ಪ್ರಕಟನೆ 20:9 - ಕೊಡವ ಬೈಬಲ್

⁹ ಅಯಿಂಗ ಬೂಮಿಯೆಲ್ಲ ಹರಡಿಯಂಡ್, ದೇವಡ ಮಕ್ಕ ಕೂಡುವ ಜಾಗತ್‍ನ, ಪ್ರೀತಿರ ಪಟ್ಟಣತ್‍ನ ಸುತ್ತಿಯಂಡತ್; ಅಕ್ಕ ಬಾನತ್ಂಜ ತಿತ್ತ್ ಬಂದಿತ್ ಅಯಿಂಗಳ ಚುಟ್ಟ್‌ರ್‍ವ.

ಪ್ರಕಟನೆ 20:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 19:24

ಅಕ್ಕ ಯೆಹೋವ ಸೊದೋಮ್‌ ಗೊಮೋರತ್‌ರ ಮೇಲೆ ಗಂಧಕ ಪಿಂಞ ತಿತ್ತ್‌ರ ಮಳೆನೆ ಪೊಜ್ಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 17:29

ಆಚೇಂಗಿ ಲೋಟ ಸೊದೋಮ್ ಊರ್‌ನ ಬುಟ್ಟಿತ್ ಪೋನ ಅದೇ ದಿವಸತ್‍ಲ್ ಬಾನತ್ಂಜ ತಿತ್ತ್ ಪಿಂಞ ಗಂಧಕ, ಸೊದೋಮ್ ಊರ್‌ರ ಮೇಲೆ ಬುದ್ದಿತ್ ಎಲ್ಲಾರ್‌ನ ಕೊಂದ್‍ರ್‌ತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:43

ಯೆರೂಸಲೇಮೇ, ದೇವ ನಿನ್ನ ಕಾಪಾಡ್‌ವ ದಿನ ನೀಕ್ ಗೊತ್ತಿಲ್ಲತಗುಂಡ್, ನೀಡ ಶತ್ರುವ ನೀಡ ಸುತ್ತ್‌ಲ್ ಗೋಡೆ ಕೆಟ್ಟಿತ್, ನೀಡ ಸುತ್ತ್‌ಲ್ ಯುದ್ದ ಮಾಡ್‌ವ ದಿನ ಬಪ್ಪ. ನೀನ್ ಎಲ್ಲಿಯು ಪೋಕತನೆಕೆ, ಶತ್ರುವ, ನೀಡ ಎಲ್ಲಾ ಬಟ್ಟೇನ ಮುಚ್ಚಿರ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:20

ಯೆರೂಸಲೇಮ್ ಪಟ್ಟಣತ್‍ನ ದುಂಬ ಸೈನ್ಯ ಮೊರೆಬೂವದ್‍ನ ನಿಂಗ ಕಾಂಬಕ, ಅದ್ ಪಳಾಯಿ ಪೋಪ ಕಾಲ ಬೆರಿಯ ಬಾತ್‍ೕಂದ್ ನಿಂಗಕ್ ಗೊತ್ತಿರಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:54

ಯಾಕೋಬ ಪಿಂಞ ಯೋಹಾನ ಇದ್‍ನ ಕಂಡದು: ಸ್ವಾಮೀ, ಅಯಿಂಗಳ ಪಾಳ್ ಮಾಡ್‌ವಕ್ ನಂಗ ಪರಲೋಕತ್ಂಜ ತಿತ್ತ್‌ನ ಅಡಿಕ್ ಕೊಂಡ್‍ಬರಂಡುವಾಂದ್ ಯೇಸುನ ಕ್‍ೕಟತ್.

ಇಬ್ರಿಯ 13:13

ಆನಗುಂಡ್, ನಂಗ ಅಂವೊಂಡ ಅವಮಾನತ್‍ನ ಎಡ್‍ತಂಡ್, ಗುಡಾರತ್‍ರ ಪೊರಮೆ ಅಂವೊಂಡ ಪಕ್ಕ ಪೋಕನ.

ಪ್ರಕಟನೆ 11:5

ಈಂಗಕ್ ದಾರೇಂಗಿ ಕ್‍ೕಡ್ ಮಾಡಂಡೂಂದ್ ಗೇನ ಮಾಡ್‍ಚೇಂಗಿ, ಅಯಿಂಗಡ ಬಾಯಿಂಜ ತಿತ್ತ್ ಬಂದಿತ್ ಅಯಿಂಗಡ ವಿರೋದಿಯಳ ಚುಟ್ಟ್‌ರ್‍ವ. ಈಂಗಕ್ ದಾರೇಂಗಿ ಕ್‍ೕಡ್ ಮಾಡ್‌ವಕ್ ಗೇನ ಮಾಡ್‍ಚೇಂಗಿ ಅಂವೊ ಈ ರೀತಿಲ್ ಕೊಲೆ ಆಂಡು.

ಪ್ರಕಟನೆ 13:13

ತಿತ್ತ್ ಬಾನತ್ಂಜ ಬೂಮಿಕ್ ಇಳ್ಂಜಿತ್ ಬಪ್ಪನೆಕೆ ಅದ್ ಬಲ್ಯ ಗುರ್‌ತ್ ಕಾರ್ಯತ್‍ನ ಜನಡ ಮಿಂಞತ್ ಕಾಂಬ್‍ಚಿಟ್ಟತ್.