ಪ್ರಕಟನೆ 21:22 - ಕೊಡವ ಬೈಬಲ್

²² ಆ ಪಟ್ಟಣತ್‍ಲ್ ನಾನ್ ದೇವಾಲಯತ್‍ನ ಕಂಡಿತ್‌ಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವ ಪಿಂಞ ಕೊರಿಕುಟ್ಟಿಯಾಯಿತುಳ್ಳಂವೊನೇ ಅದ್ಂಗ್ ದೇವಾಲಯವಾಯಿತ್ಂಜತ್.

ಪ್ರಕಟನೆ 21:22 ပူးပေါင်းရင်းမြစ်များ

ಮತ್ತಾಯ 24:2

ಅಕ್ಕ ಯೇಸು ಅಯಿಂಗಳ ನೋಟಿತ್, ಇದ್‍ನೆಲ್ಲ ನೋಟ್‌ವಿರಲ್ಲ, ಈ ಜಾಗತ್‍ಲ್ ಒರ್ ಕಲ್ಲ್‌ರ ಮೇಲೆ ಇಂಞ್ಞೊರ್ ಕಲ್ಲ್ ಇಲ್ಲತನೆಕೆ ಎಲ್ಲಾನ ಪೊಳಿಚಿಡ್‍ವಾಂದ್ ನೇರಾಯಿತು ನಿಂಗಕ್ ಎಣ್ಣುವೀಂದ್ ಎಣ್ಣ್‌ಚಿ.

ಯೋಹಾನ 10:30

ನಾನು ನಾಡ ಅಪ್ಪನು ಒಂದ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಯೋಹಾನ 13:32

ಅಂವೊಂಡ ಮೂಲಕ ದೇವಕ್ ಮಹಿಮೆ ಕ್‍ಟ್ಟ್‌ಚೇಂಗಿ, ದೇವ ಅಂವೊಂಡ ಮೂಲಕ ತಾಂಡ ಒಳ್‌ಲ್‌ ಅಂವೊಂಗ್ ಮಹಿಮೆ ಕ್‍ಟ್ಟುವನೆಕೆ ಮಾಡುವ, ಇಕ್ಕಲೆ ಒಮ್ಮಕೆ ಮಹಿಮೆನ ಕ್‍ಟ್ಟುವನೆಕೆ ಮಾಡುವ.

ಯೋಹಾನ 4:21

ಅಕ್ಕ ಯೇಸು: ಅವ್ವ, ನಾಡ ತಕ್ಕ್‌ನ ನೀನ್ ನಂಬ್. ನಿಂಗ ದೇವನ ಆರಾದನೆ ಮಾಡ್‌ವಕ್ ಈ ಕುಂದ್‌ಕ್ ಪೋಪದ್ ಬೋಂಡ, ಯೆರೂಸಲೇಮ್‌ಕ್ ಪೋಪದು ಬೋಂಡ. ಆಚೇಂಗಿ ಅಪ್ಪನಾನ ದೇವನ ಎಲ್ಲಾ ಜಾಗತ್‍ಲು ಆರಾದನೆ ಮಾಡ್‌ವ ಕಾಲ ಬಂದಂಡುಂಡ್.

ಯೋಹಾನ 4:23

ನೇರಾಯಿತ್ ಆರಾದನೆ ಮಾಡ್‌ವಯಿಂಗ, ಅಪ್ಪನಾನ ದೇವನ ಆತ್ಮತ್‍ಲು ಸತ್ಯತ್‍ಲು ಆರಾದನೆ ಮಾಡ್‌ವ ಕಾಲ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ಅನ್ನನೆ ಆರಾದನೆ ಮಾಡ್‌ವಯಿಂಗಳ ದೇವ ತ್‍ೕಡಿಯಂಡುಂಡ್.

ಕೊಲೊಸ್ಸೆ 1:19

ದೇವಡ ಪರಿಪೂರ್ಣವಾನ ಎಲ್ಲಾ ಗುಣವು ಅಂವೊಂಡ ಒಳ್‍ಲ್ ಇಪ್ಪಕ್ ದೇವಕ್ ಕುಶಿಯಾಚಿ.

ಕೊಲೊಸ್ಸೆ 2:9

ಎನ್ನಂಗೆಣ್ಣ್‌ಚೇಂಗಿ, ದೇವಕ್ ಬೋಂಡಿಯಾನ ಎಲ್ಲಾ ಗುಣವು ಕ್ರಿಸ್ತಂಡ ತಡೀಲ್ ವಾಸ ಮಾಡಿಯಂಡ್ ಉಂಡ್.

ಪ್ರಕಟನೆ 1:8

ನಾನ್ ಅಲ್ಫಾವು ಓಮೆಗಾವು, ಆದ್ಯವು ಆಕೀರು, ಇಕ್ಕ ಇಪ್ಪಂವೊನು, ಮಿಂಞ ಇಂಜಂವೊನು, ಮಿಂಞಕ್ ಬಪ್ಪಕುಳ್ಳಂವೊನು ಸರ್ವ ಶಕ್ತಿವಂತಂವೊನು ಆಯಿತುಳ್ಳ ಒಡೆಯನಾನ ದೇವ ಎಣ್ಣಿಯಂಡ್ ಉಳ್ಳ.

ಪ್ರಕಟನೆ 11:17

ಇಕ್ಕ ಇಪ್ಪಂವೊನೂ, ಮಿಂಞ ಇಂಜಂವೊನು ಸರ್ವ ಶಕ್ತಿವಂತಂವೊನು ಆಯಿತುಳ್ಳ, ಒಡೆಯನಾನ ದೇವನೇ, ನಿನ್ನ ನಂಗ ಆರಾದನೆ ಮಾಡ್‌ವ. ನೀನ್ ಬಲ್ಯ ಶಕ್ತಿರಗುಂಡ್ ರಾಜ್ಯಬಾರ ಮಾಡ್‌ವ ರಾಜನಾಯಿತುಳ್ಳಿಯ.

ಪ್ರಕಟನೆ 14:4

ಈಂಗಳೇ ಪೊಣ್ಣಾಳ್‍ರಗುಂಡ್ ಅಶುದ್ದ ಆಕತ, ಕನ್ನಿ ಮೂಡಿಯರನೆಕೆ ಶುದ್ದವಾಯಿತ್ ಇಂಜಯಿಂಗ. ಕೊರಿಕುಟ್ಟಿಯಾನಂವೊ ಎಲ್ಲಿಯೆಲ್ಲಾ ಪೋಪ, ಅಂವೊಂಡ ಬಯ್ಯಕ್ ಪೋಪಯಿಂಗ ಈಂಗಳೇ. ಅಯಿಂಗ ಜನಡ ಮದ್ಯತ್ಂಜ ದೇವಕಾಯಿತ್ ಪಿಂಞ ಕೊರಿಕುಟ್ಟಿಯಾನವೊಂಗಾಯಿತ್ ಆದ್ಯ ಪಣ್ಣಾಯಿತ್ ವಿಮೋಚನ ಆನಯಿಂಗ.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.

ಪ್ರಕಟನೆ 16:14

ಅಯಿಂಗ ಅದ್ಬುದ ಮಾಡ್‌ವ ಕೂಳಿಯಂಗ; ಬೂಲೋಕತ್‍ಲ್ ಉಳ್ಳ ರಾಜಂಗಡ ಪಕ್ಕ ಪೋಯಿತ್ ಸರ್ವ ಶಕ್ತನಾಯಿತ್ ಉಳ್ಳ ದೇವಡ ಮಹಾ ದಿವಸತ್‍ಲ್ ಆಪ ಯುದ್ದಕ್ ಅಯಿಂಗಳ ಕೂಟ್‍ವಕಾಯಿತ್ ಪೊರಟಿತ್ ಪೋಚಿ.

ಪ್ರಕಟನೆ 16:7

ಬಲಿಪೀಠತ್‍ಲ್ ಇಂಜ ಬೋರೆ ಒಬ್ಬ: ಅಕ್ಕು, ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಾದಿ ದೇವನೇ, ನೀಡ ನ್ಯಾಯತೀರ್ಪ್ ಸತ್ಯವು ನೀತಿವಂತದೂಂದ್ ಎಣ್ಣ್‌ನದ್ ನಾಕ್ ಕ್‍ೕಟತ್.

ಪ್ರಕಟನೆ 19:15

ದೇವಡ ಮಕ್ಕ ಅಲ್ಲತಯಿಂಗಳ ಕೊಲ್ಲ್‌ವಕಾಯಿತ್ ಅಂವೊಂಡ ಬಾಯಿಂಜ ಚೂಪಾಯಿತುಳ್ಳ ಕತ್ತಿ ಪೊರಟಿತ್ ಬಾತ್; ಇರ್‌ಂಬ್ ಕೋಲ್‍ರಗುಂಡ್ ಅಂವೊ ಅಯಿಂಗಳ ರಾಜ್ಯಬಾರ ಮಾಡ್‌ವ; ಅಂವೊ ಸರ್ವ ಶಕ್ತಿವಂತಂವೊನಾಯಿತುಳ್ಳ ದೇವಡ ಬಲ್ಯ ಚೆಡಿರ ಕಳ್ಳ್ ಉಳ್ಳ ದ್ರಾಕ್ಷಿ ಕುಂಡ್‍ಲ್ ಚೌಟ್‍ವ.

ಪ್ರಕಟನೆ 4:8

ಆ ನಾಲ್ ಜೀವ ಪ್ರಾಣಿಯ ಒಂದೊಂದಂಗು ಆರ್ ಆರ್ ರೆಕ್ಕೆ ಇಂಜತ್. ರೆಕ್ಕೆರ ಸುತ್ತ್‌ಲ್ ಪಿಂಞ ಒಳ್‍ಕ್ ಕಣ್ಣ್ ದುಂಬಿತ್ಂಜತ್. ಆ ಜೀವ ಪ್ರಾಣಿಯ: ಇಂಜಂವೊನು, ಇಪ್ಪಂವೊನು ಬಪ್ಪಂವೊನು ಆಯಿತುಳ್ಳ ಸರ್ವ ಶಕ್ತಿ ಉಳ್ಳ ದೇವನಾನ ಒಡೆಯ, ಪವಿತ್ರವಾನಂವೊ, ಪವಿತ್ರವಾನಂವೊ, ಪವಿತ್ರವಾನಂವೋಂದ್ ಎಡೆಬುಡತೆ ಬಯಿಟ್ ಪೋಲು ಎಣ್ಣಿಯಂಡೇ ಇಂಜತ್.

ಪ್ರಕಟನೆ 5:6

ಸಿಂಹಾಸನತ್‍ರ, ನಾಲ್ ಜೀವ ಪ್ರಾಣಿಯಡ ಪಿಂಞ ಪೆರಿಯಯಿಂಗಡ ಮದ್ಯತ್‍ಲ್, ಮಿಂಞಲೇ ಬಲಿಯಾಯಿತ್ಂಜ ಕೊರಿ ಕುಟ್ಟಿರನೆಕೆ ಉಳ್ಳ ಒಬ್ಬನ ನಾನ್ ಕಂಡಿಯೆ; ಅದ್ಂಗ್ ಏಳ್ ಕೊಂಬ್ ಪಿಂಞ ಏಳ್ ಕಣ್ಣ್ ಇಂಜತ್. ಈ ಲೋಕತ್‍ರ ಎಲ್ಲಾ ಜಾಗಕು ಅಯಿಪಕಾಯಿತ್ ಉಳ್ಳ ದೇವಡ ಏಳ್ ಆತ್ಮವೇ ಈ ಏಳ್ ಕಣ್ಣ್.

ಪ್ರಕಟನೆ 7:15

ಆನಗುಂಡ್, ಈಂಗ, ದೇವಡ ಸಿಂಹಾಸನತ್‍ರ ಮಿಂಞ ಇಂಜಂಡ್, ಬಯಿಟ್ ಪೋಲ್ ಅಂವೊಂಡ ಆಲಯತ್‍ಲ್ ಸೇವೆ ಮಾಡಿಯಂಡುಂಡ್. ಸಿಂಹಾಸನತ್‍ಲ್ ಅಳ್‌ತಂಡ್ ಉಳ್ಳಂವೊ ಅಯಿಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಉಂಡ್.

ಪ್ರಕಟನೆ 7:17

ಸಿಂಹಾಸನತ್‍ರ ಮದ್ಯತ್‍ಲ್ ಉಳ್ಳ ಕೊರಿಕುಟ್ಟಯಾನಂವೊನೇ ಈಂಗಳ ಚಾಕಿತ್, ಅಯಿಂಗಳ ಜೀವತ್‍ರ ಜಲ ಉಕ್ಕಿ ಬಪ್ಪ ಜಾಗಕ್ ಕಾಕಿಯಂಡ್ ಪೋಪ; ದೇವ ತಾನೆ ಅಯಿಂಗಡ ಕಣ್ಣ್‌ಂಜ ಕಣ್ಣೀರ್‌ನೆಲ್ಲಾ ತ್‍ೕಟ್‍ವಾಂದ್ ಎಣ್ಣ್‌ಚಿ.