ಪ್ರಕಟನೆ 22:17 - ಕೊಡವ ಬೈಬಲ್

¹⁷ ಪವಿತ್ರಾತ್ಮನು ಮಂಗಲಕರ್ತಿಯು ಬಾರೀಂದ್ ಎಣ್ಣುವ; ಕ್‍ೕಪಯಿಂಗಳು ಬಾರೀಂದ್ ಎಣ್ಣಡ್; ಬಾಯಾರಿಕೆ ಉಳ್ಳಯಿಂಗ ಬರಡ್; ಕುಶಿಯುಳ್ಳಯಿಂಗ ಜೀವತ್‍ರ ನೀರ್‌ನ ಇನಾಮಾಯಿತ್ ಎಡ್‍ತಂಡ್ ಪೋಡ್.

ಪ್ರಕಟನೆ 22:17 ပူးပေါင်းရင်းမြစ်များ

ಯೋಹಾನ 1:37

ಅಂವೊ ಅನ್ನನೆ ಎಣ್ಣ್‌ವಾನ ಕ್‍ೕಟಿತ್: ಆ ದಂಡ್ ಶಿಷ್ಯಂಗಳು ಯೇಸುರ ಬಯ್ಯಕ್ ಪೋಚಿ.

ಯೋಹಾನ 4:10

ಅಕ್ಕ ಯೇಸು ಅವಕ್: ದೇವಡ ದಾನ ನೀಕ್ ಗೊತ್ತಾಯಿತ್, ನಾಕ್ ಕುಡಿಪಕ್ ನೀರ್ ತಾಂದ್ ಕ್‍ೕಟಂವೊ ದಾರ್‍ೕಂದ್ ನೀಕ್ ಗೊತ್ತ್‌ಂಜತೇಂಗಿ, ನೀನೇ ಅಂವೊಂಡ ಪಕ್ಕ ಕ್‍ೕಟಿತ್‌ಪ್ಪಿಯ, ಅಂವೊ ನೀಕ್ ಜೀವತ್‍ರ ನೀರ್‌ನ ಕೊಡ್‍ತಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 4:11

ಅದ್ಂಗ್ ಆ ಪೊಣ್ಣಾಳ್: ಒಡೆಯನೇ, ನೀರ್ ಬಲಿಪಕ್ ನೀಡ ಪಕ್ಕ ಒಂದು ಇಲ್ಲೆ, ಕಣತೆರೆಯು ದುಂಬ ಆಳವಾಯಿತ್ ಉಂಡಲ್ಲ, ಪಿಂಞ ಎಲ್ಲಿಂಜ, ನೀಕ್ ಜೀವತ್‍ರ ನೀರ್ ಕ್‍ಟ್ಟುವ?

ಯೋಹಾನ 4:14

ಆಚೇಂಗಿ, ನಾನ್ ತಪ್ಪ ನೀರ್‌ನ ಕುಡಿಪಯಿಂಗಕ್ ಒರ್‌ಕಾಲು ಬಾಯಾರಿಕೆ ಆಪುಲೆ; ನಾನ್ ಅಯಿಂಗಕ್ ಕೊಡ್‍ಪ ನೀರ್ ಅಯಿಂಗಡ ಹೃದಯತ್‍ಲ್ ನಿತ್ಯ ಜೀವಕಾಯಿತ್ ಉಕ್ಕಿ ಬಂದಂಡಿಪ್ಪ ಜಲವಾಯಿತ್‌ಪ್ಪಾಂದ್ ಎಣ್ಣ್‌ಚಿ.

ಯೋಹಾನ 4:29

ಬಾರಿ, ಇಲ್ಲಿಕತ್ತನೆ ನಾನ್ ಮಾಡ್‌ನದ್‍ನೆಲ್ಲಾ ಒಬ್ಬ ನಾಕ್ ಎಣ್ಣ್‌ಚಿ. ನಿಂಗೆಲ್ಲಾರು ಬಂದಿತ್ ನೋಟಿ. ಇಂವೊ ಕ್ರಿಸ್ತನಾಯೀತಿಕ್ಕುವೋಂದ್ ಎಣ್ಣ್‌ಚಿ.

ಯೋಹಾನ 7:37

ಆ ನಮ್ಮೆರ ಮುಕ್ಯ ದಿವಸವಾನ ಕಡೆ ದಿವಸತ್, ಯೇಸು ನಿಪ್ಪಂಜಿ ಜೋರಾಯಿತ್: ದಾರ್‌ಕ್ ಬಾಯರಿಕೆಯಾಯಿತ್ ಉಂಡೋ ಅಂವೊ ನಾಡ ಪಕ್ಕ ಬಂತ್ ಕುಡಿಕಡ್.

ರೋಮ್ 3:24

ಅಂವೊಂಡ ಇನಾಮ್‍ರ ಕೃಪೇರ ಮೂಲಕ, ಯೇಸು ಕ್ರಿಸ್ತಂಡ ವಿಮೋಚನತ್‍ರಗುಂಡ್ ಮಾತ್ರ ನೀತಿವಂತಯಿಂಗಳಾಯಂಡುಂಡ್.

1 ಕೊರಿಂಥ 2:12

ನಂಗ ಈ ಲೋಕತ್‍ರ ಆತ್ಮತ್‌ನ ಅಲ್ಲ, ಆಂಡ ಬದ್‍ಲ್, ದೇವ ನಂಗಕ್ ಇನಾಮಾಯಿತ್ ಕೊಡ್‍ತಿತುಳ್ಳದ್‍ನ ಗೊತ್ತಾಪಕಾಯಿತ್ ದೇವ ನಂಗಕ್ ಅಯಿಚ ಪವಿತ್ರಾತ್ಮತ್‍ನ ಕ್‍ಟ್ಟ್‌ನಯಿಂಗಳಾಯಿತುಂಡ್.

ಪ್ರಕಟನೆ 14:13

ಪಿಂಞ ಪರಲೋಕತ್ಂಜ ಬಪ್ಪ ಒರ್ ವಾಣಿ ನಾಕ್ ಕ್‍ೕಟತ್; ಅದ್: ಒಡೆಯಂಡಲ್ಲಿ ಚಾವಯಿಂಗ ಇಕ್ಕಯಿಂಜ ಆಶೀರ್ವಾದ ಪಡ್ಂದಯಿಂಗಾಂದ್ ಒಳ್‌ದ್‍ೕಂದ್ ಎಣ್ಣ್‌ಚಿ; ಅಯಿಂಗ ಅಯಿಂಗಡ ಪ್ರಯತ್ನತ್‌ನೆಲ್ಲ ಬುಟ್ಟಿತ್, ಆರಾಮ್ ಮಾಡ್‌ವ; ಅಯಿಂಗಡ ಕ್ರಿಯೆ ಅಯಿಂಗಡ ಕೂಡೆ ಪೋಪ; ಪವಿತ್ರಾತ್ಮ ಸಹ ಅಕ್ಕೂಂದ್ ಎಣ್ಣಿಯಂಡುಂಡ್.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 21:2

ಪಿಂಞ, ಪರಲೋಕತ್ಂಜ ಪವಿತ್ರ ಪಟ್ಟಣವಾನ ಪುದಿಯ ಯೆರೂಸಲೇಮ್ ದೇವಡ ಕಡೇಯಿಂಜ ಇಳಿಂಜಿ ಬಪ್ಪದ್‍ನ ನಾನ್ ಕಂಡಿಯೆ. ಅದ್ ತಾಂಡ ಮಂಗಲಕಾರಂಗಾಯಿತ್ ಅಲಂಕಾರ ಮಾಡಿತ್ಂಜ ಮಂಗಲಕರ್ತಿರನೆಕೆ ಇಂಜತ್.

ಪ್ರಕಟನೆ 21:6

ಇದ್‍ಲ್ಲತೆ, ಅಂವೊ ನನ್ನ ನೋಟಿತ್: ಎಲ್ಲಾ ತ್‍ೕಂದತ್, ನಾನ್ ಅಲ್ಫಾವಾಯಿತು ಓಮೆಗವಾಯಿತು, ಆದ್ಯವಾಯಿತು ಆಕೀರಾಯಿತು ಉಳ್ಳ. ಬಾಯರಿಕೆಲ್ ಉಳ್ಳಂವೊಂಗ್, ಜೀವತ್‍ರ ಜಲ ನೀರ್‍ಯಿಂಜ ನಾನ್ ಇನಾಮಾಯಿತ್ ನೀರ್‌ನ ಕುಡಿಪಕ್ ತಪ್ಪಿ.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 22:1

ಪಿಂಞ, ಶುದ್ದವಾನ ತೆಳ್ಂಗ್‍ನ ಜೀವತ್‍ರ ನೀರ್ ಕ್‍ಟ್ಟ್‌ವ ಪೊಳೆನ ನಾಕ್ ಕಾಟ್‍ಚಿ. ಆ ಪೊಳೆ ದೇವಡ ಪಿಂಞ ಕೊರಿಕುಟ್ಟಿಯಾನವೊಂಡ ಸಿಂಹಾಸನತ್ಂಜ ಪೊರಟಿತ್ ಬಾತ್.

ಪ್ರಕಟನೆ 22:16

ಯೇಸುವಾನ ನಾನ್, ಸಬೇಕಾಯಿತ್, ನಿಂಗಡ ಕೂಡೆ ಇದ್‍ನೆಲ್ಲಾ ಸಾಕ್ಷಿಯಾಯಿತ್ ಎಣ್ಣುವಕ್, ನಾಡ ದೂತನ ಅಯಿಚಿಯೆ. ನಾನ್ ದಾವೀದಂಡ ಬೇರಾಯಿತು, ಅಂವೊಂಡ ಸಂತಾಕಾರನಾಯಿತು, ಪೊಲಾಕ ಕಾಂಬ ಪ್ರಕಾಶವಾನ ಬಾನತ್‍ರ ಮೀನಾಯಿ‍ತು ಉಳ್ಳ್‌ಂದ್ ಎಣ್ಣ್‌ಚಿ.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.