ಪ್ರಕಟನೆ 21:17 - ಕೊಡವ ಬೈಬಲ್

¹⁷ ಅಂವೊ ಅದ್ಂಡ ಗೋಡೆನ ಅಳ್‌ತೆ ಮಾಡ್‌ವಕ, ಮನುಷ್ಯಂಗಡ ಅಳ್‌ತೆರನೆಕೆ ದೇವದೂತ ಅದ್‍ನ ಅಳ್‌ತೆ ಮಾಡ್‌ವಕ ದಂಡ್ ನೂರ ಪದನಾರ್ ಅಡಿ ಇಂಜತ್.

ಪ್ರಕಟನೆ 21:17 ပူးပေါင်းရင်းမြစ်များ

ಪ್ರಕಟನೆ 13:18

ಇಲ್ಲಿ ಜ್ಞಾನ ಉಂಡ್; ಆ ಮೃಗತ್‍ರ ಸಂಖ್ಯೆನ, ಬುದ್ದಿ ಉಳ್ಳಂವೊ ಲೆಕ್ಕ ಮಾಡಿತ್ ನೋಟಡ್. ಅದ್ ಮನುಷ್ಯಂಗಡ ಲೆಕ್ಕವಾಯಿತುಂಡ್; ಆ ಸಂಖ್ಯೆ ಆರ್‌ನೂಯಿಟ ಅರ್‌ವತ ಆರ್.

ಪ್ರಕಟನೆ 14:3

ಅಯಿಂಗ, ಸಿಂಹಾಸನತ್‍ರ ಮಿಂಞತ್‍ಲ್, ನಾಲ್ ಜೀವಿಯಡ ಮಿಂಞತ್‍ಲ್, ಪೆರಿಯಯಿಂಗಡ ಮಿಂಞತ್‍ಲ್ ಪುದಿಯ ಪಾಟ್‍ನ ಪಾಡ್‌ಚಿ. ಬೂಲೋಕತ್ಂಜ ವಿಮೋಚನ ಕ್‍ಟ್ಟಿತ್ ಬಂದ 1,44,000 ಜನಳ ಬುಟ್ಟಿತ್ ಆ ಪಾಟ್‍ನ ಬೋರೆ ದಾರೂ ಪಡಿಪಕ್ ಕಯ್ಯುವಕಿಂಜಿಲೆ.

ಪ್ರಕಟನೆ 21:16

ಆ ಪಟ್ಟಣ ಚದರವಾಯಿತ್ಂಜತ್. ಅದ್ಂಡ ಉದ್ದವೂ ಅಗಲವೂ ಸಮವಾಯಿತ್ಂಜತ್. ಅಂವೊ ಅಂವೊಂಡ ಕೈಯಿಲ್ ಇಂಜ ಕೋಲ್‍ಲ್ ಪಟ್ಟಣತ್‍ನ ಅಳ್‌ತೆ ಮಾಡ್‍ಚಿ. ಅಳ್‌ತೆ ದಂಡಾಯಿರತ ನಾನೂರ್ ಕಿಲೊ ಮೀಟರ್ ಇಂಜತ್. ಅದ್ಂಡ ಉದ್ದ ಅಗಲ ಎತ್ತರವೆಲ್ಲಾ ಸಮವಾಯಿತ್ಂಜತ್.

ಪ್ರಕಟನೆ 21:9

ಪಿಂಞ ಆಕೀರ್‌ಲ್ ಏಳ್ ಬಾದೆರಗುಂಡ್ ದುಂಬಿತ್ಂಜ ಏಳ್ ಪಾತ್ರತ್‍ನ ಪುಡ್‌ಚಂಡಿಂಜ ಆ ಏಳ್ ದೇವದೂತಂಗಡಲ್ಲಿ ಒಬ್ಬ ನಾಡ ಪಕ್ಕ ಬಂದಿತ್: ಇಲ್ಲಿ ಬಾ! ನಾನ್, ಕೊರಿಕುಟ್ಟಿಯಾನವೊಂಡ ಪೊಣ್ಣಾಪಕುಳ್ಳ ಮಂಗಲಕರ್ತಿನ ನೀಕ್ ಕಾಟಿತಪ್ಪೀಂದ್ ಎಣ್ಣ್‌ಚಿ.

ಪ್ರಕಟನೆ 7:4

ಮುದ್ರೆ ಇಟ್ಟಯಿಗಂಡ ಲೆಕ್ಕ ನಾಕ್ ಕ್‍ೕಟತ್. ಇಸ್ರಾಯೇಲ್ ಜನತ್‍ರ ಎಲ್ಲಾ ಕುಲತ್‍ಂಜಲು ಮುದ್ರೆ ಇಟ್ಟಯಿಂಗ ಒರ್ ಲಕ್ಷತ್ ನಾಪತ ನಾಲಾಯಿರ ಜನವಾಯಿತ್ಂಜತ್.