ಪ್ರಕಟನೆ 21:21 - ಕೊಡವ ಬೈಬಲ್

²¹ ಪನ್ನೆರಂಡ್ ಬಾಯಿಕಂಡಿಯು ಪನ್ನೆರಂಡ್ ಮುತ್ತಾಯಿತ್‍ಂಜತ್. ಓರೋರ್ ಬಾಯಿಕಂಡಿಯು ಓರೋರ್ ಮುತ್ತ್‌ಲ್ ಮಾಡಿತ್ಂಜತ್. ಪಟ್ಟಣತ್‍ರ ಬೀದಿ ತೆಳ್ಂಗ್‍ನ ಗಾಜಿರ ಶುದ್ದವಾನ ಪೊನ್ನ್‌ರನೆಕೆ ಇಂಜತ್.

ಪ್ರಕಟನೆ 21:21 ပူးပေါင်းရင်းမြစ်များ

ಪ್ರಕಟನೆ 17:4

ಆ ಪೊಣ್ಣಾಳ್ ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೆ ಇಟ್ಟಿತ್ಂಜತ್. ಪೊನ್ನ್‌ರಗುಂಡ್, ರತ್ನತ್‍ರಗುಂಡ್, ಮಾಣಿಕ್ಯತ್‍ರಗುಂಡ್ ಅಲಂಕಾರ ಮಾಡಿತ್, ತಾಂಡ ವೇಶಿತನತ್‍ರ ಅಸಹ್ಯ ಪಿಂಞ ಅಶುದ್ದತ್‍ರಗುಂಡ್ ದುಂಬ್‍ನ ಪೊನ್ನ್‌ರ ಪಾತ್ರತ್‍ನ ತಾಂಡ ಕೈಯಿಲ್ ಪುಡ್‌ಚಂಡಿಂಜತ್.

ಪ್ರಕಟನೆ 18:16

ಅಯ್ಯೋ! ಅಯ್ಯೋ! ನಾರ್ ಬಟ್ಟೇನ, ನೀಲಿ ಪಿಂಞ ಚೋಂದ ರಂಗ್‍ರ ಬಟ್ಟೇನ, ಚೋಪ್‍ರ ಬಟ್ಟೇನೆ ಇಟ್ಟಿತ್, ಪೊನ್ನ್‌ರಗುಂಡ್, ಬೊಳ್ಳಿರಗುಂಡ್, ರತ್ನತ್‍ರಗುಂಡ್, ಮುತ್ತ್‌ರಗುಂಡ್, ಅಲಂಕಾರ ಮಾಡಿತ್ಂಜ ಮಹಾ ಪಟ್ಟಣವೇ,

ಪ್ರಕಟನೆ 21:15

ನಾಡ ಕೂಡೆ ತಕ್ಕ್ ಪರ್‌ದಂಡ್ ಇಂಜಂವೊ, ಆ ಪಟ್ಟಣತ್‍ನ, ಅದ್ಂಡ ಬಾಯಿಕಂಡಿ‍ನ ಅಳ್‌ತೆ ಮಾಡ್‌ವಕಾಯಿತ್ ಪೊನ್ನ್‌ರ ಅಳ್‌ತೆ ಕೋಲ್‍ನ ಕೈಯಿಲ್ ಪುಡ್‍ಚಂಡ್ ಇಂಜತ್.

ಪ್ರಕಟನೆ 21:18

ಅಲ್ಲಿಯತ್‍ರ ಗೋಡೆ ಸೂರ್ಯಕಾಂತ ಕಲ್ಲ್‌ಲ್ ಕೆಟ್ಟಿತ್ಂಜತ್. ಆ ಪಟ್ಟಣ ತೆಳ್ಂಗ್‍ನ ಗಾಜಿಕ್ ತಕ್ಕಂತ ಶುದ್ದವಾನ ಪೊನ್ನಾಯಿತ್ಂಜತ್.

ಪ್ರಕಟನೆ 22:2

ಅದ್ ಆ ಪಟ್ಟಣತ್‍ರ ಬೀದಿರ ಮದ್ಯತ್‍ಲ್ ಪೋಯಂಡಿಂಜತ್, ಆ ಪೊಳೆರ ದಂಡ್ ಬರೀಲು ಜೀವ ತಪ್ಪ ಮರ ಇಂಜತ್. ಆ ಮರತ್ಂಜ ಪನ್ನೆರಂಡ್ ತರತ್‍ರ ಪಣ್ಣ್ ಕ್‍ಟ್ಟ್‌ವ. ತಿಂಗ ತಿಂಗಕ್ ಅದ್ ಪಣ್ಣ್ ತಪ್ಪಕಿಂಜತ್; ಆ ಮರತ್‍ರ ಎಲ್‌ಕಂಡ ಜನ ವಾಸಿ ಆಪಕ್ ಪ್ರಯೋಜನವಾಯಿತ್ಂಜತ್.

ಪ್ರಕಟನೆ 4:6

ಆ ಸಿಂಹಾಸನತ್‍ರ ಮಿಂಞ ಶುದ್ದವಾನ ಪಾಕಲ್ಲ್‌ರನೆಕೆ ಗಾಜಿರ ಕಡಲ್ ಇಂಜತ್. ಸಿಂಹಾಸನತ್‍ರ ಮದ್ಯತ್‍ಲ್ ಪಿಂಞ ಸಿಂಹಾಸನತ್‍ರ ಸುತ್ತ್‌ಲ್ ನಾಲ್ ಜೀವ ಪ್ರಾಣಿಯ ಇಂಜತ್; ಜೀವ ಪ್ರಾಣಿಯಕ್ ಮಿಂಞಕು ಬಯ್ಯಕು ಪೂರ್ತಿ ಕಣ್ಣ್ ದುಂಬಿತ್ಂಜತ್.