ಪ್ರಕಟನೆ 21:18 - ಕೊಡವ ಬೈಬಲ್

¹⁸ ಅಲ್ಲಿಯತ್‍ರ ಗೋಡೆ ಸೂರ್ಯಕಾಂತ ಕಲ್ಲ್‌ಲ್ ಕೆಟ್ಟಿತ್ಂಜತ್. ಆ ಪಟ್ಟಣ ತೆಳ್ಂಗ್‍ನ ಗಾಜಿಕ್ ತಕ್ಕಂತ ಶುದ್ದವಾನ ಪೊನ್ನಾಯಿತ್ಂಜತ್.

ಪ್ರಕಟನೆ 21:18 ပူးပေါင်းရင်းမြစ်များ

ಪ್ರಕಟನೆ 21:11

ಅದ್‍ಲ್ ದೇವಡ ಮಹಿಮೆ ಇಂಜತ್. ಆ ಪಟ್ಟಣತ್‍ರ ಬೊಳಿ, ಬಲ್ಯ ಬೆಲೆಯುಳ್ಳ ರತ್ನತ್‍ರ ಬೊಳಿ‍ರನೆಕೆಯು, ಪಳಪಳಾಂದ್ ಉಳ್ಳ ವಜ್ರತ್‍ರನೆಕೆಯು ಇಂಜತ್.

ಪ್ರಕಟನೆ 21:19

ಪಟ್ಟಣತ್‍ರ ಗೋಡೆರ ಅಡಿಪಾಯ, ನಾನಾ ತರತ್‍ರ ರತ್ನತ್ಂಜ ಅಲಂಕಾರ ಮಾಡಿತ್ಂಜತ್. ಆದ್ಯತ್‍ರ ಅಡಿಪಾಯ ವಜ್ರವಾಯಿತ್ಂಜತ್. ದಂಡನೆ ಅಡಿಪಾಯ ನೀಲಮಣಿ ಆಯಿತ್ಂಜತ್. ಮೂಂದನೆ ಅಡಿಪಾಯ ಪಟ್ಟೆಕಲ್ಲ್ ಆಯಿತ್ಂಜತ್. ನಾಲನೆ ಅಡಿಪಾಯ ಪಚ್ಚೆ ಕಲ್ಲ್ ಆಯಿತ್ಂಜತ್.

ಪ್ರಕಟನೆ 21:21

ಪನ್ನೆರಂಡ್ ಬಾಯಿಕಂಡಿಯು ಪನ್ನೆರಂಡ್ ಮುತ್ತಾಯಿತ್‍ಂಜತ್. ಓರೋರ್ ಬಾಯಿಕಂಡಿಯು ಓರೋರ್ ಮುತ್ತ್‌ಲ್ ಮಾಡಿತ್ಂಜತ್. ಪಟ್ಟಣತ್‍ರ ಬೀದಿ ತೆಳ್ಂಗ್‍ನ ಗಾಜಿರ ಶುದ್ದವಾನ ಪೊನ್ನ್‌ರನೆಕೆ ಇಂಜತ್.

ಪ್ರಕಟನೆ 4:6

ಆ ಸಿಂಹಾಸನತ್‍ರ ಮಿಂಞ ಶುದ್ದವಾನ ಪಾಕಲ್ಲ್‌ರನೆಕೆ ಗಾಜಿರ ಕಡಲ್ ಇಂಜತ್. ಸಿಂಹಾಸನತ್‍ರ ಮದ್ಯತ್‍ಲ್ ಪಿಂಞ ಸಿಂಹಾಸನತ್‍ರ ಸುತ್ತ್‌ಲ್ ನಾಲ್ ಜೀವ ಪ್ರಾಣಿಯ ಇಂಜತ್; ಜೀವ ಪ್ರಾಣಿಯಕ್ ಮಿಂಞಕು ಬಯ್ಯಕು ಪೂರ್ತಿ ಕಣ್ಣ್ ದುಂಬಿತ್ಂಜತ್.