22:7

ನೋಟಿ! ನಾನ್ ಬೆರಿಯ ಬಂದಂಡುಂಡ್; ಈ ಪುಸ್ತಕತ್‍ಲ್ ಉಳ್ಳ ಪ್ರವಾದನೆರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 4:1

ಇದಾನ ಪಿಂಞ ನಾನ್ ನೋಟ್‍ವಕ, ಇದಾ, ಪರಲೋಕತ್‍ಲ್ ತೊರಂದಿತ್ ಬೆಚ್ಚಿತ್ಂಜ ಒರ್ ಪಡಿನ ಕಂಡಿಯೆ. ಮಿಂಞ ವಾಲಗತ್‍ರ ಸದ್ದ್‌ರನೆಕೆ ನಾಡ ಕೂಡೆ ತಕ್ಕ್ ಪರ್ಂದ ವಾಣಿ: ಇಲ್ಲಿಕ್ ಪತ್ತಿತ್ ಬಾ, ಮಿಂಞಕ್ ನಡ್‍ಪಕುಳ್ಳದ್‍ನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.