ಪ್ರಕಟನೆ 20:8 - ಕೊಡವ ಬೈಬಲ್

⁸ ಅಕ್ಕ, ಅಂವೊ ಪೊರಮೆ ಬಂದಿತ್, ಬೂಮಿರ ನಾಲ್ ದಿಕ್ಕ್‌ಲ್ ಉಳ್ಳ ಗೋಗ್ ಮಾಗೋ‍ಗ್ ಎಣ್ಣುವ ಜನಳ ಮೋಸ ಮಾಡ್‌ವಕಾಯಿತ್ ಮರ್‍ಳ್ ಮಾಡಿತ್, ಅಯಿಂಗಳ ಯುದ್ದಕ್ ಪೋಪನೆಕೆ ಮಾಡ್‌ವಕ್ ಪೊರಟಿತ್ ಪೋಪ; ಅಯಿಂಗಡ ಲೆಕ್ಕ ಸಮುದ್ರತ್‍ರ ಮಣರಚ್ಚಕ್ ಇಪ್ಪ.

ಪ್ರಕಟನೆ 20:8 ပူးပေါင်းရင်းမြစ်များ

ಇಬ್ರಿಯ 11:12

ಆನಗುಂಡ್, ತಡೀಲ್ ಇಂಞು ಮಿಂಞಕ್ ಒಂದು ಮಾಡ್‌ವಕ್ ಕಯ್ಯತ, ತಡಿ ಚತ್ತ್ ಪೋಚೀಂದ್ ಎಣ್ಣುವಕಾಪ ಒಬ್ಬನಗುಂಡ್, ಎಣ್ಣ್‌ವಕಯ್ಯತ ಬಾನತ್ ಮೀನ್‍ರನೆಕೆಯು, ಕಡಕರೆಲ್ ಲೆಕ್ಕ ಮಾಡ್‌ವಕ್ ಕಯ್ಯತ ಮಣತ್‍ರನೆಕೆಯು ದುಂಬ ಜನ ಪುಟ್ಟ್‌ಚಿ.

ಪ್ರಕಟನೆ 12:9

ಬೂಲೋಕತ್‍ನ ಎಲ್ಲಾ ಮೋಸ ಮಾಡಿಯಂಡಿಂಜ, ಪಿಶಾಚೀಂದೂ ಸೈತಾನಾಂದೂ ಎಣ್ಣಿಯಂಡಿಂಜ ಪಳೆಯ ಘಟಸರ್ಪತ್‍ನ ಬೂಮಿಕ್ ಬೂವನೆಕೆ ದೂಡ್‍ಚಿ. ಅದ್ಂಡಕೂಡೆ ಇಂಜ ದೂತಂಗಳ ಸಹ ಬೂಮಿಕ್ ದೂಡಿರ್‌ತ್.

ಪ್ರಕಟನೆ 16:14

ಅಯಿಂಗ ಅದ್ಬುದ ಮಾಡ್‌ವ ಕೂಳಿಯಂಗ; ಬೂಲೋಕತ್‍ಲ್ ಉಳ್ಳ ರಾಜಂಗಡ ಪಕ್ಕ ಪೋಯಿತ್ ಸರ್ವ ಶಕ್ತನಾಯಿತ್ ಉಳ್ಳ ದೇವಡ ಮಹಾ ದಿವಸತ್‍ಲ್ ಆಪ ಯುದ್ದಕ್ ಅಯಿಂಗಳ ಕೂಟ್‍ವಕಾಯಿತ್ ಪೊರಟಿತ್ ಪೋಚಿ.

ಪ್ರಕಟನೆ 20:10

ಇದ್‍ಲ್ಲತೆ, ಅಯಿಂಗಳ ಮರ್‍ಳ್ ಮಾಡ್‍ನ ಸೈತಾನನ, ಮೃಗತ್‍ನ, ಕಳ್ಳ ಪ್ರವಾದಿನ ಪ್ರವಾದಿ ಬೆಚ್ಚಿತ್ಂಜ ತಿತ್ತ್ ಕತ್ತಿಯಂಡ್ ಉಳ್ಳ ಗಂಧಕತ್‍ರ ಕಡಲ್‍ಲ್ ಇಟ್ಟಿರುವ. ಅಯಿಂಗ ಅಲ್ಲಿ ಪೋಲ್ ಬಯಿಟಾಯಿತ್ ಎಕ್ಕಾಲು ಹಿಂಸೆ ಪಟ್ಟಂಡಿಪ್ಪ.

ಪ್ರಕಟನೆ 20:3

ಆ ಆಯಿರ ಕಾಲ ನೆರೆವೇರುವಕತ್ತನೆ ಅದ್ ಜನಳ ಮೋಸ ಮಾಡತನೆಕೆ ಅದ್‍ನ ಪಾತಾಳತ್‍ಲ್ ತಳ್ಳಿತ್ ಅದ್ಂಡ ಬಾಯಿಕಂಡಿ‍ನ ಮುದ್ರೆ ಇಟ್ಟತ್. ಆ ಆಯಿರ ಕಾಲ ಆನ ಪಿಂಞ ಅದ್ ಚೆನ್ನ ಕಾಲ ಬುಡ್‍ಗಡೆ ಆಪ.

ಪ್ರಕಟನೆ 7:1

ಇದಾನ ಪಿಂಞ ಬೂಮಿರ ನಾಲ್ ಮೂಲೆಲ್ ನಾಲ್ ದೇವದೂತಂಗ ನಿಂದಂಡ್ ಬೂಮಿರ ಮೇಲೆ, ಸಮುದ್ರತ್‍ರ ಮೇಲೆ, ಏದ್ ಮರತ್‍ರ ಮೇಲೆಯು ಗಾಳಿ ಬೀಜುವಾನ ತಡ್‍ತಿತ್, ಬೂಮಿರ ನಾಲ್ ಗಾಳಿನ ತಡ್‍ತನೆಕೆ ಕಂಡತ್.