ಪ್ರಕಟನೆ 21:15 - ಕೊಡವ ಬೈಬಲ್

¹⁵ ನಾಡ ಕೂಡೆ ತಕ್ಕ್ ಪರ್‌ದಂಡ್ ಇಂಜಂವೊ, ಆ ಪಟ್ಟಣತ್‍ನ, ಅದ್ಂಡ ಬಾಯಿಕಂಡಿ‍ನ ಅಳ್‌ತೆ ಮಾಡ್‌ವಕಾಯಿತ್ ಪೊನ್ನ್‌ರ ಅಳ್‌ತೆ ಕೋಲ್‍ನ ಕೈಯಿಲ್ ಪುಡ್‍ಚಂಡ್ ಇಂಜತ್.

ಪ್ರಕಟನೆ 21:15 ပူးပေါင်းရင်းမြစ်များ

ಪ್ರಕಟನೆ 21:12

ಆ ಪಟ್ಟಣಕ್ ಬಲ್ಯ ಉದ್ದವಾನ ಗೋಡೆ ಇಂಜತ್. ಅದ್ಂಗ್ ಪನ್ನೆರಂಡ್ ಬಾಯಿಕಂಡಿ ಇಂಜತ್. ಕ್‍ೕಕ್ ದಿಕ್ಕ್‌ಲ್ ಮೂಂದ್, ಬಡಕ್‌ ದಿಕ್ಕ್‌ಲ್ ಮೂಂದ್, ತೆಕ್ಕ್‌ ದಿಕ್ಕ್‌ಲ್ ಮೂಂದ್ ಪಿಂಞ ಪಡ್‍ಞಾರ್ ದಿಕ್ಕ್‌ಲ್ ಮೂಂದ್ ಇಂಜತ್.

ಪ್ರಕಟನೆ 21:16

ಆ ಪಟ್ಟಣ ಚದರವಾಯಿತ್ಂಜತ್. ಅದ್ಂಡ ಉದ್ದವೂ ಅಗಲವೂ ಸಮವಾಯಿತ್ಂಜತ್. ಅಂವೊ ಅಂವೊಂಡ ಕೈಯಿಲ್ ಇಂಜ ಕೋಲ್‍ಲ್ ಪಟ್ಟಣತ್‍ನ ಅಳ್‌ತೆ ಮಾಡ್‍ಚಿ. ಅಳ್‌ತೆ ದಂಡಾಯಿರತ ನಾನೂರ್ ಕಿಲೊ ಮೀಟರ್ ಇಂಜತ್. ಅದ್ಂಡ ಉದ್ದ ಅಗಲ ಎತ್ತರವೆಲ್ಲಾ ಸಮವಾಯಿತ್ಂಜತ್.

ಪ್ರಕಟನೆ 21:21

ಪನ್ನೆರಂಡ್ ಬಾಯಿಕಂಡಿಯು ಪನ್ನೆರಂಡ್ ಮುತ್ತಾಯಿತ್‍ಂಜತ್. ಓರೋರ್ ಬಾಯಿಕಂಡಿಯು ಓರೋರ್ ಮುತ್ತ್‌ಲ್ ಮಾಡಿತ್ಂಜತ್. ಪಟ್ಟಣತ್‍ರ ಬೀದಿ ತೆಳ್ಂಗ್‍ನ ಗಾಜಿರ ಶುದ್ದವಾನ ಪೊನ್ನ್‌ರನೆಕೆ ಇಂಜತ್.

ಪ್ರಕಟನೆ 21:25

ಅಲ್ಲಿಕ್ ಬಯಿಟ್ ಎಣ್ಣ್‌ವದೇ ಇಲ್ಲತಗುಂಡ್, ಅದ್ಂಡ ಬಾಯಿಕಂಡಿ‍ನ ಮುಚ್ಚಿತ್ ಬೆಪ್ಪದೇ ಇಲ್ಲೆ, ಎಕ್ಕಾಲು ತೊರ್‌ಂದಿತೇ ಇಪ್ಪ.