ಪ್ರಕಟನೆ 22:18 - ಕೊಡವ ಬೈಬಲ್

¹⁸ ಈ ಪುಸ್ತಕತ್‍ಲ್ ಉಳ್ಳ ಪ್ರವಾದನೆರ ತಕ್ಕ್‌ನ ಕ್‍ೕಟಂಡುಳ್ಳ ಪ್ರತಿ ಒಬ್ಬಂಗು ನಾನ್ ಎಚ್ಚರವಾಯಿತ್ ಎಣ್ಣ್‌ವದ್ ಎಂತ ಎಣ್ಣ್‌ಚೇಂಗಿ: ದಾರೇಂಗಿ ಈ ಪುಸ್ತಕತ್‍ಲ್ ಒಳ್‍ದ್‍ನ ವಿಷಯಕಿಂಜ ಬೋರೆ ಎಂತೇಂಗಿ ಕೂಟ್‍ನಕ, ದೇವ ಅಂವೊಂಗ್ ಈ ಪುಸ್ತಕತ್‍ಲ್ ಒಳ್‍ದಿತ್ ಬೆಚ್ಚಿತುಳ್ಳ ಬಾದೇನ ಅಂವೊಂಡ ಮೇಲೆ ಕೂಟ್‌ವ.

ಪ್ರಕಟನೆ 22:18 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 30:6

ಅಂವೊಂಡ ತಕ್ಕ್‌ಕ್‌ ಒಂದು ಕೂಟಂಡ. ಅನ್ನನೆ ಮಾಡ್‌ಚೇಂಗಿ ಅಂವೊ ನಿನ್ನ ಚೂಕ್‌ಚಿಡುವ ಪಿಂಞ ಪೊಟ್ಟ್‌ಮಾರಿ ಎಣ್ಣಿಯಂಡ್‌ ನಿರೂಪಿಚಿಡುವ.

ಮತ್ತಾಯ 15:13

ಅದ್ಂಗ್ ಯೇಸು: ನಾಡ ಪರಲೋಕತ್ ಅಪ್ಪ ನೆಡತೆ ಗಿಡತ್‌ನೆಲ್ಲ ಬೇರೋಡೆ ಬಲ್‍ಚಿತ್ ಚಾಡಿರ್‍ವ

ಎಫೆಸ 4:17

ಆನಗುಂಡ್, ಒಡೆಯಂಡಲ್ಲಿ ನಾನ್ ನಿಂಗಕ್ ಸಾಕ್ಷಿಯಾಯಿತ್ ಎಚ್ಚರ ಮಾಡಿತ್ ಎಣ್ಣುವದ್ ಎಂತ ಎಣ್ಣ್‌ಚೇಂಗಿ, ಯೆಹೂದ್ಯಂಗಲ್ಲತ ಬೋರೆ ಜನ ಪ್ರಯೋಜನ ಇಲ್ಲತ ಗೇನತ್‍ಲ್ ಬದ್‍ಕ್‍ವನೆಕೆ ನಿಂಗ ಇಂಞು ಮಿಂಞಕ್ ಬದ್‍ಕಂಡ.

1 ಥೆಸಲೊನೀಕ 4:6

ಈ ವಿಷಯತ್‍ಲ್ ಯೇಸುನ ನಂಬ್‍ನ ನಿಂಗಡ ಅಣ್ಣತಮ್ಮಣಂಗಳ ವಂಚನೆ ಮಾಡ್‌ವಕ್ಕಾಗ; ಮಿಂಞಲೇ ನಂಗ ನಿಂಗಕ್ ಎಣ್ಣಿತ್ ಸಾಕ್ಷಿಯಾಯಿತ್ ಎಚ್ಚರ ಮಾಡ್‍ನನೆಕೆ, ಇನ್ನನೆ ಮಾಡ್‌ವಯಿಂಗಕ್ ದೇವ ಕಂಡಿತವಾಯಿತ್ ಶಿಕ್ಷೆ ತಪ್ಪ.

ಪ್ರಕಟನೆ 1:3

ಈ ಪ್ರವಾದನೆರ ವಾಕ್ಯತ್‍ನ ಓದ್‍ವಯಿಂಗ, ಕ್‍ೕಪಯಿಂಗ ಪಿಂಞ ಇದ್‍ಲ್ ಎಣ್ಣ್‌ನನೆಕೆ ಮಾಡ್‌ವಯಿಂಗ ಎಲ್ಲಾರು ಆಶೀರ್ವಾದ ಪಡ್ಂದಯಿಂಗ, ಎನ್ನಂಗೆಣ್ಣ್‌ಚೇಂಗಿ, ಕಾಲ ಪಕ್ಕ ಬಾತ್.

ಪ್ರಕಟನೆ 15:1

ಪಿಂಞ, ಪರಲೋಕತ್‍ಲ್ ಬಲ್ಯದಾಯಿತ್ ಆಶ್ಚರ್ಯವಾನ ಇಂಞೊರ್ ಗುರ್‌ತ್‌ನ ನಾನ್ ಕಂಡಿಯೆ. ಇದ್ ಆಕೀರ್ ಆಯಿತುಳ್ಳ ಏಳ್ ಬಾದೆನೆ ಬೆಚ್ಚಿತ್ಂಜ ಏಳ್ ದೂತಂಗಳಾಯಿತ್ಂಜತ್. ಇದ್‍ನಗುಂಡ್ ದೇವಡ ಚೆಡಿ ತ್‍ೕಂದ್ ಪೋಪ.

ಪ್ರಕಟನೆ 15:6

ಆ ಆಲಯತ್ಂಜ ಏಳ್ ಬಾದೇರ ಆ ಏಳ್ ದೇವದೂತಂಗ ಪೊರಟಿತ್ ಬಾತ್. ಅಯಿಂಗ ಶುದ್ದವಾನ ಮಿನ್ನುವ ಬೊಳ್‍ತ ನಾರ್ ಬಟ್ಟೆ ಇಟ್ಟಂಡ್, ಪೊನ್ನ್‌ರ ಪಟ್ಟಿನ ಎದೇಲ್ ಕಟ್ಟಿಯಂಡ್ ಇಂಜತ್.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 20:15

ಜೀವ ಪುಸ್ತಕತ್‍ಲ್ ಪೆದ ಒಳ್‍ದಿತ್ ಇಲ್ಲತಯಿಂಗಳಾಯಿತ್ ದಾರ್ ಉಂಡೋ ಅಯಿಂಗಳೆಲ್ಲ ತಿತ್ತ್‌ರ ಕಡಲ್‍ಕ್ ಚಾಡಿರ್‌ತ್.

ಪ್ರಕಟನೆ 22:10

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಈ ಪುಸ್ತಕತ್‍ಲ್ ಒಳ್‍ದ್‍ನ ಪ್ರವಾದನೆರ ವಾಕ್ಯತ್‍ನ ಮುದ್ರೆ ಮಾಡಂಡ, ಎನ್ನಂಗೆಣ್ಣ್‌ಚೇಂಗಿ ಸಮಯ ಬೆರಿಯ ಬಂದ್‌ರ್‌ತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 22:7

ನೋಟಿ! ನಾನ್ ಬೆರಿಯ ಬಂದಂಡುಂಡ್; ಈ ಪುಸ್ತಕತ್‍ಲ್ ಉಳ್ಳ ಪ್ರವಾದನೆರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗ ಆಶೀರ್ವಾದ ಪಡ್ಂದಯಿಂಗ.

ಪ್ರಕಟನೆ 22:9

ಅಕ್ಕ ಆ ದೇವದೂತ: ನಾಕ್ ನೀನ್ ಇನ್ನನೆ ಮಾಡತೆ, ನೀಡ ಕೂಡೆ, ನೀಡ ಅಣ್ಣತಮ್ಮಣಂಗಡ ಕೂಡೆ, ಪ್ರವಾದಿಯಂಗಡ ಕೂಡೆ, ಈ ಪುಸ್ತಕತ್‍ರ ತಕ್ಕ್‌ಕ್ ತಗ್ಗಿತ್ ನಡ್‍ಪಯಿಂಗಡ ಕೂಡೆ ನಾನ್ ಸಹ ಒರ್ ಸೇವಕ ಅಚ್ಚಕೆ. ದೇವನ ಆರಾದನೆ ಮಾಡ್‍ೕಂದ್ ಎಣ್ಣ್‌ಚಿ.

ಪ್ರಕಟನೆ 3:14

ಲವೊದಿಕೀಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ನಂಬಿಕಸ್ತನು, ಸತ್ಯವಂತನು, ದೇವಡ ಸೃಷ್ಟಿಕ್ ಆದ್ಯವಾಯಿತು ಉಳ್ಳ ಆಮೆನ್ ಎಣ್ಣ್‌ವಂವೊ ಎಣ್ಣಿಯಂಡುಳ್ಳ.